Seçilmiş insanlar üçün seçilmiş avtomobil

Просмотров: 2215
Seçilmiş insanlar üçün seçilmiş avtomobil
  • Seçilmiş insanlar üçün seçilmiş avtomobil
  • Seçilmiş insanlar üçün seçilmiş avtomobil
  • Seçilmiş insanlar üçün seçilmiş avtomobil
  • Seçilmiş insanlar üçün seçilmiş avtomobil
  • Seçilmiş insanlar üçün seçilmiş avtomobil
  • Seçilmiş insanlar üçün seçilmiş avtomobil
  • Seçilmiş insanlar üçün seçilmiş avtomobil

Nurgün Motors Infiniti Satış və Servis Mərkəzində Infiniti FX Sebastian Vettel Edition ilə bağlı mətbuat konfransı keçirildi. Tədbir çərçivəsində Infiniti-nin bu yeni modeli ilə bağlı media qurumlarına dəqiq və ətraflı məlumat verildi. Məqsəd media nümayəndələrini limit sayda istehsal olunacaq avtomobillə yaxından tanış etmək idi.

Tədbiri açılış nitqi ilə başlayan reklam şöbəsinin müdiri İlkin Qurbanov mətbuat nümayəndələrini salamladı. İlk olaraq yeni modellə bağlı özəl ab-hava yaratmaq üçün qısa film nümayiş etdirildi. Onu da nəzərinizə çatdıraq ki, yeni istehsalı təqdim edən salon “Seçilmiş insanlar üçün seçilmiş avtomobil” devizindən istifadə edir.

Daha sonra marketinq şöbəsinin meneceri Rauf Cahangirov Sebastian Vettel buraxılışı və Nurgün Motors barədə daha geniş informasiya verdi. Infiniti modellərinin 1989-cu ildən dünya bazarına çıxarıldığını deyən R.Cahangirov avtomobillərin Azərbaycanda 1995-ci ildən satışda olduğunu bildirdi: “Nissan Infiniti-nin rəsmi distirbüteri ölkəmizdə Nurgün Motorsdur. Bu salonda  avtomobillərin satışı ilə bahəm zəmanətli ehtiyat hissələrinin satışı və servis xidməti də daxildir. Onu da qeyd edim ki, Redbull Racing yarışlarının rəsmi tərəfdaşlarından biri də məhz Infiniti-dir. Sebastian Vettelin Infininti-nin brend səfiri təyin edilməsində də məntiqi bir əlaqə mövcuddur. Bu oxşarlıq isə sürətdir. Avtomobilin ağ rəngdə olması da təsadüfi deyil. Belə ki, iki səbəbə görə maşının ağ rəngdə istehsalı qərara alınıb. Birinci səbəb ağ rəngin avtomobilə xüsusi performans verməsi, ikincisi isə daxili karbon örtüklə sintez təşkil etməsidir ”.

Avtomobilin quruluşu, özəllikləri barədə isə Infiniti FX Sebastian Vettel Edition avtomobilinin brend ambassadoru (səfiri) Surxay Əhmədov məlumat verdi. Onun sözlərinə görə, modelin hazırlanmasında Infiniti dizaynerləri və Formula 1 üzrə Dünya Çempionatının ikiqat və son çempionu, Infiniti-nin brend siması Sebestian Vettel şəxsən iştirak edib: “Oktyabr ayında istehsalına başlanacaq bu avtomobilin bir sıra üstün özəllikləri mövcuddur. Belə ki, Infiniti FX Sebastian Vettel Edition dünyada limitli sayda (150 ədəd) istehsal ediləcək. Avtomobilin V8 mühərrikinin qüvvəsi 420 at gücünə malikdir. Krossoverin interyer və eksteryerində karbon örtüklərdən istifadə edilib. Bu da təbii ki, avtomobilin çəkisinin azaldılmasına, nəticə də isə performansının artmasına səbəb olur. Model 5,6 saniyədə 0-dan 100 km/saatadək sürətlənməyə malikdir. Avtomobilin maksimal sürəti isə 300 km/saat təşkil edir. Avtomobilin formula bir yarışlarına məxsus olan LED gündüz işıqları var. Modelin 3 hissəsində SV emblemi vurulub. Salonda da həmçinin bu emblemi görmək olacaq. Onu da bildirim ki, məhz bu model üçün özəl olaraq disk istehsal edilib”.

Qeyd etmək istərdik ki, bu modeldən yalnız 150 ədəd istehsal olunacaq. Bunlardan 50-si Avropa, 50-si Asiya, 50-si isə Amerika üçün nəzərdə tutulub. Avtomobildən cəmi 3-ü Azərbaycan bazarı üçün ayrılıb. Infiniti FX Sebastian Vettel Edition eksklüziv avtomobilin qiyməti isə 180.000 ABŞ dolları təşkil edir.

Infiniti FX Sebastian Vettel Edition-nın özəllikləri barədə avtomobilin brend ambassadoru (səfiri) Surxay Əhmədov məlumat verərkən qeyd etdi ki, bu avtomobilin alıcılarına maşının açarlarını Sebastian Vettel Fransada keçiriləcək tədbirdə özü təqdim edəcək. Bir sözlə, həm ticarət, həm ziyarət. Bu avtomobili alan hər 3 şəxsin Fransaya gediş-gəliş xərclərini salon özü qarşılayacaq.

Fəridə Abdıyeva

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.