Volkswagen Touareg Edition X

Просмотров: 2419
Volkswagen Touareg Edition X
  • Volkswagen Touareg Edition X
  • Volkswagen Touareg Edition X
  • Volkswagen Touareg Edition X
  • Volkswagen Touareg Edition X
  • Volkswagen Touareg Edition X

Volkswagen Touareg işıq üzü gördükdən on il sonra istehsalçı bu ofrouderi yeniləyir. O, Paris avtosalonunda Volkswagen Touareg Edition X versiyasını nümayiş etdirib. Yenilənmiş ofrouder bir sıra idman xüsusiyyətləri qazanacaq, yeni funksiyalar əldə edəcək və Touareg X hibrid versiyası ilə yüksək tələblərə cavab verəcək.

Sələfi kimi, Volkswagen Touareg X modelinə də opsiya qismində 19 düym ölçülü orijinal rəngli yüngül lehimli disklər quraşdırılır. Yeni ofrouderin damında iri panoramlı şüşə və xromlanmış reylinqlər peyda olub. Bundan başqa, arxa tərəfdə tonlaşdırılmış güzgülər quraşdırılıb, cinahlarda isə Touareg X nişanları diqqəti cəlb edir. Volkswagen Touareg Edition X ofrouderinin xarici görünüşünü bamperin üzərində quraşdırılmış işıq-diod lampalı biksenon faralar və arxa tərəfdə tündləşdirilmiş fənərlər tamamlayır.

Sələfindən fərqli olaraq, yeni Volkswagen Touareg X avtomobilinin salonu sarı-qəhvəyi rəngli yüksək keyfiyyətli Nappa dərisi ilə işlənib. Ofrouderin təmtəraqlı salonuna nəzər saldıqda cihazlar panelində və qapıların panelində qara ağacdan dekorativ elementlər diqqəti cəlb edir. Yeni avtomobilin sürücüsü üçün yeni dəri sükan, sürət pillələrini dəyişmək üçün yeni rıçaq, yeni ayaqaltı və yan tərəfdə kandarlarda "Touareg X" tamasaları nəzərdə tutulub.

Volkswagen Touareg Edition X-ı indi beş cür mühərrik və transmissiya ilə sifariş etmək olar. Onların arasında Touareg Hybrid versiyası da var. 204 at gücünə malik 6 silindrli (V6) dizel mühərriki və yancağa qənaət paketi (BlueMotion), habelə 8 pilləli avtomat transmissiya ilə təchiz olunmuş Volkswagen Touareg Edition X-in Avropada qiyməti 61.025 avro təşkil edəcək.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.