Küçələrimizi tanıyaq

Küçələrimizi tanıyaq

Neçə illərdir ki, küçələrimizə yeni adlar verilib, amma hələ də çoxumuz əksər küçələri sovet dövründəki, hətta rus imperatoru II Nikolayın dövründəki adları ilə tanıyırıq. Küçənin yeni adını bilməməklə yanaşı, həmin küçəyə verilən adın kim olduğunu da, təəssüflər olsun ki, heç də yaxşı bilmirik.

Küçələrə göz qoyan kameralar

Küçələrə göz qoyan kameralar

May ayının 2-də Bakı Nəqliyyatı İntellektual İdarəetmə Mərkəzinə təşkil olunmuş infoturda “Avtomobil.az” da iştirak etdi. Mərkəzin baş direktoru Elnur Abdullayev və texniki direktoru İbrahim Əliyev media nümayəndələrini nəqliyyatı intellektual idarəetmə sistemilə yaxından tanış edərək, onların suallarını cavablandırdılar.

Mərkəzin baş direktoru Elnur Abdullayev jurnalistləri müşahidə otağı ilə tanış edərək bildirdi ki, ekranda real zamanda nəqliyyatın hərəkəti müşahidə edilir. Küçələrdə 269 nöqtədə quraşdırılmış 326 ədəd avtomobilləri avtomatik aşkarlama kameraları (VVDS) vasitəsilə  nəqliyyat vasitələrinin sürəti, sayı, hətta növü (iri qabaritli və kiçik qabaritli avtomobil olduğu) müəyyən edilir. Aşkarlama sistemi topladığı informasiyanı mərkəzə ötürür. Mərkəzdə informasiya proqram təminatında  emal prosesindən keçəndən sonra  məlumat küçələrdə quraşdırılmış VVMF deyilən elektron tablolarda əks olunur. Tabloda yaşıl rəng küçələrdə hərəkətin 30-60 km/saat sürətində olduğunu bildirir.  Narıncı rəng hərəkətin nisbətən normal olduğu, qırmızı rəng isə “tıxac”ların əmələ gəldiyini, hərəkətin 10 km/saat sürətindən aşağı olduğu küçələri göstərir.
Baş direktor bildirdi ki, mərkəzdə 600 rəqəmsal görüntünü əks etdirən, dünyada ən böyük – 120 kvadratmetr sahəsi olan monitor quraşdırılmışdır.

Küçələrimizi tanıyaq

Küçələrimizi tanıyaq

Neçə illərdir ki, küçələrimizə yeni adlar verilib, amma hələ də çoxumuz əksər küçələri sovet dövründəki, hətta rus imperatoru II Nikolayın dövründəki adları ilə tanıyırıq. Küçənin yeni adını bilməməklə yanaşı, həmin küçəyə verilən adın kim olduğunu da, təəssüflər olsun ki, heç də yaxşı bilmirik.

Yol hərəkəti haqqında qaydalar dəyişir

Yol hərəkəti haqqında qaydalar dəyişir

Əsas dəyişikliklər “Yol hərəkəti haqqında” Qanuna və “İnzibati Xətalar Məcəllə”sinə edildi. Yeni əlavə və düzəlişlər barədə Bakı Şəhər Dövlət Yol Polisi İdarəsinin Yol Hərəkətinin Təhlükəsizliyinin Təbliği və İctimai qurumlarla əlaqə bölməsinin rəisi, polis polkovnik-leytenantı Vaqif  Əsədov “Avtomobil.az”a bildirdi ki, ilk növbədə yol-hərəkət qaydasını pozan sürücünün sürücülük vəsiqəsi əlindən alınmır: “Yol hərəkəti qaydasını pozduğuna görə saxlanılan sürücü sənədlərini yol polisi əməkdaşına təqdim edir, törətdiyi xətaya uyğun ona inzibati qaydada protokol tərtib olunur. Bundan sonra sənədləşdirmə apararkən mərkəzi məlumat bazasında müvafiq qeydlər edilməklə sürücünün sürücülük vəsiqəsi qaytarılır. Eyni zamanda, sürücüyə tərtib edilən inzibati protokol üzrə çıxarılan qərar birinci 3 iş günü müddətində ödənilərsə, cərimə məbləğinin 10 faizi güzəştlə həyata keçirilir. Sürücü plastik kartın köməyi ilə, ya da sürücüyə verilmiş qəbzdə göstərilən məlumatlar üzrə banka vəsait köçürməklə məsuliyyətdən azad ola bilər. Cərimə birinci 30 gün müddətində ödənilirsə, olduğu kimi ödənilməlidir. Əgər ödənilməzsə, ikinci ay müddətində hər ödəmədiyi gün üçün 2 faiz miqdarında dəbbə pulu hesablanır. Sürücü cəriməni ikinci ayda da ödəməsə, onun idarə etdiyi nəqliyyat vasitəsi yol hərəkətindən kənarlaşdırılır və müvəqqəti dayanacağa qoyulur. Bundan sonra sürücünün idarəetmə hüququndan müəyyən müddətə məhrum edilməsi məsələsinə baxılır”.

Paytaxtın avtomobil yolları payız və qışa hazır deyil

Paytaxtın avtomobil yolları payız və qışa hazır deyil

Yola saldığımız sentyabr ayında bölgələrlə yanaşı, paytaxtda da leysan yağışları yağdı və hər il olduğu kimi, bu il də Bakının payız və qışa hazır olmadığı ortaya çıxdı. Bakıya düşən yağıntının miqdarı o qədər çox olmasa da, şəhərin bir çox avtomobil yollarında yağış suları gölməçələr, bəzi yerlərdə isə iri göllər əmələ gətirdi. Nəticədə magistral yollar bağlanmaq təhlükəsi qarşısında qaldı, kilometrlərlə uzanan tıxaclar yarandı. Konkret olaraq 3-cü mikrorayon dairəsindən başlayan tıxac Dərnəgül yolu boyunca düz Əzizbəyov metrosuna qədər uzandı. Səbəb isə yeni tikilmiş körpülərin ətəklərində toplanan yağış suyunun yaratdığı gölməçələri avtomobillərin normal sürətlə yarıb irəliləyə bilməməyi oldu.