Yeni Volkswagen Tiguan

Просмотров: 2981
Yeni Volkswagen Tiguan
  • Yeni Volkswagen Tiguan
  • Yeni Volkswagen Tiguan
  • Yeni Volkswagen Tiguan
  • Yeni Volkswagen Tiguan
  • Yeni Volkswagen Tiguan
  • Yeni Volkswagen Tiguan

81-ci Cenevrə avtosalonunda Volkswagen ilk dəfə yeni Tiguan-nı təqdim edəcək. İndiyədək satılmış 572 min nüsxəsi sayəsində Tiguan krossoveri dünyada Volkswagen markasının ən populyar avtomobillərindən birinə çevrilib. İndi isə Touareg-in “kiçik qardaşı” bu uğurunu yeni görkəmdə və texnoloji cəhətdən daha təkmilləşmiş formada davam etdirəcək.

Tiguan əvvəlki tək öz sinfində yeganə ofrouderdir ki, alıcının şəhər variantı ilə ofrouder variantı arasında seçim etməsinə imkan verir. Track & Style Sport & Style versiyalarının olması bunu mümkün edir. Yeni yardım sistemləri, məsələn, sürücünün yorğunluğunun müəyyən edilməsi funksiyası, uzaq işıqlandırmanı avtomatik idarə edən Dynamic Light Assist sistemi və hərəkət zolağından kənarlaşmamağa kömək edən Lane Assist sistemi Tiguan-ın avadanlıqlarının çeşidini əhəmiyyətli dərəcədə zənginləşdirəcək. Həmçinin differensialın elektron bloklanması funksiyası da (XDS) Tiguan üçün yeni opsiyadır.

Almaniyada yeni ofrouderi artıq indidən sifariş etmək olar, onun qiymətləri 24.175 avrodan başlayır. Almaniya istehsalçısının bu kompakt ofrouderinin qlobal uğurunu təmin edən təkcə onun texniki xarakteristikaları deyil, həm də fərqli və universal görünüşüdür. Belə ki, dizaynerlər yeni Tiguan-ın konturlarını təkmilləşdiriblər, məsələn, kuzovun ön və arxa hissələrinin dizaynını markanın son standartlarına uyğun şəkildə tərtib ediblər.

Yeni Tiguan alıcılara yenə də giriş bucaqları (avtomobilin ön tərəfinin keçid qabiliyyətini ifadə edən bucaq – ingiliscə “slope angle”) müxtəlif olan iki versiyada təklif olunacaq. Giriş bucağı 18 dərəcə olan klassik versiya gur şəhər yollarında hərəkət üçün nəzərdə tutulub. Avtomobili yolsuzluq şəraitində idarə etməyə üstünlük verənlərə isə Volkswagen giriş bucağı 28 dərəcə olan versiyanı tövsiyə edir.

Alıcılara təklif olunan yeddi mühərrikdən üçü Tiguan modeli üçün yenidir. Bütün mühərriklər turbokompressorlu və dörd silindrlidir, həmçinin birbaşa yanacaqçiləmə sistemi ilə təchiz olunublar. Çoxsaylı mükafatlar almış TSI texnologiyası əsasında hazırlanmış dörd benzin mühərrikinin gücü 90 kilovatdan 155 kilovata qədərdir (122 at gücündən 210 at gücünədək). Sınaqlardan uğurla çıxmış TDI texnologiyası əsasında hazırlanmış üç dizel mühərrikinin gücü isə 81 kilovatdan 125 kilovata qədərdir (110 at gücündən 170 at gücünədək).

İkiqat bəndləyicisi olan, opsional qaydada təklif olunan yeddi pilləli transmissiya (DSG) Tiguan üçün mühüm yenilikdir.

BlueMotion texnologiyası ilə təchiz olunmuş bütün Tiguan versiyalarına “start-stop” sistemi quraşdırılıb. Bu yeni krossoverin yanacaq məsrəfini qət edilən hər 100 kilometr üçün 0,7 litrədək azaltmağa imkan verir. Beləliklə, ön və ya tam ötürücülü (4MOTION) yeni Volkswagen Tiguan dünyada ən qənaətcil kompakt ofrouderlərdən biridir.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.  

Şərhlərin sayı: 0

AVATAR
Hələ heç kim şərh verməyib. Birinci siz olun.