Volkswagen Polo sedan

Просмотров: 5183
Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan
  • Volkswagen Polo sedan

“Avtomobil.az” olaraq avtomobil almaq həvəsində olan oxucularımıza seçimlərində yardımçı olmaq məqsədi ilə yerli bazarda ən çox marağa səbəb olan bir büdcə avtomobilinə daha yaxından nəzər salacağıq.

Polo sedan modeli Volkswagen markasına xas olan praktikliyi və rəvan xətləri ilə asanlıqla seçilən avtomobildir. Uzunluğu cəmi 4.384 mm, eni isə 1.699 mm olan bu avtomobil beş nəfəri və xeyli sayda baqajı yerləşdirməyə qadirdir (baqaj bölməsinin həcmi 460 litrdir). Avtomobilin uzunluq, en və hündürlük (1.465 mm) ölçüləri yeni dinamik proporsiyaları təmin edir. Dizayn iti, aydın və üslub baxımından diqqətlə ölçülüb-biçilmiş xətləri ilə seçilir: xətlər nə qədər qısa və lakonikdirsə, avtomobil yolda bir o qədər müasir və aktual görünür. Zamanın təsirinə məruz qalmayan dizayn Volkswagen avtomobillərinin uzun müddət ikinci bazarda qiymətlərini mühafizə etmələrinə imkan verir.
Dizaynda bu cür aydın və lakonik üslubun reallaşması üçün proqressiv və innovativ layihələşdirmə və istehsal metodları zəruridir. Kompakt modellər sinfinə aid olan avtomobillərin hazırlanması dizaynerlərin, mühəndis-layihəçilərin və istehsalat ekspertlərinin sıx əməkdaşlıq şəraitində birgə işləməsini tələb edir, çünki bu seqmentdə qiymət olduqca mühüm bazar amilidir və Volkswagen bu markanın təmsil olunduğu hər bir seqmentdə öz müştərilərinə onları maksimum qane edən avtomobillər təklif edir.

Dizayn və ölçülər
Volkswagen markası Valter da Silvanın formalaşdırdığı yeni dizayn prinsipləri sayəsində kompakt seqmentin bir çox başqa avtomobillərindən fərqli olaraq Polo sedan yüngül çəkili miniatür ölçülü model təəssüratı deyil, ciddi, sanballı və müasir avtomobil təəssüratı yaradıb.

Təhlükəsizlik sistemləri
Yeni Polo sedan kuzovunun yüksək keyfiyyəti və passiv təhlükəsizlik sistemi ilə seçilir. Yeni avtomobil yüksək effektivliyə malik təhlükəsizlik yastıqları ilə təchiz olunub. Buraya aşağıdakılar daxildir: sürücü və ön sərnişin üçün təhlükəsizlik yastıqları, bütün oturacaqlarda üçnöqtəli təhlükəsizlik kəmərləri, ön tərəfdə hündürlüyün tənzimlənməsi funksiyası ilə təchiz olunmuş baş altlıqları, arxa tərəfdə 3 baş altlığı, ön tərəfdə diskli əyləclər, elektron immobilayzer, arxa tərəfdə uşaq oturacaqlarının kiplənməsi üçün Isofix bərkidiciləri, sürücünün təhlükəsizlik kəmərinin bağlanmadığı barədə xəbərdarlıq edən səs və işıq siqnalizasiyası. Comfortline komplektasiyasından başlayaraq Polo sedan ABS sistemi ilə təchiz olunur. Aktiv təhlükəsizlik sistemini hərəkət kursunun dayanıqlığını təmin edən elektron sistem (ESP) tamamlayır.

Salon
Polo sedan avtomobilində erqonomika və keyfiyyət yüksək səviyyədədir. Yeni modelin salonu kompakt sedanlar sinfində yeni keyfiyyət səviyyəsindən xəbər verir. Beşyerlik kompakt avtomobilin cihazlar paneli sürücünün rahatlığını təmin edən erqonomikliyi ilə seçilir. Bütün Volkswagen avtomobillərinin idarəetmə elementləri sadədir və intuitiv olaraq başa düşülür, onların erqonomikası isə sürücünün və sərnişinlərin bədən quruluşundan asılı olmayaraq, həmişə idealdır. Yeni Polo sedan da bu keyfiyyətləri özündə birləşdirir.

