Yol hərəkətinin nüansları

Просмотров: 3447
Yol hərəkətinin nüansları

İngiltərə

İngiltərədə yol hərəkəti biristiqamətlidir. Xarici sürücülər buna artıq alışıblar. Bu, hərəkət zamanı müəyyən narahatlıqlara gətirib çıxara bilər. İngiltərə avtomobillərinin çoxunda sükan sağda yerləşir, sürət pilləsi sağ əllə deyil, sol əllə dəyişdirilir. İlk baxışdan bu detal əhəmiyyətsiz görünür, amma avtomobilinizə mexaniki sürət qutusu quraşdırılıbsa və bir sürət pilləsindən digərinə tez keçməyi tələb edən çoxlu manevrlər etmək lazım gəlirsə, onda işiniz bir qədər mürəkkəb olacaq. Dönmə manevrinə sürücü üçün rahat olan istənilən hər yerdə icazə verilir və bu, qanunla qadağan olunmayıb. Gözləmədiyiniz yerdə ingilis sürücünün dönmə manevri etdiyini görsəniz, əsəblərinizi cilovlamağa və təmkininizi pozmamağa çaşın. Kiçik qəsəbələrdə hərəkət sürətinə saatda 30 mil sürət məhdudiyyəti qoyulub. Yolla hərəkət edərkən yol nişanını görməmisinizsə, özünüzü sərbəst hiss etməyinizə dəyməz – müasir ingilis kəndlərinin yolları hərəkətə nəzarət edən kameralarla doludur. Dar küçələrdə sürücülərin biri-birinə yol verməsi və sıxlıq yaratmaması üçün xüsusi sahələr nəzərdə tutulub. Adətən belə küçəyə yenicə yaxınlaşan sürücü artıq orada olan sürücüyə yol verir, sonuncu isə adətən minnətdarlıq ifadəsi olaraq gedərkən əlini yelləyir.

İspaniya

iz kəndarası yoldan şoseyə çıxmağa 20 dəqiqə və ya yarım saat vaxt sərf edə bilərsiniz. İspan sürücülər yolda həmkarlarını irəliyə buraxmağa öyrəşməyiblər, buna görə də şoseyə yoluna çıxmaq üçün yolda hətta bizim ölkədə olduğundan daha aqressiv olmağınız lazım gələcək. İspaniyada displeyli naviqasiya sistemləri qadağan olunub, buna görə də öz GPS-inizi evdə qoya bilərsiniz, o sizə lazım olmayacaq.

Fransa

Fransa avtobanlarında yazılmayan bir qayda var: əgər siz sol cərgədəki avtomobili haqlamısınızsa, dərhal avtomobilinizi sağ cərgəyə çəkin ki, arxadan gələn avtomobillər ötüb keçə bilsinlər. Bu əməliyyatı mümkün qədər tez etmək lazımdır. Əks halda görəcəksiniz hansısa fransızın avtomobili sizin avtomobilinizə dirənib və siz sağa doğru çəkilməyincə o sizdən əl çəkməyəcək. Həqiqətən bu fransızlar qəribədirlər... İnanın ki, o, sizi cəzalandırmaq istəmir, sadəcə olaraq bu, sizin yolda belə hərəkətinizə fransızların adi reaksiyasıdır.

Yaponiya

Yapon sürücülər də yapon texnikası kimi ciddi və təmkinlidir, qaydalara dəqiqliklə və daim riayət edirlər. Yalnız bir neçə istisna hallar var. Praktiki olaraq bütün sürücülər işıqforda indicə qırmızı işıq yanacağını görəndə sürəti artırıb tez keçməyə çalışırlar ki, dayanmalı olmasınlar. Yaxşı olar ki, buna hazır olasınız və bu zaman hərəkətin soltərəfli olduğunu, sükanın isə sağda yerləşdiyini nəzərə alasınız. Çox vaxt avtomobil sahibləri avtomobillərini elə yerdə parklayırlar ki, yol hərəkətinə maneə yaranmış olur, amma heç kim onları cərimələmir. Onu da nəzərə alın ki, bu ölkədə çoxlu velosipedçilər var, özü də onlar yolun kənarı ilə avtomobillərin hərəkətinin əks istiqamətində hərəkət edirlər. Odur ki, ehtiyatlı olun!

