Yeni Nissan Murano 2015: rəsmən təqdim olundu

Просмотров: 6089
Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu
  • Yeni Nissan Murano 2015: rəsmən təqdim olundu

2014 ilin çoxdan gözlənilən yeni avtomobili, nəhayət ki, sirr əhatəsindən çıxdı – Nissan yeni nəsil Murano krossoveri barədə təfsilatları açıqladı. Avtomobilin xarici görünüşü daha "korporativ" şəkil alıb və ötən il debüt etmiş Resonance konspetini xeyli dərəcədə təkrarlayır. Populyar Nissan Murano krossoverinin üçüncü nəslinin ümumdünya debütü Nyu-York avtosalonunda baş tutacaq. Avtomobil cari ilin sonunda satışda peyda olacaq.

"Biz Nissan kompaniyasında gələcəkdə seriya ilə buraxılması hədəflənən konseptlər hazırlayırıq. Ötən il Detroyt avtosalonunda Resonance konspetinin premyerasında olanlardan heç kim təsəvvür edə bilməzdi ki, biz bu futurist dizaynı reallığa çevirə bilərik. Amma budur, o buradadır və konspetin premyerasından 24 aydan da az müddət sonra Nissan şou salonlarında peyda olmağa hazırdır", – deyə Nissan-ın icraçı vitse-prezidenti Endi Palmer seriyalı Murano-nun qarşıdakı debütünü şərh edib. 

Kompaniyanın baş dizayneri Şiro Nakamuranın sözlərinə görə, onun komandası və mühəndislər krossoverin hərtərəfli testləri və kuzovunun təkmilləşdirilməsi üçün aerodinamik tunelə əvvəlki vaxtlardan üç dəfə çox baş çəkiblər. "Biz aerodinamik müqavimət əmsalını 0,31-dək, yəni bir çox idman avtomobillərinin səviyyəsinədək azaltmağa nail olmuşuq", – deyə Nakamura qeyd edib. 

İnteryerdə də əhəmiyyətli dəyişikliklər baş verib – burada dizaynerlər "gözəllik sadəlikdədir" prinsipini tətbiq etməyi qərara alıblar. Məsələn, müxtəlif düymələrin sayı 60% azaldılaraq 25-dən 10-a endirilib. "Biz alıcılarımızdan öyrəndik ki, onlar heç də həmişə avtomobildə çoxlu sayda qurğuların olmasını istəmirlər, sadəcə onu istəyirlər ki, hər şey yaxşı və keyfiyyətlə hazırlansın. Axı insanlar öz smartfonlarının təlimatlarını nadir hallarda oxuyurlar, çünki onlarla necə işləməyi intuitiv olaraq anlayırlar. Biz əminik ki, avtomobillər də belə olmalıdır", – deyə Nakamura davam edib. 

Amma bu heç də o demək deyil ki, krossoveri bəzi funksiyalarından məhrum ediblər, əksinə, onların sayı artıb. Standart təchizata bunlar daxildir: ikizonalı avtomatik klimat-kontrol; salona açarsız giriş, o cümlədən düymə vasitəsilə mühərrikin işə salınması; isidilən dəri oturacaqlar; isidilən sükan çarxı; sükan sütunu, sürücü oturacağı və yan güzglər üçün yaddaş funskiyası. Opsional qaydada panoramlı dam örtüyü əldə etmək olar. Yeri gəlmişkən, sələfi ilə müqayisədə yeni avtomobilin dam örtüyünün uzunluğu 40%, sahəsi isə 29% artıb.

Avtomobili hazırlayanlar baqaj bölməsinə də əl gəzdiriblər, daha dəqiq desək, baqajın saxlanması və yerində kip qalması üçün müxtəlif vasitələr hazırlayıblar. Arxa oturacaqlar asanlıqla qatlanaraq səviyyəsi baqaj bölməsi ilə bərabər olan döşəmə yaradır ki, bu da iri qabaritli yüklərin daşınmasını asanlaşdırır.

Nissan Murano 2015 avtomobili əvvəlki versiyaya quraşdırılan 3,5 litr həcmli V6 mühərriki ilə təklif olunacaq. Gücü 260 at gücü təşkil edən bu mühərrik bir qədər təkmilləşdirilib və kompaniyanın bildirdiyinə görə, 20% qənaətcil olub (Xtronic transmissiyası ilə). Əvvəlki nəsildə olduğu kimi krossoverin yeni nəsli də tam və ön ötürücülü versiyalarda təklif olunur. 

Krossover dörd kamera (ön, arxa və hər iki yan tərəflərdə) və üç radarla (ön tərəfdə bir və arxa tərəfdə iki) təchiz olunub. Onlar ətraf mühit barədə məlumatları müxtəlif elektron köməkçilərə, o cümlədən görünməyən zonaları izləmə sisteminə (Blind Spot Warning, BSW), toqquşmaların qarşısını alan sistemə (Predictive Forward Collision Warning, PFCW), təcili əyləcləmə sisteminə (Forward Emergency Braking, FEB) və intellektual kruiz-kontrola çatdırırlar. Bu radarlardan və kameralardan həmçinin parkinq sensorları üçün istifadə olunur.

Üçüncü nəsil Nissan Murano-nun istehsalı ABŞ-da, kompaniyanın Missisipidəki zavodunda təşkil ediləcək. 

Şərhlərin sayı: 0

AVATAR
Hələ heç kim şərh verməyib. Birinci siz olun.