Smart elektrik velosipedi artıq Avropadadır

Просмотров: 3606
Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır
  • Smart elektrik velosipedi artıq Avropadadır

Elektrik velosipedi Smart (eBike) indidən Avropada sifariş vermək olar. Bir müddətdən sonra isə o, ABŞ-da satışa daxil olacaq.

Yeni elektrik velosipedi Smart şəhər yollarında çevik nəqliyyat vasitəsi olmaqla brendin mövqelərini möhkəmləndirəcək və artıq üçüncü nəsli buraxılmış adi For Two ilə yanaşı istehlakçılara dar şəhər yollarında hərəkət etmək üçün daha bir imkan yaratmış olacaq.
Smart velosipedi pedallı adi velosipeddən zahirən heç nə ilə fərqlənmir, fərq yalnız bundadır ki, elektrik batareyası və insanın pedalı fırlatmağa sərf etdiyi güc əsl hibrid sistemini təşkil edir.

Güc qurğusu 423 vattlıq litium-ion batareyasından və arxa təkər torunda yerləşən 200 vatt gücündə BionX elektrik mühərrikindən ibarətdir. Güc qurğusunu dörd vəziyyətdə tənzimləmə imkanı sürücüyə şərait yaradır ki, elektromotora neçə pedalın kömək edəcəyi barədə qərar versin və ayağın hərəkətinin gücünü karbon disk vasitəsilə ötürsün. Bu disk üçün yağ tələb olunmur ki, bu da ona qulluq göstərmə zərurətini azaldır.

Elektrik avtomobillərindən fərqli olaraq, burada akkumulyatoru çıxarmaq və adi rozetkadan yükləyib doldurmaq olar. Gözlənildiyi kimi, enerjinin bir hissəsi əyləcləmə zamanı bərpa olunur, bu zaman mühərrik generatora çevrilir. 

Smart elektrik velosipedində ön və arxa tərəflərdə diskli əyləclərdən və 26 düymlük təkərlərdən istifadə olunur. Velosipedin çəkisi 25,8 kiloqramdır. Bu, tipik velosipedin çəkisindən çoxdur, amma əvəzində elektrik batareyası ağırlıq yükünün bir hissəsini öz üzərinə götürür. 

BionX idarəetmə paneli velosipedçiyə akkumulyatorun yük ehtiyatının vəziyyəti barədə, qət edilmiş məsafə barədə, habelə yola sərf olunmuş vaxt və orta sürət barədə ətraflı məlumatlar təqdim edir. İdarəetmə panelinin köməyi ilə velosipedin işıq-diod lampalarını yandırmaq və söndürmək olar. Smartfonu saxlamaq üçün xüsusi tutucu və USB-ucluq naviqasiyanı və digər opsiyaları işə salmaq üçün smartfonu velosipedə qoşmağa imkan verir.

Böyük Britaniyada yeni Smart elektrik velosipedinin qiymətləri təxminən 4.000 dollardan başlayır, bu qiymətə yerli vergilər də daxildir. Yaxın vaxtlarda ABŞ-da peyda olacaq yeni velosipedin bu ölkədə qiyməti isə Böyük Britaniyadakından bir neçə yüz dollar aşağı olacaq.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir. 

Şərhlərin sayı: 0

AVATAR
Hələ heç kim şərh verməyib. Birinci siz olun.