Volkswagen Golf Cabriolet: yay müjdəçisi

Просмотров: 2272
Volkswagen Golf Cabriolet: yay müjdəçisi
  • Volkswagen Golf Cabriolet: yay müjdəçisi
  • Volkswagen Golf Cabriolet: yay müjdəçisi
  • Volkswagen Golf Cabriolet: yay müjdəçisi
  • Volkswagen Golf Cabriolet: yay müjdəçisi
  • Volkswagen Golf Cabriolet: yay müjdəçisi
  • Volkswagen Golf Cabriolet: yay müjdəçisi

Volkswagen yayın ilk müjdəçisini – yeni Golf Cabriolet avtomobilini təqdim edir. Bu dördyerlik avtomobil standart komplektasiyaya daxil olan yaraşıqlı yumşaq üst hissə ilə (üst hissə elektrohidravlik sistem vasitəsilə hərəkətə gətirilir) təchiz olunub. Üst hissə cəmi 9,5 saniyəyə qatlanır, onun qatlanıb yığışdırılması hətta 30 km/saat sürətlə hərəkət zamanı da mümkündür. Bu Volkswagen avtomobili üstüörtülü vəziyyətdə ən sakit kabrioletlər sırasına daxildir.

Birbaşa yanacaqçiləmə sistemi və turbokompressorla təchiz olunmuş altı mühərrik avtomobillə üstüaçıq vəziyyətdə səfərlər etməyə ideal surətdə yarayır. Mühərriklərin güc diapazonu 105 at gücündən 210 at gücünə qədərdir. Yüksək texnologiyalara əsaslanan, cəld və qənaətcil işləyən DSG transmissiyası avtomobildəkilərin səfərdən əlavə zövq almasına imkan yaradır. Bu transmissiya dörd mühərrik versiyası üçün təklif olunur. Təklif olunan benzin (TSI) və dizel (TDI) mühərriklərindən üçü əyləclənmə enerjisinin rekuperasiyası və “start-stop” sistemi sayəsində yanacağa qənaət etməyə imkan verən BlueMotion texnologiyaları ilə tamamlanacaq. Yeni Volkswagen avtomobilinin yanacağa nə dərəcədə qənaət etməsini 105 at gücünə malik Golf Cabriolet 1.6 TDI mühərrikinin timsalında əyani şəkildə görmək olar: BlueMotion texnologiyaları ilə təchiz olunmuş bu mühərrik 100 km məsafəyə orta hesabla 4,4 litr yanacaq sərf edir (hər kilometr üçün atmosferə buraxılan karbon qazının miqdarı – 117 qram).

2011-ci ildə debüt edən bütün güc aqreqatlarının qısa icmalı belədir:

 - 1.2 TSI – 105 at gücü (6 pilləli transmissiya);

- 1.4 TSI – 122 at gücü (6 pilləli transmissiya, opsiya qismində 7 pilləli DSG);

- 1.4 TSI – 160 at gücü (6 pilləli transmissiya, opsiya qismində 7 pilləli DSG);

 - 2.0 TSI – 210 at gücü (6 pilləli DSG);

- 1.6 TDI – 105 at gücü (5 pilləli transmissiya);

 - 2.0 TDI – 140 at gücü (6 pilləli transmissiya, opsiya qismində 6 pilləli DSG). 

Avtomobilə ön tərəfdən baxdıqda dərhal aydın olur ki, bu kabriolet tipik Golf avtomobilidir. Bununla yanaşı, qabaqdan baxdıqda kabriolet yastı ön şüşənin sayəsində daha idmansayağı görünür. Opsional qaydada təklif olunan biksenon faralar avtomobilin simasına xüsusi dinamiklik verir. Qeyd edək ki, onların formaları öncə Golf GTI modeli üçün istifadə olunub.

