Toyota Camry - Yeni nəsil

Просмотров: 6948
Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil
  • Toyota Camry - Yeni nəsil

 Bu avtomobil şirkətin bütün tarixi ərzində ən yaxşı Camry olacaq və alıcıların bütün gözləntilərini üstələyəcək. Yeni sedan əla idarəetmə sistemi, daha yüksək səviyyəli təhlükəsizlik sistemi ilə təchiz olunacaq və yanacağa qənaət edəcək.

Akio Toyoda,  

Yapon istehsalçısının rəhbəri 

Əgər biz yeni Camry 2012-nin ən əsas xüsusiyyətləri barədə danışmaq istəsək, bu xüsusiyyətləri qeyd etməliyik: daha yaraşıqlı, daha qənaətcil, daha keyfiyyətli materiallarla təchiz olunmuş interyer, bir qədər kələ-kötür xətləri olan, amma heç də kobud olmayan dizayn və nəhayət, bəzi komplektasiyaların rəqib şirkətlərə nisbətən ucuz olması!Avtomobilin xarici görünüşü çoxları üçün yenilik olmadı, ona görə ki, avtomobil həvəskarları bir müddət öncə yeni Camry-nin gizli çəkilmiş fotoşəkillərinə baxaraq onun eksteryerini görmüşdülər. Həmçinin avtomobilin dilerlər üçün nəzərdə tutulmuş qapalı video görüntüləri də İnternet şəbəkəsinə sızmışdı. Avtomobilin siması tamamilə dəyişib – sedanın ön tərəfini markanın korporativ üslubuna uyğunlaşdırıblar. Ümumiyyətlə, qeyd etmək lazımdır ki, Camry-nin hər yeni nəsli daha aqressiv xarici görünüşə malik olur. Zahirən heç də aqressiv görünməyən beşinci nəsillə yeddinci nəsli müqayisə etsəniz, bu sözlərin həqiqət olduğuna əmin olarsınız.

Yaponlar qabaqcadan elan etmişdilər ki, yeni Camry səviyyəcə sələfindən xeyli üstün olacaq. Əgər avtomobilin eksteryerində hər hansı inqilabi dəyişikliklər görmürüksə, o zaman, bəlkə, texniki detallarda nə isə önəmli dəyişikliklər baş verib? Amma yox, əslində belə deyil. Doğrudur, yaponlar mühərriklərə əl gəzdiriblər, amma avtomobil həvəskarlarına nə isə ciddi bir yenilik təklif etməyiblər. Toyota Camry sedanı əvvəlkitək iki benzin mühərriki ilə təklif olunur. 2,4 litr həcmə və 167 at gücünə malik dörd silindrli mühərrikin əvəzinə, alıcılara 2,5 litr həcmə və 178 at gücünə malik (fırlanma momenti 230 Nm) motor təklif olunacaq. Top-modifikasiya əvvəlkitək 3,5 litr həcmli V6 mühərriki ilə təchiz olunacaq, amma onun gücü 9 vahid azalıb və 268 at gücü təşkil edir. Altı silindrli mühərrikin gücündəki bu azalma daha böyük qənaətcilliklə və ekoloji təmizliklə kompensasiya ediləcək. Hər iki benzin mühərriki altı diapazonlu avtomat transmissiya ilə təchiz olunur.

Sedanın hibrid versiyasının buraxılışı da nəzərdə tutulur. Dördqapılı sedanın hibrid modifikasiyası benzin mühərriki ilə tandemdə işləyən elektrik motoru vasitəsilə hərəkətə gətirilir. Bu hibrid güc qurğusunun ümumi qüvvəsi 200 at gücü təşkil edir. Bu ekoloji versiya kifayət qədər yaxşı dinamika xarakteristikalarına malikdir – 100 km/saat sürəti 7,6 saniyəyə yığır.

 Şirkətdən verilən məlumata görə, yeni Camry Hybrid şəhər rejimində 100 km məsafəyə 6 litr, trasda isə 5,4 litr yanacaq sərf edir. Orta yanacaq sərfi 5,7 litr təşkil edir ki, bu da əvvəlki modelin göstəricisindən 30% azdır.

Toyota təmsilçilərinin sözlərinə görə, yeni hibrid transmissiyanın hesabına, habelə avtomobilin çəkisinin daha az olması və aerodinamikanın optimallaşdırılması hesabına daha artıq yanacaq qənaətinə nail olmaq olar.

2012-ci ilin Camry Hybrid avtomobili üçün yeni funksiya da nəzərdə tutulub. EV Drive adlanan bu funksiya sürücüyə aşağı sürətlə (40 km/saatadək) hərəkət zamanı avtomobili 2,5 km məsafəyədək təkcə elektrik mühərrik vasitəsilə idarə etmək imkanı verir.

 Konserndən həmçinin bildirirlər ki, kuzovun səs izolyasiyasının üzərində də iş aparılıb.

Yeni Camry daha sərt quruluşlu kuzova, yenidən işlənmiş asqıya malikdir. Bundan başqa, o, ilk Toyota avtomobilidir ki, şirkətin yeni işi olan EPS sistemi (sükan idarəetməsinin elektron sistemi) ilə təchiz olunacaq. İstehsalçının bildirdiyinə görə, bu sistem yeni avtomobilə düz xətt boyunca stabil hərəkət etmək, dəqiq idarə olunmaq və əks-əlaqə qabiliyyəti verəcək, bütün bunlar isə avtomobilin komfortlu şəkildə idarə olunmasına şərait yaradacaq.

Naməlum səbəblərə görə yeni avtomobil barədə rəsmi məlumatlarda onun qabarit ölçüləri haqqında heç nə deyilmir. Bununla belə, yaponlar məmnunluqla bildirirlər ki, salonda yer daha da genişlənib. Bu genişliyi arxadakı sərnişinlər daha çox hiss edəcəklər, bildirildiyinə görə, onların ayaq yerləri xeyli genişlənib. Sedanın daxili təchizatına gəldikdə, yeni nəsil Toyota Camry altı düymlük ekran, naviqasiya, yaxşılaşdırılmış audiosistem, Bluetooth protokolunu dəstəkləmə funksiyası, İnternetə çıxış, iPod qoşmaq üçün çıxıntı ilə təchiz olunub. Doğrudur, bütün bunlar ən zəngin komplektasiyaya daxildir. Amerikalı alıcılar ilk Toyota Camry avtomobillərini artıq bu ilin payızında əldə edə biləcəklər. Okeanın o tayında yeni Camry-nin qiymətləri 21.955 ABŞ dollarından başlayır.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.