Yenilənmiş Nissan Altima

Просмотров: 2732
Yenilənmiş Nissan Altima
  • Yenilənmiş Nissan Altima
  • Yenilənmiş Nissan Altima
  • Yenilənmiş Nissan Altima
  • Yenilənmiş Nissan Altima
  • Yenilənmiş Nissan Altima
  • Yenilənmiş Nissan Altima

Nissan 1993-cü ildən orta avtomobillər sinfində Altima modeli ilə təmsil olunur. Bu müddət ərzində Altima modelinin 3,1 milyon nüsxədən ibarət dörd nəsli istehsal olunub. Sonuncu nəsil 2006-cı ilin aprelində debüt edib. Şirkətdə qərara aldılar ki, artıq Altima-nın az da olsa yenilənməsinin zamanı çatıb. Yenilənmə əməliyyatına həm sedan, həm də kupe versiyası məruz qaldı.

Avtomobilin xarici görünüşünün modernləşdirilməsi avtomobilin üzərində mütəmadi yenilənmə əməliyyatı aparmaq ənənəsindən irəli gəlir. Yenilənmədən sonra sedan özünün dinamik üslubunu və profildən görünüşünü qoruyub və yalnız kiçik dəyişikliklərə uğrayıb. "T" formalı falşradiator barmaqlığı və bamperlər indi bir qədər fərqli görünüşə malikdir, kapotun forması da bir qədər dəyişdirilib. Əvvəl olduğu kimi, əlavə ödəniş müqabilində alıcılara ksenon faralar və arxa spoyler təklif olunur. Həmçinin 16 və 17 düymlük yeni yüngül lehimli disklər də təklif olunur. V6 mühərriki quraşdırılmış daha güclü versiya isə digər modifikasiyalardan səsboğucu sisteminin iki borusu ilə seçilir.

Salonu yeniləyərkən şirkətin mütəxəssisləri üzlük materiallarına xüsusi diqqət yetiriblər – indi onlar daha keyfiyyətlidir. Oturacaqlara yeni parça üzlük çəkilib. Dördmilli sükan çarxının çevrəsi dəlikli dəri ilə işlənib. Yenilənmiş Altima-da optitron cihazlar panelini də qeyd etmək lazımdır. Panelin mərkəzində spidometr, yanlarda isə taxometr, habelə yanacağın səviyyəsini və soyuducu mayenin temperaturunu göstərən indikatorlar yerləşir. Mütəxəssislər cihazların işıqlandırılmasını daha da yaxşılaşdırıblar ki, onların göstəricilərini daha yaxşı oxumaq mümkün olsun. Həmçinin sürət qutusu üçün yeni rıçaq da quraşdırılıb.

Sadə versiyası (S Type 1) VDC stabilləşdirmə sistemi, şinlərdəki təzyiqə nəzarət sistemi, elektrik şüşə qaldırıcıları, sürücü və yan sərnişin üçün təhlükəsizlik yastıqları, immobilizer, klimat-kontrol, velyur salon, qapı və arxa mərkəzi konsolun ağacla işlənməsi, mərkəzi qapanma sistemi və pult, CD audio sistem və R16 yüngül lehimli disklər təchiz olunub. Ən bahalı versiyada (S Type 2) çoxfunksiyalı sükan çarxı, 9 dinamikli və CD-pleyerli audiosistem, kruiz kontrol, telefon və audio sistem, Bluetooth funksiyalı telefon sistemi, duman əleyhinə faralar, 2 DIN AM/FM/MP3, park sensoru, monitor və arxa görüntü kamerası, panorama lyuk, arxa spoyler habelə işıqlandırma sensoru nəzərdə tutulub. İstehsalçı Altima üçün opsiyaların siyahısını bir qədər genişləndirib.

Əvvəl olduğu kimi, sedan versiyası bir güc aqreqatı ilə təklif olunur. Bu 2,5 litr həcmə və 175 at gücünə malik dörd silindrli mühərrikdir. Bu mühərriklə Altima 100 km/saat sürət yığmağa 9,6 saniyə sərf edir. Yanacaq sərfiyyatına gəlincə, qarışıq rejimində 100 km məsafəyə 9,5 litr, şəhərkənarı tsikldə isə 8,0 litr yanacaq işlədir. Hər üç modifikasiyaya pilləsiz CVT variatoru quraşdırılıb. 

Yenilənmiş Nissan Altima-nın satışlarına artıq start verilib. Azərbaycanda avtomobil iki versiyada təklif olunur. Sadə versiya 21.900 manata, top versiya isə 23.900 manata satılır.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.