Polo sedan-a xüsusi olaraq bu model üçün hazırlanmış oturacaqlar quraşdırılır. Sürücü və sərnişinlərin oturacaqlarda yerləşməsinin komfortluluğu bu sinif üçün yüksək səviyyədədir. Salonun ümumi uzunluğu 1744 mm, çiyin səviyyəsində sərbəst məkan ön tərəfdə 1391 mm, arxada isə 1428 mm təşkil edir. Bu o deməkdir ki, sürücü, habelə ön və arxa tərəfdəki sərnişinlər salonda bu sinif üçün maksimum dərəcədə komfortla yerləşə bilərlər. Üstəlik, Polo sedan yüksək transformasiya imkanları ilə seçilir: Comfortline komplektasiyasından başlayaraq arxa oturacaq 60/40 nisbətində aralanır və onu asanlıqla qatlamaq olar.

Mühərrik və transmissiyalar
Polo sedan etibarlı və problem yaratmayan yeni benzin mühərriki ilə təchiz olunur. Bu mühərrikin həcmi 1,6 litrə, qüvvəsi isə 105 at gücünə bərabərdir. Seçim üçün alıcılara 5 pilləli mexaniki və 6 pilləli avtomat transmissiya (Tiptronic) təklif olunur.
Polo sedan 100 km/saat sürət yığmağa 10,5 saniyə sərf edir (mexaniki transmissiya ilə), onun maksimal sürəti isə 190 km/saat təşkil edir. 5 pilləli mexaniki transmissiya ilə tandem təşkil edən benzin mühərriki qarışıq tsikldə 100 km məsafəyə 6,5 litr yanacaq işlədir. 6 pilləli avtomat transmissiya quraşdırılmış versiyada isə bu göstərici 7,0 litr təşkil edir.

Transmissiyalar
5 pilləli mexaniki transmissiya rıçaqların dəqiq və qısa hərəkətləri, habelə bir sürət pilləsindən digərinə rahat keçidlə seçilir. Sürət pillələrinin optimal seçilməsi sayəsində bu transmissiya dinamikanı idarə etməyə və həm də maksimum qənaətcilliyə riayət etməyə üstünlük verən alıcılar tərəfindən bəyəniləcək. Əllə idarəetmə funksiyası ilə təchiz olunmuş 6 pilləli avtomat transmissiya (Tiptronic) etibarlıdır və sürücüyə problem yaratmır. O, komfortu və dinamikanı qiymətləndirən alıcıların ürəyincə olacaq.

Komplektasiya
Ölkəmizə Polo sedan iki komplektasiyada idxal olunur – Comfortline və Highline. 
Comfortline komplektasiyasını bayır güzgülərin kuzov rəngində rənglənmiş korpusundan və qapı dəstəklərindən, habelə 15 düynlük təkər disklərindən (tam ölçülü xüsusi dizaynlı qapaqları ilə) asanlıqla tanımaq olar.

Comfortline komplektasiyalı Polo sedan modelinə 15.900 manata sahib olmaq olar.
Top-versiya olan Highline komplektasiyası yeni Volkswagen avtomobilinin ən yüksək səviyyəli komplektasiyasıdır. O, bayır tərəfdən Comfortline komplektasiyasından havaçəkən üzərindəki xromlanmış üstlükləri, 15 düymlük yüngül tökmə diskləri və duman əleyhinə faraları ilə seçilir. Highline komplektasiyasında üçmilli sükan çarxı və oturacaqların “Livon” dizaynlı eleqant parça üzlüyü yeni sedanın salonuna xüsusi yaraşıq verir.

EuroStyle şirkəti top-versiya Volkswagen Polo sedan modelini müştərilərinə 16.900 manata təklif edir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.