Hindistan

Bu ölkədə hərəkət həm sağtərəflidir, həm də soltərəfli. Hərəkət əsasən sol zolaqdan başlayır, bu zolaqda hərəkət dayandıqda isə sağ zolağa keçir və əksinə. Hər iki zolağın heç birində hərəkət imkanı yoxdursa, "pəncərə" yaranana gözləməli və avtomobilinizi yaranmış həmin boşluğa doğru sürməlisiniz. Necə dəyərlər, kifayət qədər sadə strategiyadır. Onu da qeyd edək ki, Hindistanda nəqliyyat vasitəsi nə qədər böyükdürsə, sürücüyə bir o qədər hörmət edirlər. Belə ki, qaydalardan asılı olmayaraq minik avtomobili yük avtomobilini irəli buraxmalıdır, uzaq məsafələrə hərəkət edən iri yük avtomobilləri və böyük furqonlar isə "yolların krallarıdır" və istədiklərini etməkdə sərbəstdirlər. Sürücü avtomobil siqnalından (klakson) təkcə diqqəti cəlb etmək üçün istifadə etmir. Siqnal həm də sevinc, kədər, salamlama, vidalaşma, təhqir və eşqbazlıq kimi hisslərin ifadə edilməsinə xidmət edir. Əgər siz boş şose yolunda müxtəlif rəngli işıqlar saçan və qulaqbatırıcı səslər çıxaran naməlum uçan obyekt görsəniz, qorxmayın. Çox güman ki, bu, tanrı ilə görüşə can atan zəvvarlarla dolu avtobusdur. Avtobus yoldakı hərəkət tərzini və sürətini nəzərə alsaq, zəvvarların tanrının görüşünə dərhal və birbaşa yollanması ehtimalı kifayət qədər böyükdür.

Misir

İsrailli sürücülərin axınına qatılmaq istəyirsinizsə, sizə ikicə şey lazımdır: 1. yaxşı qulaqcıqlar, 2. qulaq üçün yaxşı tıxaclar. Misirli sürücülərin avtomobillərinin siqnalları heç vaxt susmur! Özü də siqnallar hər hansı məqsəd olmadan işə salınır – bu, sadəcə sürücünün yolda olduğuna işarədir. Odur ki, siqnal vermək istəsəniz heç nədən çəkinməyin, sakitliyi isə ölkənizin yollarında axtararsınız, burada belə şey yoxdur! Gecələr yola çıxmaq məsləhət görülmür. Misirli sürücülər gecələr yolda dayanmağı və avtomobilin bütün işıqlarını yandırmağı, yaxud da ümumiyyətlə faraları yandırmadan böyük sürətlə şütüməyi xoşlayırlar. Hər iki halda siz baş verənlərə reaksiya verənə qədər iş işdən keçmiş olacaq. Bundan başqa, yolla belində yük dolu ulaqlar tələsmədən hərəkət edirlər və isti gündən sonra gecələr yol kənarında çoxlu ilanlar dincəlirlər. Daha bir diqqətçəkən məqam ondan ibarətdir ki, misirlilərin çoxu sükan arxasına keçərkən rəngləri ayıra bilmirlər. Onların qırmızı işıq yananda qazı basmalarını, yaşıl işıq yananda isə sürəti azaltmalarını başqa heç nə ilə izah etmək olmaz. Siqnalın səsi isə həmişə olduğu belə məqamlarda da dayanmaq bilmir.

İtaliya

İtalyan sürücülərinə gəlincə, burada hər şey sadədir. Onlara günün işıqlı saatlarında yaşayış məntəqələrində siqnal vermək qadağan olunub, amma bu onların vecinə də deyil. Misirli həmkarları kimi onlar da siqnalı ucadan səsləndirirlər. İstənilən pozuntu ciddi cərimə ilə cəzalandırılır və cərimənin məbləği, bir qayda olaraq, məhkəməyə çağırışa ehtiyac olmadan yerindəcə ödənilir.

Braziliya

Biristiqamətli hərəkət barəsində artıq yuxarıda qeyd etdik. Braziliyada yollarda hərəkət adətən sağtərəflidir. Çox vaxt sürücülər yolda əsil ötüşmə yarışı nümayiş etdirirlər, buna görə də gec-tez siz ya bu "yarışa" qoşulmalı, ya da avtomobilinizi qırağa çəkib yol kənarında dayanmalı olacaqsınız. Braziliyada avtomobili yolun ortasında parklamaq adi haldır. Yəqin ki, başqa ölkələrdə sürücünü buna görə cərimələyirlər, amma bu sözlər əsla Braziliyaya aid deyil! Əgər siz Braziliyanın ucu-bucağı görünməyən yolları ilə hərəkət etməlisinizsə, təhlükəsizliyiniz barədə düşünməlisiniz. Belə ki, fiziki təhlükəsizliyiniz təhlükə altına düşə bilər. Rastlaşa biləcəyiniz ən populyar hərəkət variantı ondan ibarədir ki, tıxacda dayandığınız zaman açıq pəncərədən kimsə başını içəri soxur və pullarınızla qiymətli əşyalarınızı ona verməyinizi tələb edir. Buna görə də tıxacda olarkən qapı və pəncərələri kip bağlamağınız tövsiyə olunur. Parklama yerində avtomobilinizin təhlükəsizliyinə nəzarət edən yeniyetmələrə "çaypulu" verməyi də unutmayın, əks halda ertəsi gün avtomobilinizdə nələrinsə çatışmadığını görəcəksiniz.

Şərhlərin sayı: 0

AVATAR
Hələ heç kim şərh verməyib. Birinci siz olun.