Yeni Volkswagen Crafter

Просмотров: 2569
Yeni Volkswagen Crafter
  • Yeni Volkswagen Crafter
  • Yeni Volkswagen Crafter
  • Yeni Volkswagen Crafter
  • Yeni Volkswagen Crafter
  • Yeni Volkswagen Crafter
  • Yeni Volkswagen Crafter
  • Yeni Volkswagen Crafter

Volkswagen Crafter yükgötürmə qabiliyyəti 3,5 ton olan avtomobillər seqmentinin daimi nümayəndəsidir. Müasir mühərriklərinin sayəsində yeni Crafter bütün qənaətcillik rekordlarını və ekoloji rekordları üstələyir.

Crafter-in dizaynı Volkswagen DNA konsepsiyasına uyğundur. Bunu ilk növbədə kuzovun qabaq hissəsindən, o cümlədən radiator barmaqlığının horizontal xətlərindən aydın sezmək olur. Bu cizgilərin sayəsində Crafter daha müasir görünür və Caddy, Amarok modellərinə, eləcə də T5 modellərinə bənzəyir. Crafter-in interyeri korlanmaya qarşı davamlı olan parlaq rəngli materialların, eləcə də cihazlar panelinin və digər elementlərin dəyişilmiş dizaynının köməyi ilə yaxşılaşdırılıb.

Amma ən mühüm yenilik kapotun altında gizlənir. Əvvəlki beş silindrli mühərrikləri güclü və qənaətcil olan və Common Rail yanacaqçiləmə sistemi ilə təchiz olunan dörd silindrli müasir turbodizel mühərriklərinin yeni nəsli əvəz edib. Bunun sayəsində yeni Crafter bütün qənaətcillik rekordlarını və ekoloji rekordları geridə qoyur.

Mühərriklər cərgəsi tamamilə yenilənib, mühərriklərin gücü və fırlanma momenti artıb və eyni zamanda, yanacaq sərfi əvvəlkinə nisbətən 3,4 litr azalıb.

Yeni Crafter üçün Common Rail yanacaqçiləmə sistemi ilə təchiz olunmuş 2,0 litr həcmində TDI mühərrikləri təklif olunur. Bu mühərriklərin gücünə gəldikdə, onlardan biri 109 at gücü, digəri 136 at gücü, üçüncüsü isə 162 at gücü gücündədir. Bu mühərriklər konsern tərəfindən xüsusi olaraq Crafter modeli üçün hazırlanıb və uyğunlaşdırılıb.

Yeni texnologiyalı mühərriklərin sayəsində nəinki harmonik və rasional idarəetmə təmin olunur, həm də hərəkətin təhlükəsizliyi artır. Yeni və daha səmərəli güc aqreqatları yanacaq sərfinin xeyli azalmasını təmin edir. 2011-ci ilin ikinci yarısından başlayaraq, bu güc aqreqatları opsional qaydada BlueMotion texnologiyası ilə alıcılara təklif olunacaq. Qeyd edək ki, enerji rekuperasiyasını təmin edən Engine Start-Stop sistemi də bu texnologiyaya aiddir.

Yeni Crafter-in sahibi ətraf mühitin mühafizəsinə qayğı ilə yanaşmaqla, istismar məsrəflərinin azaldılması hesabına vəsaitlərinə 25% qənaət edəcək. Qənaət bir tərəfdən yanacaq sərfiyyatının daha aşağı kəmiyyətinə nail olmaq hesabına, digər tərəfdən isə texniki xidmətlərin məsrəflərinin azaldılması hesabına təmin olunacaq.

Əvvəlki modelin mühərrikləri ilə müqayisədə dörd silindrli müasir Crafter mühərrikləri Euro-5 ekoloji standartlarına cavab verir. Bundan başqa, əvvəlki model kimi, yeni Crafter də zərərli tullantılar üzrə EEV Avropa standartına uyğundur. Qeyd edək ki, EEV standartı Avropada avtobusların və yük avtomobillərinin atmosferə buraxdığı işlənmiş qazlarda olan zərərli maddələrin tərkibinə qarşı ən yüksək tələblər irəli sürür.

Crafter-in yükgötürmə qabiliyyəti artıb

Daha yüngül mühərriklərin və digər texniki dəyişikliklərin sayəsində bütün Crafter modellərinin təchizatlı kütləsi azalıb. Nəticədə avtomobilin üzərinə düşən faydalı iş yükü təxminən 10% artıb ki, bu da nəqliyyat vasitəsinin gündəlik istifadəsi üçün mühüm amildir.

Sınanılmış kuzov

Kuzov sınaqdan çıxmış konsepsiya əsasında hazırlanıb, onun korroziya əleyhinə müdafiəsi yaxşılaşdırılıb. Yeni Crafter alıcılara bir çox versiyalarda təklif olunur: təkər bazasının uzunluğu üç variantda, yük platformasının uzunluğu dörd variantda və damın hündürlüyü iki variantda olmaqla kuzov-furqon modifikasiyası, sərnişinlərin daşınması üçün Kombi modifikasiyası, habelə bortlu platforması, iki kabinəsi və ya şassisi olan avtomobil modifikasiyası.

Crafter-in kuzovu təkcə nöqsansız xarici görünüşü ilə deyil, həm də konstruksiyasının keyfiyyəti ilə seçilir. Volkswagen avtomobilinin keyfiyyətinə irəli sürülən tələblər korroziyaya qarşı hərtərəfli müdafiəyə də aid olunur: kuzovun korroziyaya qarşı həssas olan bütün elementləri bir və ya ikiqat sink təbəqəsi ilə qorunur. Bu sözlər, məsələn, dib hissədə quraşdırılan, polad təbəqəsindən düzəldilmiş bütün elementlərə aiddir. Üzərinə sink təbəqəsi çəkilmiş detalların sayının artması yeni Crafter-in korroziya əleyhinə müdafiəsinin səviyyəsini xeyli artırıb.

İnteryerin üzlüyü təzələnib, burada korlanmaya qarşı davamlı olan müasir materiallardan istifadə edilib. Yenilənmiş mühərriklərlə yanaşı, yeni Crafter-in interyeri də dəyişikliyə uğrayıb. Yeni materiallardan istifadə sayəsində sərnişin salonu xeyli təravətlənib, emblemin dizaynı və sürət qutusunun rıçaqı isə Volkswagen avtomobillərinin səciyyəvi simasına daha çox uyğundur. Qapılardakı dirsək altlıqları qollar üçün əlavə söykənəcək yerini təmin edir ki, bu da hərəkət zamanı sürücünün və sərnişinlərin daha komfortlu vəziyyətdə olmasına imkan yaradır. Cihazlar paneli yeni dizaynda hazırlanıb və istifadə edilmiş materialların daha yüksək keyfiyyəti ilə seçilir. Bundan başqa, Crafter bütün komplektasiya variantlarında ötürücü qutuda tövsiyə olunan sürətin indikasiyası funksiyası ilə təchiz olunur, bu funksiya konkret yol şəraitində ötürücü qutuda hansı sürətin yanacağa daha çox qənaət edilməsini təmin etdiyini sürücüyə xəbər verir. Beləliklə, Crafter-in hətta baza komplektasiyası da kifayət qədər zəngindir.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.   

Şərhlərin sayı: 0

AVATAR
Hələ heç kim şərh verməyib. Birinci siz olun.