Yeniləşdirilmiş Mitsubishi Fuso Super Great

Просмотров: 2564
Yeniləşdirilmiş Mitsubishi Fuso Super Great
  • Yeniləşdirilmiş Mitsubishi Fuso Super Great
  • Yeniləşdirilmiş Mitsubishi Fuso Super Great
  • Yeniləşdirilmiş Mitsubishi Fuso Super Great
  • Yeniləşdirilmiş Mitsubishi Fuso Super Great
  • Yeniləşdirilmiş Mitsubishi Fuso Super Great

Bu modeli hazırlayanlar onun əsas xüsusiyyətlərindən biri kimi yüksək ekoloji təmizliyini göstərirlər. Buna Daimler konserni ilə birgə hazırlanmış yeni mühərrikin tətbiqi sayəsində nail olunub. rn

Mitsubishi Fuso Truck and Bus Corp. Yaponiya ərazisində Fuso Super Great ağır magistral yük avtomobilinin yeni nəslinin satışlarının başlandığı barədə xəbər verir. Bu avtomobil daxili bazar üçün nəzərdə tutulsa da, Daimler alman konserni ilə birgə hazırlanıb. Qeyd edək ki, Mitsubishi Fuso Truck and Bus şirkəti məhz bu konsernin tərkibinə daxildir. Yeni avtomobillərdə Super Great yük avtomobillərinə xas olan xüsusiyyətlər saxlanılıb. Eyni zamanda, yeni avtomobillər ekoloji cəhətdən daha təmiz, yanacaq baxımından daha qənaətcil və hərəkət baxımından daha təhlükəsiz olub.

Yeni yük avtomobilləri yenidən işlənib hazırlanmış 6R10 mühərriki ilə təchiz olunur. Bu mühərrik yanacaq istehlakını əhəmiyyətli dərəcədə optimallaşdırmağa və havaya atılan zərərli maddələrin miqdarını azaltmağa imkan yaradır. Bunun sayəsində yeni avtomobil dünyanın ən sərt ekoloji tələblərinə cavab verir. Bundan başqa, bu yük avtomobilləri daha aşağı vergilərə məruz qalır. Yenidən işlənib hazırlanmış yanacaçiləmə sistemi X-Pulse yanacağın verilməsinə və düzgün dozalaşdırılmasına daha yaxşı nəzarət etməyə imkan verir. Yeni yük avtomobillərinin mühərrikinə qulluq sadəliyi ilə seçilir. Bu avtomobillərə quraşdırılan BlueTec sistemi atmosferə buraxılan zərərli maddələrin miqdarını azaltmağa şərait yaradır.

Şirkətdən verilən məlumata görə, Fuso Super Great Yaponiyanın JP09 ekoloji standartının tələblərinə tam cavab verir. Qeyd edək ki, yük avtomobilləri üçün müəyyən edilən bu standart bütün dünyada ən sərt standart sayılır. Məsələn, bu standart əvvəlki JP05 standartı ilə müqayisədə havaya atılan azot oksidlərinin miqdarının 65%, his zərrəciklərinin miqdarının isə 63% azaldılmasını tələb edir. Mitsubishi Fuso-nun prezidenti Albert Kirxmannın (Albert Kirchmann) sözlərinə görə, yeni yük avtomobili təkcə ekoloji cəhətdən ən təmiz yapon avtomobili deyil, həm də yapon avtomobil sahiblərinin tələblərinə ən çox cavab verən avtomobildir.

Fuso Super Great avtomobilinə 12,8 litr həcmli 6R10 mühərriki quraşdırılır. Modifikasiyadan asılı olaraq mühərrikin qüvvəsi 350 at gücündən (257 kilovatt) 420 at gücünə (309 kilovatt) qədərdir. BlueTec texnologiyasını tətbiqi sayəsində 6R10 öz kateqoriyasında ekoloji cəhətdən ən təmiz mühərriklərdən biri sayılır.

Yeni yük avtomobillərinə 12 pilləli INOMAT-II transmissiyası quraşdırılır. Bu transmissiya sürücünün üzərinə düşən iş yükünü azaltmağa və sürücünün avtomobili daha təhlükəsiz idarə etməsinə imkan yaradır. Bundan başqa, yeni avtomobillər hərəkət zamanı sürücünün diqqətini monitorinq edən MDAS-III sistemi ilə təchiz olunur. Bu sistem şirkətin eksklüziv məhsuludur. Avtomobili daha təhlükəsiz etmək üçün ona Active Mitigation Brake əyləcləri (AMB – aktiv yumşaldığı əyləc) və avtomobilin hərəkətini stabilləşdirən elektron sistem – Electronic Stability Program (ESP) quraşdırılıb. Yeni yük avtomobilləri həmçinin Mitsubishi Driver Attention Monitoring sistemi ilə təchiz olunur. Bu sistem hərəkət zamanı hətta ən kiçik təhlükə barəsində də sürücüyə xəbərdarlıq edir. Onu da qeyd etmək lazımdır ki, yeni yük avtomobillərinin korpusu əvvəlki versiyalarla müqayisədə 300 kiloqram yüngülləşib.

Mitsubishi Fuso il ərzində yeni Super Great yük avtomobillərinin 7.000 nüsxəsini satmağı planlaşdırır. Komplektasiyadan asılı olaraq avtomobillərin qiyməti 16.952.250 yen və ya 18.116.700 yendir.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.  

Şərhlərin sayı: 0

AVATAR
Hələ heç kim şərh verməyib. Birinci siz olun.