 Volkswagen mütəxəssisləri işıq-diodlu arxa fənərlərin hazırlanmasında da Golf GTI modelindən faydalanıblar. Təbii ki, kuzovun arxa hissəsini dizaynerlər və mühəndislər yenidən işləyib hazırlayıblar. Baqaj bölməsinin dam örtüyü bamperə qədər aşağıya doğru uzanır. O, xeyli hündürə açılır ki, bu da çamadanları və ya mağazadan alınmış əşyaları baqaj yerinə asan və rahat yerləşdirməyə imkan verir. Həcmi 250 litr təşkil edən baqaj bölməsinin yan divarlarında çantalar üçün praktik qırmaqlar nəzərdə tutulub. Kabrioletin arxa oturacağının kürək hissəsini 50:50 nisbətində qatlamaq olar. Oturacağın kürək hissəsi qatlandıqda geniş boşluq (52x38 sm) açılır ki, bu da baqajın (xüsusən uzun əşyaların) daşınması üçün əlavə məkan yaranması deməkdir. Xromlanmış moldinq avtomobilin qatlanan üst hissəsinin aşağı qurtaracağı ilə baqaj bölməsinin dam örtüyü arasında nəfis kontrast yaradır.

Elə ilk baxışdan aydın görünür ki, üstüaçıq Golf modelinin salonunda klassik üstüörtülü Golf modeli üçün səciyyəvi olan yüksək keyfiyyətli dizayn və materiallardan istifadə edilib. Bu, nisbətən bahalı kabrioletlərə xas olan müsbət təəssürat doğurur. Salonunun parametrlərinə görə Golf Cabriolet avtomobili  bu mühüm cəhətinə görə digər üstüaçıq kompakt-klass avtomobillərindən fərqlənir: burada ön şüşənin çərçivəsi maksimal dərəcədə qısaldılıb ki, bu da avtomobil sahibinin üstüaçıq avtomobillə hərəkətdən daha çox zövq almasına imkan verir.

Bundan başqa, Golf Cabriolet avtomobilinin salonu bu sinfə aid avtomobillər arasında ən uzun ölçülüdür. Bunu xüsusən arxadakı sərnişinlər layiqincə qiymətləndirə bilərlər. Belə ki, onların ayaqları ilə qabaq oturacaqların kürək hissəsi arasında məsafə 833 mm təşkil edir.
Arxa oturacaqların kürək hissəsi və oturacaqların üzlük materialı yeni konsepsiyaya uyğun hazırlanıb. Bundan başqa, Golf Cabriolet-in standart komplektasiyasına ön oturacaqlar üçün praktik Easy Entry funksiyası daxildir. O, arxadakı sərnişinlərin salona daxil olmasını və salonu tərk etməsini asanlaşdırır.

Yeni Golf Cabriolet avtomobili vahid komplektasiyada təklif olunur, amma bu komplektasiyanı müxtəlif paketlər vasitəsilə fərdiləşdirmək olar. Baza komplektasiyasına geniş çeşiddə avadanlıqlar daxildir. Məsələn, Golf Cabriolet-in standart təhlükəsizlik sistemlərinə bunlar daxildir: aktiv təhlükəsizlik qövsləri sistemi, gündüz işıqları sistemi, xüsusi olaraq adaptasiya olunmuş təhlükəsizlik yastıqları və yeni nəsil ESP sistemi. Avtomobilin eksteryerinə gəldikdə, komplektasiyaya bunlar daxildir: arxa tərəfdə yerləşən tutqunlaşdırılmış işıq-diod fənərləri, 16 düymlük təkər diskləri (205 ölçülü şinlərlə), xromlanmış radiator barmaqlığı, kuzov rəngində rənglənmiş bayır güzgülər. Funksional avadanlıqlara və salonun tərtibatına gəldikdə, aşağıdakıları qeyd etmək olar: qatlanan üst hissənin tam avtomatlaşdırılmış idarəetmə sistemi, iqlim qurğusu, ön tərəfdə “Komfort” oturacaqları (onların hündürlüyünü tənzimləmək mümkündür), bütün qapılarda elektrik şüşə qaldırıcıları, salonda “tutqunlaşdırılmış xrom” aplikasiyları (sonuncular komplektasiyanın dolğunluğunu xüsusi vurğulayır). Avtomobilin görünüşünə əlavə fərdiyyət gətirmək üçün Performance və ya Design & Style paketlərini seçmək olar. Hər iki paketin tərkibinə yüngül xəlitəli disklər daxildir.

Əlbəttə, yeni Golf Cabriolet-də, demək olar ki, üstüörtülü klassik Golf modeli üçün təklif olunan bütün avadanlıqlara rast gəlmək olar. Bundan başqa, Volkswagen R GmbH kompaniyası tərəfindən markanın digər modelləri üçün də təklif olunan Exclusive komplektasiyasının xüsusi eleqant variantların tezliklə işıq üzü görəcəyi bildirilir.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.