Ulduz rubrikası Xuraman Şuşalı ilə

Просмотров: 4430
Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə
  • Ulduz rubrikası Xuraman Şuşalı ilə

Sevilən ifaçı Xuraman Şuşalını bir sürücü kimi də tanımaq istəyirsinizmi? Elə isə gəlin onun sürücülük və avtomobillər haqqında maraqlı fikirləri ilə tanış olaq.

“Özümü peşəkar sürücü sayıram”
“Uşaqlıqdan avtomobil sürməyi heç xoşlamasam da, artıq 7 ildir ki, sükan arxasında əyləşirəm. Özümü çox yaxşı sürücü hesab edirəm. Hələ indiyə kimi heç kimin avtomobilini vurmamışam, ancaq həmişə mənim avtomobilimi vurublar. Sürməyi də özüm öyrənmişəm”.

Xuramanın arzuladığı avtomobillər
“Bu vaxta kimi 4 avtomobilim olub – Peugeot 307, Hyundai Sonata, Infiniti FX və hazırkı avtomobilim Audi Q7-dir. İlk 3 avtomobilim qəzaya uğrayaraq dəyərdən düşdü. Düz 4 ildir ki, Audi Q7-ni idarə edirəm. Hələ ki bundan çox razıyam və dəyişmək fikrim yoxdur.
Bentley və Mercesed-Benz G-Class arzularımın avtomobilləridir”.

“İlk qəzamda məni onlar xilas etdi”
“Avtomobil seçərkən hava yastığının olmasına xüsusi diqqət yetirirəm. Hava yastığı olmayan avtomobili heç vaxt almaram. Çünki məni ilk qəzamda yalnız onlar xilas etdi”.

“Yüksək sürəti sevmirəm”
“Yüksək sürəti sevmirəm. Bəzi hallarda 150 km/saat sürətlə hərəkət etmişəm. İndi, ümumiyyətlə, avtomobili aşağı sürətlə idarə edirəm, çünki evdə gözləyənim var...”

Pərəstişkar sualı
Xuraman Şuşalının avtomobilini nə zamansa evakuator aparıbmı və nəyə görə?
“Evakuator yalnız qəza zamanı avtomobilimi aparıb. Başqa hallarda isə xeyr. Çünki yol hərəkəti qaydalarını və  avtomobili harada saxlamağı yaxşı bilirəm”. 

Xuramandan etiraf: “Əvvəllər avtoxuliqanlıq da etmişəm”
“Əvvəllər Infiniti FX ilə avtoxuliqanlıq edirdim. Avtoxuliqanlıqdan bəzi gənclər zövq alsa da, amma onların bu zövqü başqalarının həyatı bahasına başa gəlməməlidir. Gənclər digər insanları da düşünməlidirlər”.

“Tıxacda qalanda makiyaj edirəm”
“Tıxacda qalanda əsasən makiyaj edirəm, ya telefonla danışıram, ya da görüləsi digər işlərimi edirəm.
Yolda hansı mahnı xoşuma gəldisə, onu dinləyirəm. Bəzən öz mahnılarıma da qulaq asıram”.

“Xanıma sükan arxasında əyləşmək yaraşmır”
“İndi elə zamandır ki, gərək xanımların da avtomobili olsun. Çünki ictimai nəqliyyatda sərnişinlər çoxdur, basabaslardan insanın ürəyi daralır və bir sıra xoşagəlməz hadisələr olur. Amma mən də xoşlayıram ki, xanım arxada əyləşsin, avtomobili isə ya həyat yoldaşı, ya da sürücüsü idarə etsin. Çünki xanıma elə xanımlıq yaraşır, nəinki sükan arxasında əyləşmək”.

Xuraman Şuşalının hələlik son sözü
“Sonda jurnalınıza uğurlar, geniş oxucu auditoriyası arzu edirəm. Sürücülərə isə deyərdim ki, ehtiyatlı olsunlar!”

Biz də maraqlı müsahibəyə görə Xuraman Şuşalıya təşəkkür edirik.

Müsahibəni apardı: Aygün Əliyeva

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.