Mercedes-Benz

Mercedes-Benz kompaniyası 1926-cı ildə “Daymler-Benz AG” (Dymler Benz AG) adı altında yaradılıb. Bu ad avtomobil sənayesinin iki pionerinin soyadlarının birləşməsindən ibarətdir. Bunlardan biri Karl Benzdir. O, 1886-cı ildə dünyada ilk dəfə benzin mühərriki quraşdırılmış üçtəkərli avtomobil hazırlayıb. İkinci şəxs isə Qotlib Daymlerdir. O, isə dördtəkərli avtomobil hazırlayıb.

Lincoln

Məşhur ABŞ prezidenti Avraam Linkolnun şərəfinə “Linkoln” adlanan zavodun əsası 1920-ci ildə Detroytda inşa edilmişdir. İki ildən sonra o, Ford kompaniyasının mülkiyyətinə keçmişdir və bu gün də həmin kompaniyanın mülkiyyətindədir. “Linkoln” markalı avtomaşınlar bütün dünyada məşhurluq qazanmışdır (yeri gəlmişkən, Sovet İttifaqı 30-cu illərin əvvəllərində “İnturist” və hökumət idarələri üçün yüzdən artıq bu cür avtomobil almışdı).

Lancia

Vinçentso Lyança əsrin əvvəllərində məşhur avtomobil yürüşçüsü idi və FİAT firmasında işləyirdi. 1908-ci ildə o, Turində (FİAT firması da bu şəhərdə yerləşirdi) öz zavodunu qurdu. “Lyança” avtomobillərinin konstruksiyası uzun illər öz orijinallığı, məharətlə hazırlanması və texniki yeniliklərin olması ilə fərqlənirdi.

Jaguar

Bu firma Koventridə yedəkli “Swallow Sidecars” motosikletləri buraxan kiçik müəssisənin bazasında yaranmışdır. Sonralar o, minik avtomobilləri üçün kuzov istehsalına, 1936-cı ildən isə idman avtomobilləri buraxmağa başladı. Həmin avtomobillər 1945-ci ilədək eyni marka – SS markası altında buraxılırdı.

Isuzu

Bu markanın tarixi çox qədim və qarışıqdır. Başlanğıc olaraq “İşikavadzima” kompaniyası avtomobil buraxılışı ilə məşğul olmağa başladı. İngilis “Uspeli” nümunələrinə əsasən minik avtomaşınlarını ilk dəfə 1916-cı ildə yığdı. 2 ildən sonra isə yük avtomaşınlarının istehsalına başladı. Ümumilikdə isə sırf yapon konstruksiyası əsasında “İşikavadzima” 1928-ci ildə avtomobil istehsal etməyə başladı.

Вы находитесь в разделе "Məqalələr", в рубрике "LOQOTİPLƏRİN TARİXİ". На этой странице вы можете просмотреть все "Məqalələr" рубрики "LOQOTİPLƏRİN TARİXİ".