Toyota şirkəti yapon bazarı üçün üçüncü nəsil Yaris modelinin yeni versiyasını təqdim edir. Yapon bazarında bu versiya Toyota Vitz adlanacaq. Yeni Toyota Yaris 2012 avtomobili 1,0 litrdən 1,5 litrədək həcmli mühərriklərlə, “start-stop” sistemi ilə təchiz olunacaq. O, 100 km məsafəyə 3,8 litr yanacaq işlədəcək.

Toyota Motor şirkətinin Avropa bölməsinin prezidenti Didye Leroy belə bir açıqlama verib: “2012-ci model ilinə aid olan Yaris avtomobilinin yeni, üçüncü nəsli kompakt avtomobildə effektivliyi və keyfiyyəti birləşdirməklə Toyota-nın mühüm supermini seqmentində atdığı ciddi addımdır. Biz əminik ki, yeni model əvvəlkilərin uğuruna əsaslanacaq və illik satışların maksimal kəmiyyətinə nail olmaq perspektivi Toyota-nın Avropadakı varlığını gəncləşdirəcək”.

Kompakt Toyota Yaris avtomobilinin üçüncü nəsli keyfiyyəti, rahatlığı, istifadəsinin sadəliyi və qiymətinin münasibliyi ilə yanaşı, daha yüksək sinfə aid avtomobillərin məhsuldarlığını nümayiş etdirməyə qadirdir. Model ən tələbkar alıcıların tələblərini ödəyə bilən ideal kompakt avtomobilin yeni anlayışı əsasında hazırlanıb.

Yanacaq sərfinin effektivliyi adamı heyran edir, belə ki, 1,0 litr həcmli mühərrik quraşdırılmış yeni Toyota Yaris 100 km məsafəyə cəmi 3,8 litr yanacaq sərf edir. Yanacağın qənaətlə işlədilməsində Stop & Startsisteminin rolu böyükdür, avtomobil dayanarkən bu sistem mühərriki söndürür. Mühərrik cəmi 0,35 saniyəyə işə düşür ki, bu da avtomobilin dayanmasından dərhal sonra hərəkətə gəlməsinə imkan verir.

Uzunluğu 3885 mm olan yeni Toyota Yaris (əvvəlki modelin uzunluğu bundan 10 sm az idi) avtomobilinin dönmə radiusu 4,5 metr təşkil edir. Bundan başqa, avtomobilin daxili məkanı genişləndirilib. Oturacaqları müxtəlif cür tənzimləməklə istər sürücü, istərsə də sərnişinlər salonda komfortla yerləşə bilərlər.Toyota Yaris ilk avtomobildir ki, ona ultrabənövşəyi işığı 99 % süzgəcdən keçirən xüsusi şüşələr quraşdırılıb. Ətrafdakı işıqlandırma dərəcəsindən asılı olaraq avtomobilin faraları avtomatik olaraq yanır və ya sönür.Avtomobilin 1,3 litr həcmli mühərriki giriş və çıxış klapanları üçün qazbölüşdürmə fazalarının müstəqil dəyişdirilməsinə nəzarət edən intellektual sistemlə təchiz olunub. Motorun gücü elektron idarəetməli pilləsiz sürət qutusu vasitəsilə təkərlərə ötürülür. Tam ötürücülü olmayan versiyalarda bu konfiqurasiya 100 km məsafəyə cəmi 4,2 litr yanacaq sərfinə nail olmağa imkan verir. Tam ötürücülü versiyalar da pilləsiz CVT transmissiyası ilə təchiz olunub.

Yeni Toyota Yaris arxa tərəfi göstərən monitorla təchiz olunub ki, bu da parkinq zamanı görmə imkanlarını yaxşılaşdırır. Avtomobil həmçinin sərt diskli naviqasiya sistemi və məsafədən idarə olunan audiosistemlə təchiz olunub.6,1 düym ekranlı yeni Touch & Go multimedia informasiya-əyləncə sistemi alıcılara standart komplektasityada təklif olunur. Şirkətin məlumatına görə, sensorlu displeyi olan rahat və funksional multimedia sistemini tətbiq etməklə şirkət Avropanın kompakt avtomobillər seqmentində layiqli yer tutmağa çalışır.

İnformasiya displeyi sürücüyə yanacaq sərfi barədə məlumatı, yanacaq sərfi ilə bağlı faydalı iş əmsalını və çəndəki yanacaqla qət edilə bilən məsafə barədə məlumatı təqdim edir. Bundan əlavə, Eco indikatoru sürücünün optimal qənaətcil idarəetmə üsulunu seçməsinə imkan verir. Əyləc gücünün elektron sistem vasitəsilə bölüşdürülməsi funksiyası (EBD), habelə bloklanma əleyhinə sistem (ABS) bütün Toyota Yaris modellərinin standart komplektasiyasına daxildir.

Toyota Yaris RS idman versiyası eksklüziv konstruksiyası ilə (bamperlər və damdakı spoylerlər də daxil olmaqla) seçilir. Bundan başqa, Yaris RS versiyasına idman üslublu oturacaqlar və sükan çarxı quraşdırılıb. Alıcılara 5 pilləli mexaniki transmissiya, yaxud 7 pilləli Shiftmatic avtomat transmissiyası (əl rejimi ilə) təklif olunur.

Məlumat üçün qeyd edək ki, 1999-cu ildə birinci nəsil Toyota Yaris avtomobilləri buraxıldığı vaxtdan bəri bu avtomobillər dünyanın 70-dən artıq  ölkəsində satılır. Onların satışlarının ümumi sayı 3,5 milyonu ötüb. Bunlardan təxminən 1,5 milyonu Yaponiyada satılıb.Yapon şirkəti bildirir ki, 2012-ci model ilinin yeni avtomobili Yaris Böyük Britaniyanın avtomobil bazarında ilk dəfə 2011-ci lilin yayında peyda olacaq. Yeni avtomobil Fransadakı Toyota zavodunda buraxılacaq ki, bu da istehsalçının fikrincə, yığımın və istifadə ediləcək materialların maksimal keyfiyyətini təmin edəcək.Şübhəsiz ki, yeni avtomobil xarici görünüşünə görə öz seqmentindəki əsas rəqibləri ilə – Mazda 2 2011 və Ford Fiesta 2011 ilə layiqli rəqabət aparmağa qadir olacaq.