Volkswagen Amarok 2013: yenilənmiş populyar pikap

Просмотров: 4034
Volkswagen Amarok 2013: yenilənmiş populyar pikap
  • Volkswagen Amarok 2013: yenilənmiş populyar pikap
  • Volkswagen Amarok 2013: yenilənmiş populyar pikap
  • Volkswagen Amarok 2013: yenilənmiş populyar pikap
  • Volkswagen Amarok 2013: yenilənmiş populyar pikap
  • Volkswagen Amarok 2013: yenilənmiş populyar pikap
  • Volkswagen Amarok 2013: yenilənmiş populyar pikap

Volkswagen nəinki Hannoverdəki (Almaniya) zavodda Amarok 2013 pikapının istehsalına başladı, həm də bu populyar avtomobil üçün bəzi yeniləmələri həyata keçirdi. Alman zavodunda yığılan avtomobillər Avropa və MDB-nin avtomobil bazarının tələbatını təmin etmək üçün nəzərdə tutulub. Qeyd etmək lazımdır ki, əvvəllər bu avtomobil yalnız Volkswagen-in Argentinadakı zavodunda yığılırdı. İndi isə şirkətin planlarına görə, Amarok digər ölkələrin avtomobil həvəskarlarının da rəğbətini qazanmalıdır.

Alman avtomobil istehsalçısı Volkswagen Amarok 2013-ün güc aqreqatlarını modernləşdirib və təklif olunan opsiyaların siyahısını genişləndirir. Pikapın kapotunun altında 180 at gücündə dizel mühərriki peyda olub, halbuki əvvəllər bu avtomobilin ən güclü mühərrikinin qüvvəsi 163 at gücü təşkil edirdi. Həmçinin BlueMotion firma texnologiyalarının tətbiqini də qeyd etmək lazımdır. Volkswagen mütəxəssisləri bildirirlər ki, Amarok 2013-ün mühərrikinin texniki xarakteristikalarının yaxşılaşdırılması nəinki yanacaq sərfiyyatının artmasına səbəb olmayıb, əksinə, yeni texnologiyaların tətbiqi sayəsində yanacaq sərfiyyatı xeyli azalıb.

Start/stop sistemi, əyləcləmə enerjisinin rekuperasiyası funksiyası və diyirlənməyə qarşı müqaviməti aşağı olan şinlər pikapın hər 100 kilometrə sərf olunan yanacağın yarım litrinə qənaət etməsinə imkan yaradır. Ötürücünün və ya transmissiyanın tipindən asılı olmayaraq Volkswagen Amarok 2013-ün bütün versiyaları üçün BlueMotion paketi təklif olunur. 121 at gücünə malik mühərrik quraşdırılmış arxa ötürücülü ofrouderin ən qənaətcil versiyası 100 km məsafəyə 6,8 litr yanacaq işlədir.

Avtomobilin yedəyinə qoşula bilən qoşqunun maksimal kütləsinin artırılması da təkmilləşdirmə işinin faydalı nəticəsidir. Mexaniki transmissiya ilə təchiz olunan yenilənmiş Amarok 3 tonluq qoşqunu arxasınca çəkə bilər, avtomat transmissiya ilə isə bu göstərici 3,2 ton təşkil edir. Yenilənmiş pikapın kuzovunun açılan arxa bortu 200 kiloqramadək yükə davam gətirir.

Volkswagen şirkəti Amarok 2013-ü Park Pilot sistemi ilə təchiz edir. Bundan əlavə, ofrouder yağış sensoru, faraların avtomatik yanması funksiyası, tündləşdirilmiş güzgülərlə və ya Coming Home sistemi ilə təchiz oluna bilər. Sonuncu barəsində qeyd etmək lazımdır ki, bu sistem sürücü avtomobili tərk etdikdən sonra faraların tədricən sönməsini təmin edir. Avtomobilin avadanlıqlarının siyahısında klimat-kontrol da yer alıb.
Yenilənmiş pikapın alıcıları üçün xoş bir sürpriz ondan ibarətdir ki, ikitərəfli korroziyanın peyda olmasına qarşı istehsalçının zəmanətinin müddəti 12 ilədək uzadılıb.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.