LykanHypersport - 3,4 milyon dollara ərəb superkarı

LykanHypersport - 3,4 milyon dollara ərəb superkarı

Livanın W Motors şirkəti özünün ilk superkarını – məşhur Bugatti Veyron-la rəqabət iddiasında olan LykanHypersport modelini təqdim edir. Artıq bu ay avtomobil sənayesi tarixində ilk ərəb superkarı nümayiş etdiriləcək. Livanın W Motors şirkəti Qətərdə təşkil edilən avtosalonda LykanHypersport superkarını təqdim edəcək. İstehsalçı artıq indidən superkarın ilk fotoşəkillərini nümayiş etdirib və onun barəsində yeni məlumatları açıqlayıb. 

Mercedes-Benz SLS AMG Coupe Electric Drive 2014

Mercedes-Benz SLS AMG Coupe Electric Drive 2014

Mercedes-Benz təmsilçiləri SLS AMG Electric Drive 2014 superkarının timsalında yeni dövrün elektromobilini nümayiş etdirərək bildirirlər ki, betmobillər keçmişə qovuşur. Yeni model eksklüziv elektrik avtomobilidir, onun hazırlanmasında "Formula-1" texnologiyalarından istifadə olunub. O, Ferrari F12 berlinetta (740 at gücündə) və Lamborghini Aventador (750 at gücündə) kimi güclü modellərlə bir sırada dayanır. Yeni elektrik kupesi Paris-2012 avtosalonunda ən güclü Mercedes-Benz avtomobili kimi təqdim olunub.

Jaguar F-Type

Jaguar F-Type

Şübhəsiz ki, Jaguar F-Type Paris avtosalonunun əsas "baxımlı" avtomobillərindən biri idi. Digər istehsalçılar kimi, bu Britaniya brendi də yeni avtomobil barədə bəzi təfsilatları  sərgidən öncə açıqlamağı qərara alaraq Parisdəki Roden Muzeyində (Musée Rodin) onun təqdimatını keçirib.
Mühərriki qabaq tərəfdə yerləşən arxa ötürücülü kabriolet bundan öncə 2011 IAA sərgisində CX-16 konsepti kimi təqdim olunmuşdu. Həmin konsept kupe versiyasında olsa da, yumşaq dam örtüklü F-Type kabrioleti CX-16 konseptinə çox oxşayır.  

1 saniyəyə 100 km/saat sürət yığan 3000 at gücündə Dagger GT-D hiperkarı

1 saniyəyə 100 km/saat sürət yığan 3000 at gücündə Dagger GT-D hiperkarı

Dünyanın ən sürətli superkarını hazırlamaq istəyi amerikalılara rahatlıq vermir. Yeni TransStar Racing layihəsinin arxasında vaxtilə məşhur yürüş avtomobilləri mühəndisi olmuş və son iyirmi ildə avtomobil sənayesini və nəqliyyatını tənzimləyən dövlət strukturlarında yüksək vəzifələr tutmuş Kreyq Miller dayanır. Avtomobilin aerodinamikası üzərində NASA-nın injinirinq studiyaları işləyir. Mühərriklərlə Ron Nilsen məşğul olur (tamamilə yenidən hazırlanmış səkkiz silindrli Corvette motorunun silindrlər bloku əsasında). Sürət qutusunu Ron Mendeola hazırlayıb (yürüş avtomobillərinin transmissiyaları üzrə misilsiz mütəxəssis). Dizayn gənc istedad Ayven Luççona həvalə olunub.

Porsche 911 Carrera S: Gemballa tərəfindən tüninq olunmuş avtomobil

Porsche 911 Carrera S: Gemballa tərəfindən tüninq olunmuş avtomobil

Porsche markası Almaniyanın tüninq atelyesi Gemballa-nın profilidir. Belə ki, bu atelye Porsche superkarlarının tüninqi üzrə ixtisaslaşıb və bu işdə kifayət qədər uğura nail olub. 2010-cu ildə şirkətin təsisçisi və sahibi Uve Gemballanın qətlindən sonra müflisləşmə prosedurundan keçən atelye son dövrlərdə heç də yaxşı vaxtlarını yaşamırdı. Amma indi çətinliklər arxada qalıb və kompaniyanın ustaları diqqətlərini bilavasitə avtomobil işinə yönəldə bilərlər. 2012-ci ilin sentyabrında Gemballa atelyesi tüninq etdiyi Porsche 911 Carrera S Cabriolet-i təqdim etdi.