Tamamilə yeni Lexus ES 350 Bakıda satışda

Просмотров: 2232
Tamamilə yeni Lexus ES 350 Bakıda satışda
  • Tamamilə yeni Lexus ES 350 Bakıda satışda
  • Tamamilə yeni Lexus ES 350 Bakıda satışda
  • Tamamilə yeni Lexus ES 350 Bakıda satışda
  • Tamamilə yeni Lexus ES 350 Bakıda satışda
  • Tamamilə yeni Lexus ES 350 Bakıda satışda

Lexus biznes sedan sinfində mövqeyini möhkəmləndirir. Yaponiyada baş vermiş dəhşətli zəlzələ və sunamidən sonra özünü qısa bir müddətdə toplamağı bacarmış Toyota premium markası Lexus-un yeni ES 350 modeli ilə avtomobil həvəskarlarını növbəti dəfə heyrətləndirib.

Həmin modeli görmək üçün azərbaycanlı avtomobilsevərlər çox gözləməli olmadılar. Avqustun 31-də Lexus avtomobillərinin ölkəmizdə rəsmi dileri Lexus Bakı MMC  yeni ES 350 modelinin təqdimatını keçirdi.

Yeni ES 350-nin təqdimatı üçün adına layiq yer də seçilmişdi. Bakının ən dəbdəbəli mehmanxanalarından biri olan Jumeirah Bilgah Beach Hotelin ən iri zalı ES 350 üçün bəzədilmişdi. Lexus-un son möcüzəsini görməyə gələn qonaqların sayı da həddindən artıq çox idi. Bu markanın sadiq alıcıları, həvəskarları, media nümayəndələri və dəvət olunmuş digər qonaqlar avtomobilin üzərindən örtüyün götürülməsini səbirsizliklə gözləyirdilər.

Aparıcının qonaqları salamlaması hamını daha da həyəcanlandırdı. O çıxış etmək üçün ilk sözü “Lexus Bakı” MMC-nin direktoru Pərviz Qafarlıya verdi.
“Bu ilin mart ayında Lexus Bakı Mərkəzi istifadəyə verildikdən sonra ikinci dəfə yeni bir modelin təqdimatını keçiririk.  Lexus GS biznes sedanından sonra yeni ES 350 biznes sedanını təqdim edirik”, - Qafarlı dedi.

“Toyota Qafqaz” ofisinin rəhbəri Yuji Baqata çıxış edərək bildirdi ki, təqdim olunan yeni ES 350 6-cı nəslidir: “ES 350 Lexus-un inci modellərindən biridir. Biz ən yeni texnologiyanı təqdim edirik. ES 350 modeli gözəlləşən Bakını bəzəməyə qadirdir. Ümid edirik ki, bu avtomobil öz dizaynı və yenilikçi olması ilə müştərilər üçün uyğun model olacaq ”.

Çıxışların ardınca yeni Lexus ES 350 haqqında qısa film nümayiş olundu.
Nəhayət, hər kəsin səbirsizliklə gözlədiyi an gəlib çatdı. Nağaraçıların məharətli ifaları ilə müşayiət olunan musiqinin sədaları altında örtük avtomobilin üzərindən götürüldü. Bununla da Lexus ES 350-ni yaxından izləmək və ona toxunmaq imkanı yarandı.

“Lexus Bakı” MMC-nin satış məsləhətçisi Emin Hüseynov bildirdi ki, yeni ES 350 modeli köhnə versiyasından tamamilə fərqlənir, onun kuzovunun quruluşu yenidən işlənilib, daxilində ən yeni innovasiyalar tətbiq olunub.

O qeyd etdi ki, avtomobil 3,5 L, V6, 24 klapanlı 277 at gücünə malik mühərriklə və 6 pilləli avtomatik sürət qutusu ilə təchiz edilib. Yeni ES 350 modeli 0-100 km/saat sürətinə 7,4 saniyəyə çata bilir. Avtomobilin orta yanacaq sərfiyyatı 11 litr təşkil edir.

ES 350 aktiv təhlükəsizlik və dinamikanın idarə edilməsi sistemləri baxımdan da zəngindir. Bunlardan antibloklanma sistemi (ABS), əyləc gücünün elektron paylama sistemi (EBD), təkərlərin yerində fırlanmasına qarşı aktiv sistem (TRC), istiqamət dayanıqlıq sistemi (VSC), sükanın dəyişən elektrogücləndiricisi (EPS) və xətdən kənara çıxma haqqında xəbərdarlıq siqnalı (LDA) qeyd oluna bilər.

Lexus-un tam yeni biznes sedanı 10 təhlükəsizlik yastığına malikdir. Avtomobildə uşaq oturacaqlarının İSOFİX bərkidilməsi mümkündür.
Avtomobilin xarici avadanlıqlarından “L” formalı LED işıqlandırma sistemi diqqəti çəkir. Yolun adaptiv işıqlandırılması sistemi gecə idarəetmə zamanı sürücünü yormur.

ES model sırasının tam yenilənməsi üçün mühəndislər Toyota konserninin ən müasir nailiyyətlərindən istifadə ediblər. Kuzovun dizaynında yeni korporativ üslubdan istifadə edilib, güc qurğularının ən yaxşı versiyaları götürülüb. Kuzov azacıq uzadılıb, təkər bazası artırılıb - nəticədə salonda daha geniş yer əmələ gəlib. Sürücü və qabaq oturacaqda əyləşən sərnişin uca boylu olsa belə, arxa oturacaqda əyləşən sərnişinlər narahat olmurlar. Sükanın avtomatik geri çəkilməsi sürücünün avtomobilə rahat daxil olma və düşməsinə imkan verir.

Avtomobilin salonu semi-aniline dəri, transmissiya ötürücüsü dəstəyi isə bambuq ağacı ilə işlənmişdir. Həmçinin, səkkiz düymlük multi-Vision Remote Touch displey, cihaz panelinin mərkəzində yerləşdirilmiş rəngli multiinformasiyalı TFT displey, 15 dinamikli audio-sistemi və s. avadanlıqlar salonu daha dəbdəbəli edir.

Bir sözlə, yeni Lexus ES 350 seqmentindəki standartları alt-üst edir. Bu modelin biznes-sedan satışına yeni istiqamət verəcəyinə inanılır. Digər tərəfdən, əlverişli qiyməti də (56 000 manat) ES 350-ni rəqiblərindən qabağa çıxardır.

Seymur Yunusov

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.