Bu avtomobillərdə 4,4 lityr həcmə malik əvvəlki V8 biturbo mühərriki saxlanılıb, amma motorun gücü 20 at gücü və 70 Nm artıb. İndi V8 mühərriki 575 at gücünə malikdir, fırlanma momenti isə 750 Nm-dir. İlk baxışdan artım o qədər də böyük görünməyə bilər, amma 100 km/saat sürət yığmaq üçün müddət az qala yarım saniyə azalıb və 4,2 saniyə təşkil edir. Buna "M" krossoveri üçün xüsusi tənzimələrlə təhiz olunmuş 8 pilləli yeni Steptronic avtomat transmissiyası sayəsində nail olunub. Maskimal sürət əvvəlkitək elektronika vasitəsilə 250 km/saat səviyyəsində məhdudlaşdırılıb.

Əlbəttə, şassi də yenidən işlənib. Klirens 10 mm kiçilib, standart əyləc mexanizmlərini isə ön tərəfdə altı porşenli, arxa da isə bir porşenli güclü mexanizmlər əvəz edib. Şinlər ən yaxşı superkarlarda olduğu kimi Michlen Pilot Super Sport şinləridir. Onlar 20 düymlük (əlavə ödəniş müqabilində 21 düymlük) təkər disklərinin üzərinə taxılıb. Yeni "M" krossoverlərinin daha bir məziyyəti proyeksiya displeyinin xüsusi "M" rejimidir, bu rejimdə yalnız taxometrin göstəriciləri və seçilmiş sürət pilləsinin indikatoru əks olunur.

Bu avtomobillərin Avropa premyerası Cenevrə motor-şousunda baş tutacaq, bu isə o deməkdir ki, bizim ölkədə satışların tezliklə başlanacağını gözləməyə dəyməz. Amerikalılar isə hətta qiymətləri də bilirlər: X5M üçün qiymətlər 99.650 dollardan, X6M üçün isə 103.050 dollardan başlayır.