Rusiya yeni Lada avtomobillərinin istehsalına başlayıb
2011-11-29 Просмотров: 6454
Rusiyanın “AvtoVAZ” şirkəti bu gündən “Lada Granta” avtomobillərinin istehsalına başlayıb.
“Vesti”yə istinadən xəbərinə görə, zavodun mətbuat xidmətinin yaydığı açıqlamada bildirilir ki, yeni modelin satışına dekabr ayından başlanacaq.
“Lada Granta” avtomobili “Lada Kalina”nın platforması əsasında yaradılıb. Yeni model “Lada 2107”, “Lada Samara” və “Lada Kalina” modellərini əvəzləmək üçün nəzərdə tutulub. “Lada Granta” bu modellərdən geniş salonu və yük yeri, nəzərə çarpan dərəcədə komfortu və təhlükəsizliyi ilə fərqlənir.
Yeni modelin “standart” komplektasiyasının qiyməti 229 min rubl (7900 dollar), “norma” komplektasiyasının qiyməti isə 256 min rubl (8830 dollar) təşkil edəcək. “Lada Granta”nın konstruksiyası “Renault-Nissan” alyansının rəqəmli texnologiya və metodikalarının köməyi ilə hazırlanıb. Avtomobilin maksimal sürəti 167 km/saat, yanacaq sərfiyyatı 100 km-ə 7,2 litrdir. Məxsusi olaraq bu model üçün 8 klapanlı və 1,6 litr həcmli mühərrik hazırlanıb.
Xatırladaq ki, “AvtoVAZ” şirkəti 1993-cü ildə yaradılıb. Şirkətin əsas səhmdarlarından biri Fransanın “Renault” şirkətidir. “AvtoVAZ”ın səhmlərinin 25%-i “Renault”a məxsusdur. Son illərdə şirkət “Lada Priora”, “Lada Kalina”, “Lada Samara”, eləcə də “klassik” modellər (o cümlədən “VAZ-2107”) buraxıb. “Lada Granta”nın adı ötən il keçirilən və 48 min nəfərin iştirak etdiyi müsabiqə nəticəsində seçilib. Bu adı ilk dəfə təklif edən Pavel Zaxarov (Krasnoyarsk) “lüks” komplektasiyalı “Lada Kalina” ilə mükafatlandırılıb.
“Vesti”yə istinadən xəbərinə görə, zavodun mətbuat xidmətinin yaydığı açıqlamada bildirilir ki, yeni modelin satışına dekabr ayından başlanacaq.
“Lada Granta” avtomobili “Lada Kalina”nın platforması əsasında yaradılıb. Yeni model “Lada 2107”, “Lada Samara” və “Lada Kalina” modellərini əvəzləmək üçün nəzərdə tutulub. “Lada Granta” bu modellərdən geniş salonu və yük yeri, nəzərə çarpan dərəcədə komfortu və təhlükəsizliyi ilə fərqlənir.
Yeni modelin “standart” komplektasiyasının qiyməti 229 min rubl (7900 dollar), “norma” komplektasiyasının qiyməti isə 256 min rubl (8830 dollar) təşkil edəcək. “Lada Granta”nın konstruksiyası “Renault-Nissan” alyansının rəqəmli texnologiya və metodikalarının köməyi ilə hazırlanıb. Avtomobilin maksimal sürəti 167 km/saat, yanacaq sərfiyyatı 100 km-ə 7,2 litrdir. Məxsusi olaraq bu model üçün 8 klapanlı və 1,6 litr həcmli mühərrik hazırlanıb.
Xatırladaq ki, “AvtoVAZ” şirkəti 1993-cü ildə yaradılıb. Şirkətin əsas səhmdarlarından biri Fransanın “Renault” şirkətidir. “AvtoVAZ”ın səhmlərinin 25%-i “Renault”a məxsusdur. Son illərdə şirkət “Lada Priora”, “Lada Kalina”, “Lada Samara”, eləcə də “klassik” modellər (o cümlədən “VAZ-2107”) buraxıb. “Lada Granta”nın adı ötən il keçirilən və 48 min nəfərin iştirak etdiyi müsabiqə nəticəsində seçilib. Bu adı ilk dəfə təklif edən Pavel Zaxarov (Krasnoyarsk) “lüks” komplektasiyalı “Lada Kalina” ilə mükafatlandırılıb.
