Yeni Toyota Land Cruiser 300 – alıcılar tərəfindən səbirsizliklə gözlənilən model olduğunu desək yanılmarıq. Yapon brendinin Azərbaycan nümayəndəliyi iyul ayının 6-sı yeni “üç yüz” modelini yerli avtomobil ictimaiyyətinə təqdim etdi. Təqdimatın təşkilatçıları Toyota-nın ən çox rəğbət bəslənilən ofrouderinin əksər üstünlüklərini nümayiş etdirmək üçün xüsusi poliqon hazırlatmışdırlar.

70 illik satış tarixçəsinə malik olan model dünyanın 170 ölkəsində avtomobil həvəskarlarını etibarlı yol yoldaşına çevrilmişdir. Artıq avtomobilin 10.4 milyondan çox nüsxəsi öz sahiblərini tapmışdır.

Toyota-nın yeni LC 300 modeli Keyfiyyət, Davamlılıq və Etibar göstəricilərinə görə əfsanəyə çevrilən böyük qardaşı LC200-ü daha da qabaqlamaqdadır. Sürücülər getdikləri yolu daha rahat qət etmək üçün  avtomobilin yolsuzluq performası və gücü artırılıb.

LC300 SUV-nun mühərriki, transmissiyası və şassisi tamamı ilə yenilənmişdir. Yeni müasir texnologiyalar və təhlükəsizlik sistemləri avtomobilin dinamikasına xələl yetirmədən sizlərin istifadəsinə təqdim olunur.
Avtomobilin korpusunun çəkisinin azaldılması və möhkəmliyinin daha da artırılması məqsədi ilə yenidən dizayn edilib. Nəticədə avtomobilin çəkisi 200 kq. azaldılmışdır.

Yeni Toyota Land Cruiser 300-ün asqı sistemi ən sərt rejimlərdə Dakar və digər rallilərin usta sürücülər tərəfindən son həddə qədər test olunub və onların rəyləri nəzərə alınaraq hazırlanmışdır. Avtomobildə dünyada ilk dəfə olaraq, Elektron Dinamik Kinetik asqı sistemi tətbiq olunmaqdadır. Həmçinin, Yeni LC300-də ətrafının və təkərlərin mövqeyini əhatə edən “3D-Multi-Terrain-Monitor” ilk dəfə tətbiq olunmaqdadır.

Yollarımızın yeni əfsanəsini 3.5 litrlik benzin və 3.3 litrlik dizel V6 bi-turbo mühərriki hərəkətə gətirir. Yanacaq sərfiyyatının və ekologiyaya atılan CO2 qazının 10% azaldılmasına səbəbkar isə yeni hazırlanmış 10 pilləli avtomatik transmissiyadır.

Yeni Toyota Land Cruiser 300 modeli ilə daha da yaxından tanış olmaq üçün Sizləri Toyota-nın rəsmi dilerlərinə ziyarət etməyi tövsiyə edirik.