OPEL

Bu, 1899-cu ildə yaradılmış məşhur alman firmasıdır. O, ilk öncə velosipedlər, motosikletlər, minik və yük avtomobilləri hazırlayırdı. 1928-ci ildən onun zavodları Amerikanın “General Motors” korporasiyasının mülkiyyətinə keçdi. Almaniyadan başqa “Opel” Belçikada, İspaniyada, Polşada, Portuqaliyada istehsal olundu. Firmanın emblemi dəfələrlə dəyişdirilmiş, sonda ildırım xətti ilə kəsilən “O” hərfinin təsviri firmanın loqotipi kimi qəbul edilmişdi.

OLDSMOBILE

Bu avtomobil markası 1896-cı ildən mövcuddur. 1909-cu ildə R.E. Olds tərəfindən əsası qoyulmuş şirkət sonradan “General Motors” korporasiyasının tərkibinə daxil oldu. Şirkətin emblemi dəfələrlə dəyişdirildi. Hazırda mücərrəd “sürət simvolu” ilə birgə təsvir edilmiş “O” hərfi firmanın emblemidir.

Nissan

Nissan istehsal etdiyi avtomobillərin miqyasına görə ikinci yapon şirkətidir. O, minik avtomobilləri ilə yanaşı, kiçik tonnajlı yük avtomobilləri, furqonlar, mikroavtobuslar və ofrouderlər istehsal edir. Onun tarixi uzun və mürəkkəbdir. 1911-ci ildə Tokioda DAT avtomobilləri istehsal edən “Kvayşinşa” zavodunun əsası qoyuldu (bu avtomobillər zavodun əsasını qoymuş şəxslərin – Den, Aoyama və Takeuçunun adlarının baş hərfləri ilə adlandırılırdı).

MOSKVIÇ

Lenin komsomolu adına zavodun tarixi 1930-cu ilin noyabrından başlayıb. Həmin vaxt KİM adına zavod Ford markalı minik və yük avtomobillərinin yığılmasına başladı. 1940-cı ildə zavod kiçik litrajlı KİM avtomobillərinin istehsalına keçdi, müharibədən sonra (həmin dövrdə MZMA adlanırdı) Moskviç-400 avtomobilini istehsal etdi. Bu avtomobilin hazırlanmasında nümunə kimi Opel Kadett K38 avtomobili götürülmüşdü.

Mitsubishi

Mitsubishi dünyanın ən iri kompaniyalarından biridir. 1870-ci ildə Yataro İvasaki tərəfindən yaradılmış bu kompaniya ilk öncə nəqliyyat daşımaları üzrə kiçik bir müəssisə idi. 1886-cı ildən müəssisə Mitsubishi adlandırıldı. Üç romb təsviri formasında əmtəə nişanı İvasaki soyadının gerbindən götürülüb.

Вы находитесь в разделе "Məqalələr", в рубрике "LOQOTİPLƏRİN TARİXİ". На этой странице вы можете просмотреть все "Məqalələr" рубрики "LOQOTİPLƏRİN TARİXİ".