Kia Avropada satılacaq yeni modelini hazırlayır

Kia Motors Carens miniveninin ilk eskizlərini dərc etdi (Şimali Amerika bazarında bu model Rondo adlanacaq). Bu avtomobilin təqdim etmə mərasimi may ayının axırında Madriddəki avtosalonda keçiriləcək. �?vvəlkilərə nisbətən yeni nəsil uzun, hündür və enli olacaq. Arxa cərgənin döşəməyə yığılması şərtilə, bu modelin yeddi yerlik variantı da satılacaq.

Passat “gücləndirilmiş" modifikasiya əldə edəcək

Bir neçə mənbələrdən aldığımız xəbərlərə əsasən, Volkswagen şirkəti VW Passat sedanının “gücləndirilmiş" modifikasiyasını rəsmi təqdim etməyə hazırlaşır. Yeni modelin debütu 2007-ci ilin yazında, Cenevrə avtosalonu çərçivəsində, gözlənilir. Bu halda model, Volkswagen şirkətinin yeni ənənəsinə uyğun olaraq, VW Passat R63 adlandırılacaq.