Yeni idman sedanı Chevrolet SS 2014

Просмотров: 2831
Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014
  • Yeni idman sedanı Chevrolet SS 2014

Yəqin ki, yeni Chevrolet SS avtomobili sürət həvəskarlarını sevindirəcək. Bu güclü və sürətli avtomobil Chevrolet həvəskarlarında yalnız müsbət emosiyalar yaradacaq. Chevrolet SS şirkətin son 17 ildə buraxdığı ilk ön ötürücülü beşyerli sedandır.

SS-in kapotunun altında 6,2 litr həcmli "V" formalı mühərrik (LS3) quraşdırılıb. Səkkiz silindri olan bu mühərrik 415 at gücündədir, fırlanma momenti isə 610,1 Nm təşkil edir. Qeyd edək ki, bu, Chevrolet Corvette C6 2014 modelinin analoji göstəricilərindən 35 at gücü və 45 Nm azdır. İstehsalçı bildirir ki, yeni idman sedanı 100 km/sürət yığmağa 5 saniyədən də az vaxt sərf edir. 

Mühərrik altı pilləli avtomat transmissiya ilə tandemdə işləyir. Sürət pillələrini kifayət qədər operativ surətdə dəyişmək olur. Bu işdə sürücüyə sükanaltı rıçaqlar kömək edir. Effektiv əyləcləməni təmin etmək üçün sedana ön tərəfdə dörd porşenli Brembo əyləc supportları, arxada isə bir porşenli supportlar quraşdırılıb. Modelin təkərlərinə 19 düymlük disklər quraşdırılır. Avtomobilin üzərinə düşən ağırlığın düzgün balanslaşdırılması və ağırlıq mərkəzinin aşağı endirilməsi məqsədi ilə kapot və baqaj bölməsinin dam örtüyü alüminiumdan hazırlanıb.

Elektrogücləndirici ilə təchiz olunmuş sükan idarəetməsi idmansayağı hərəkət üçün optimallaşdırılıb. Ventilyasiya olunan standart Brembo əyləc mexanizmləri 355 millimetrlik disklərlə və 4 porşenli ön supportlarla təchiz olunub.

Bundan başqa, alüminiumdan hazırlanmış yüngül lehimli diskləri də qeyd etmək lazımdır. Onların üzərinə Bridgestone şinləri taxılıb. Disklərlə şinlərin ölçüləri isə belədir: ön tərəfdə 19x8,5 düym / 245/40ZR19, arxada 19x9,0 düym / 275/35ZR19.

Chevrolet SS-in interyeri komfort həvəskarlarını sevindirəcək. Anatomik dəri kreslolar olduqca rahatdır. Yeni sedanın salonunda istər ön tərəfdə, istərsə də arxada oturan sərnişinlər özlərini rahat hiss edəcəklər. Chevrolet SS doqquz dinamikli keyfiyyətli Bose audiosistemi ilə təchiz olunur.

Yumşaq üzlüyü olan, cilalanmış xromla işlənən cihazlar panelinin üzərində SS emblemi diqqəti cəlb edir. Sutkanın qaranlıq saatlarında interyer tutqun mavi işıqla işıqlandırılır. Mərkəzi konsolda informasiya-əyləncə sistemi, klimat-kontrolun idarəetmə paneli və digər idarəetmə elementləri quraşdırılıb.

Yeni sedanın təhlükəsizlik sistemlərinə gəlincə, hərəkət zolağına, habelə yan tərəflərdəki görünməyən zonalara nəzarət sistemini xüsusi qeyd etmək lazımdır. Bundan əlavə, avtomatik parklama sistemi də nəzərdə tutulub. Bu sistem istər paralel parklama əməliyyatını, istərsə də maili parklamanı həyata keçirə bilir. Parklamaya yardım edən bu cür sistem Chevrolet avtomobilinə ilk dəfə quraşdırılır.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.