Yeni Audi S3: kompakt və güclü hetçbek

Просмотров: 1709
Yeni Audi S3: kompakt və güclü hetçbek
  • Yeni Audi S3: kompakt və güclü hetçbek
  • Yeni Audi S3: kompakt və güclü hetçbek
  • Yeni Audi S3: kompakt və güclü hetçbek
  • Yeni Audi S3: kompakt və güclü hetçbek
  • Yeni Audi S3: kompakt və güclü hetçbek
  • Yeni Audi S3: kompakt və güclü hetçbek

Üçüncü nəsil Audi S3 hetçbeki öz bacarıqları və texniki xarakteristikaları ilə yaxşı mənada təəccübləndirir. Yeni avtomobili, haqlı olaraq, "gücləndirilmiş" adlandırırlar. İstehsalçı bu modeli güclü TFSI mühərriki ilə təchiz edib. Mühərrik sıfırdan yığılıb və şirkət xüsusi olaraq diqqəti buna cəlb edir. Amma yeni modelin dizaynı və digər məziyyətləri də diqqətçəkəndir.

Audi S3-ün çəkisi 60 kq azalıb və 1395 kq təşkil edir. Şassinin və kuzov detallarının hazırlanması üçün yüksək möhkəmliyə malik poladdan və yüngül alüminiumdan istifadə edilib. Qabaritlərinə əsasən bu idman hetçbekini kompakt avtomobil adlandırmaq olar. Onun uzunluğu 4254 mm, eni 1777 mm, hündürlüyü 1435 mm təşkil edir. Onun təkər bazası 2595 mm-dir. Yeni S3-ün uzunluğu sələfininki ilə müqayisədə 17 mm artıb.

Yeni avtomobil idmansayağı dizayna malikdir, beşqapılı A3 Sportback modelinə bənzəyir. Qısaldılmış kuzov və üç qapı avtomobilə daha emosional görünüş verir. Almanlar həmişəki kimi, avtomobilin xarici görünüşündə xırdalıqlara xeyli diqqət yetiriblər. Onlar çox gözəl bilirlər ki, dam örtüyünün çox maili dayaqları sürətli avtomobil təəssüratını artırır, bamperdəki iri havaçəkənlər isə avtomobilin potensial gücünü nümayiş etdirir.

Radiator barmaqlığı və pəncərələr, habelə yan güzgülərin kənarları alüminium haşiyə ilə əhatələnib, həmçinin spoyleri də qeyd etmək lazımdır. Arxa diffuzor platinə bənzər boz rənglə rənglənib, kənarlarda isə səsboğucu sistemin qoşa boruları diqqəti cəlb edir. Audi konserni S3 modelini adaptiv ksenon faralarla təchiz edir, diod işıqlandırması isə əlavə ödəniş müqabilində quraşdırılır.

Audi S3-ün interyerində də idman üslubu hökm sürür. Ön paneldə iri dairəvi ventilyasiya dəlikləri diqqəti cəlb edir. Cihazların boz siferblatları ağ şkalaya malikdir, taxometrdə isə kompressorun təzyiqinin əlavə indikatoru nəzərə çarpır.

Hetçbekin idmansayağı oturacaqlarının üzlüyü yüksək keyfiyyətli üç variantda təklif olunur. Üzlük materialı qismində Nappa Pearl dərisi, parça və ya onların kombinə olunmuş variantı çıxış edir. Bundan əlavə, istehsalçı baş altlıqları və almaz sırığı olan idmansayağı oturacaqlar təklif edir. S3-ün interyeri kontrastlı tikişləri olan qara çalarda tərtib olunub, daha emosional qırmızı-qara tərtibat isə opsiya qismində təklif olunur. 
2,0 litr həcmi olan dörd silindrli TFSI mühərriki 300 at gücündədir (fırlanma momenti 1 dəqiqədə 1800-dən 5500-dək fırlanma dövrəsi diapazonunda 380 Nm-dir). Taxometrin göstəricilərinə əsasən, "qırmızı zona" deyilən hədd 6800 dövrədən başlayır ki, bu da əla göstəricidir.

Yüksək texnologiyalı S Tronic transmissiyası ilə avtomobilin 100 km/saat sürət yığmasına 5,1 saniyə, mexaniki transmissiyası ilə isə 5,4 saniyə tələb olunur. S3-ün maksimal sürəti elektronika ilə məhdudlaşdırılıb və 250 km/saat təşkil edir. S Tronic avtomat transmissiyası ilə avtomobil 100 km məsafəyə orta hesabla 6,9 litr benzin işlədir, 6 pilləli mexaniki transmissiya ilə isə bu göstərici 100 qram çox, yəni 7 litr təşkil edir.

Daimi tam ötürücü Quattro yeni avtomobilin transmissiyasının ayrılmaz komponentidir. Yeni Audi S3 istənilən yol və hava şəraitində, xüsusən yağışda və qarda dinamik və stabil avtomobil olaraq qalır. Bu güclü hetçbek 2013-cü ilin əvvəlindən satışda olacaq. O, Almaniyada alıcılara 38.900 avroya təklif olunacaq.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.