Yeni Nissan Pathfinder rama konstruksiyasından azad oldu

Просмотров: 1784
Yeni Nissan Pathfinder rama konstruksiyasından azad oldu
  • Yeni Nissan Pathfinder rama konstruksiyasından azad oldu
  • Yeni Nissan Pathfinder rama konstruksiyasından azad oldu
  • Yeni Nissan Pathfinder rama konstruksiyasından azad oldu
  • Yeni Nissan Pathfinder rama konstruksiyasından azad oldu

Yaponiyanın Nissan avtomobil istehsalçısının ofrouderi Detroyt avtosalonuna “konsept” kimi gətirildi. Məsələ ondadır ki, 27 ilə yaxın vaxt ərzində istehsal olunan bu modelin konsepsiyası yenidən dəyişdirilir və ramalı ağır avtomobil əvəzinə, Pathfinder daşıyıcı konstruksiyalı yüngül kuzovu olan ofrouderə çevrilir.

Qeyd etmək lazımdır ki, bu cür transformasiya birinci dəfə deyil ki, baş verir. Bu avtomobilin 1996-cı ildən 2004-cü ilədək buraxılmış ikinci nəslinin kuzovu hibrid sxemli idi, yəni özündə həm rama konstruksiyasını, həm də daşıyıcı konstruksiyalı kuzovu birləşdirirdi. Pathfinder-in birinci və üçüncü nəsli isə güclü ramaya və nəzəri cəhətdən daha sanballı ofrouder keyfiyyətlərinə malik idi.

Yeni, dördüncü nəsil Pathfinder istehlakçılar üçün daha komfortlu olacaq. Avtomobilin salonuna sürücü də daxil olmaqla 7 nəfər yerləşir, alıcılara çoxlu elektron opsiyalar təklif olunur. Texniki detallara gəldikdə, Nissan alıcılara yenilənmiş V6 benzin mühərriki və variator təklif edir. Doğrudur, yaponlar bu barədə hələlik təfsilatlı məlumat vermirlər. Təkcə o məlumdur ki, yüngül çəki və yeni mühərrik Pathfinder-in yanacaq sərfini 25% azaldıb.
Hazırda avtomobil son sınaqlardan keçir və 2012-ci ilin yazında və ya yayında konveyerə çıxarılacaq. Nissan Pathfinder amerikalı dilerlərin salonlarında payızda peyda olacaq. Ölkəmizdə isə onun satışlarının nə vaxt baş tutacağı barədə məlumat yoxdur.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.