Yeni Mitsubishi Fuso Canter : səkkizinci nəsil

Просмотров: 2684
Yeni Mitsubishi Fuso Canter : səkkizinci nəsil
  • Yeni Mitsubishi Fuso Canter : səkkizinci nəsil
  • Yeni Mitsubishi Fuso Canter : səkkizinci nəsil
  • Yeni Mitsubishi Fuso Canter : səkkizinci nəsil
  • Yeni Mitsubishi Fuso Canter : səkkizinci nəsil
  • Yeni Mitsubishi Fuso Canter : səkkizinci nəsil
  • Yeni Mitsubishi Fuso Canter : səkkizinci nəsil
  • Yeni Mitsubishi Fuso Canter : səkkizinci nəsil

Mitsubishi Fuso Canter 50 ildən bir qədər az müddətdir ki, avtomobil bazarında fəaliyyət göstərir: bu adı daşıyan ilk model 1963-cü ilin martında işıq üzü görüb.

Ötən il Yaponiya bazarında sonuncu nəsil Mitsubishi Fuso Canter peyda oldu. Bu yeni avtomobil səkkiz il ərzində uğurla satılmış sələfini əvəz etdi. rn

Sayca səkkizinci olan yeni nəsil Canter avtomobili yeni dizaynı, ətraf mühitə az ziyan yetirməsi, yanacağa xeyli qənaət etməsi və təhlükəsizliyi ilə seçilir. Bütün bunlardan əlavə, yeni Canter Yaponiyada ilk yüngül yük avtomobilidir ki, tullantı qazları üçün yeni normalara (ötən il qüvvəyə minmiş JP09 normalarına) cavab verməyə hazırdır. Belə göstəricilərlə yeni Canter avtomobilləri ailəsi 2015-ci ildə Yaponiyada qüvvəyə minəcək daha sərt normalara artıq indidən cavab verə bilər.

Yeni Canter yüngül və çox effektiv Mitsubishi Fuso 4P10 dizel mühərriki ilə təchiz olunub. İstismar şəraitindən asılı olaraq bu yük avtomobili sələfi ilə müqayisədə yanacağa 5-8% qənaət edə bilər. Yeni Canter-in güc aqreqatı xüsusi olaraq yüngül yük avtomobilləri seqmenti üçün nəzərdə tutulub və onun karbon emissiyası xeyli azdır.

Bundan başqa, mühərrikin yeni əyləci, əyləc sisteminin istismar müddətini artırır və zəruri olan iş həcminin azalması hesabına avtomobilin texniki baxışda olma müddətini 20 % azaldır.

Yeni Canter ikiqat bəndləyicili Duonic transmissiyası ilə təchiz olunub. Bu transmissiyanın quraşdırılması bu avtomobili öz sinfində bu tip transmissiya ilə təchiz olunmuş ilk nümunəyə çevirir.

İkiqat bəndləyicili Duonic transmissiyası avtomat sürət qutusu ilə mexaniki sürət qutusunun üstünlüklərini özündə birləşdirir. Bundan əlavə, avtomat sürət qutusu ilə müqayisədə yanacaq sərfinin və emissiyanın azalmasına nail olunur.

Canter-in xarici və daxili detalları da yenidən işlənib. Məsələn, ramanın konstruksiyası, təkərlərin asqısı, əyləc sistemi dəyişdirilib ki, bunlar da yük avtomobilini sələfinə nisbətən daha yüngül və təhlükəsiz edib.

Yeni nəsil Canter avtomobili dörd il yarım davam etmiş gərgin əməyin və uzun sürən testlərin nəticəsidir. Bu testlər ümumilikdə dünya ölkələrinin yollarında 3,2 milyon kilometr məsafəni əhatə edib.

Yeni Canter-i artıq Yaponiyada MFTBC-nin bütün diler şəbəkələrindən almaq olar. Bu ildən yeni avtomobil dünyanın digər regionlarında da satışa daxil olacaq.

Kavasakidə yerləşən Mitsubishi Fuso Truck and Bus Corp. (MFTBC) Asiyada yük avtomobillərinin aparıcı istehsalçılarından biridir. 2009-cu ildə şirkət ümumilikdə 99.500-ə yaxın nəqliyyat vasitəsi satıb, buraya yüngül, orta və ağır yük avtomobilləri daxildir.

MFTBC-nin səhmlərinin 85 %-i Daimler AG-yə məxsusdur.

 © 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.     

Şərhlərin sayı: 0

AVATAR
Hələ heç kim şərh verməyib. Birinci siz olun.