“Sarı mələk 2012”: Volkswagen-in ikiqat qələbəsi

Просмотров: 1446
“Sarı mələk 2012”: Volkswagen-in ikiqat qələbəsi
  • “Sarı mələk 2012”: Volkswagen-in ikiqat qələbəsi
  • “Sarı mələk 2012”: Volkswagen-in ikiqat qələbəsi
  • “Sarı mələk 2012”: Volkswagen-in ikiqat qələbəsi
  • “Sarı mələk 2012”: Volkswagen-in ikiqat qələbəsi
  • “Sarı mələk 2012”: Volkswagen-in ikiqat qələbəsi
  • “Sarı mələk 2012”: Volkswagen-in ikiqat qələbəsi
  • “Sarı mələk 2012”: Volkswagen-in ikiqat qələbəsi
  • “Sarı mələk 2012”: Volkswagen-in ikiqat qələbəsi

Çoxtərəfli toqquşmaların qarşısını alan innovativ qəza əyləci sistemi Multicollision Brake və qənaətcil Volkswagen Passat TSI EcoFuel “Sarı mələk 2012” müsabiqəsinin mükafatlarını aldılar.

ADAC alman avtomobil klubu “Sarı mələk 2012” müsabiqəsinin qaliblərini elan etdi. Volkswagen nüfuzlu müsabiqənin iki yüksək mükafatını qazandı: “İnnovasiyalar və ətraf mühit” kateqoriyasında Multicollision Brake qəza əyləci sisteminin hazırlanmasına görə, “Gələcəyin avtomobili” kateqoriyasında isə ekspertlərdə böyük təəssürat yaratmış Passat TSI EcoFuel mühərrikinin hazırlanmasına görə.

ADAC-ın icra komitəsinin üzvlərindən, Almaniya avtomobil sənayesi birliyinin (VDA), Beynəlxalq avtomobil istehsalçıları birliyinin (VDIK) və Almaniyanın avtomobil sahəsinin mərkəzi ittifaqının (ZDK) prezidentlərindən təşkil olunmuş münsiflər heyəti eyni vaxtda çoxlu avtomobillərin toqquşmasının qarşısını alan Multicollision Brake qəza əyləci sistemini xüsusi qeyd etdi.

“İnnovasiyalar və ətraf mühit” kateqoriyasında mükafatı Volkswagen markasının idarə heyətinin üzvü, layihələşdirmə və istehsal işləri üzrə məsul şəxs olan doktor Ulrix Hakenberq (Dr. Ulrich Hackenberg) aldı.

Multicollision Brake qəza əyləci sistemi Golf avtomobillərinin növbəti nəslində tətbiq ediləcək. O, yol-nəqliyyat hadisəsinin nəticələrini yüngülləşdirmək və təkrar toqquşmalardan qaçmaq üçün toqquşmadan sonra avtomatik əyləcləməni işə salır. 
Müxtəlif araşdırmalar göstərir ki, Almaniyada qeydə alınan yol-nəqliyyat hadisələrinin təxminən dörddə biri sürücünün avtomobilin idarəetməsini itirməsi və sürət həddini aşması səbəbindən baş verir. Yeni Multicollision Brake qəza əyləci sisteminin effektivliyi çoxsaylı kraş-testlərin gedişində təsdiqlənib. Bu testlərə müxtəlif sürətlərlə və müxtəlif bucaqlar altında hərəkət zamanı ayırıcı maneələrlə toqquşmalar da daxildir. 
Çoxtərəfli toqquşmaların qarşısını alan Multicollision Brake qəza əyləci sistemi ilkin toqquşmanı qeydə alan təhlükəsizlik yastıqlarının elektron idarəetmə blokunun siqnalı əsasında işə düşür. Bu zaman akselerometrlərin, qapılardakı təzyiqin sensorlarının, təhlükəsizlik kəmərlərinin tarımlayıcılarının göstəriciləri nəzərə alınır. Bu göstəricilər ESP-nin idarəetmə blokuna ötürülür, nəticədə avtomobilin müvafiq intensivliklə əyləclənməsi baş verir (10 km/saat sürət həddinə qədər). Bununla belə, sürücü toqquşmadan sonra avtomobilin idarəetməsi üzərində nəzarəti bərpa edə və müstəqil hərəkət edərək avtomobili əyləcləyə və ya sürətini artıra bilər.

“Gələcəyin avtomobili” kateqoriyasında da Volkswagen markası fərqləndi və ADAC-ın nüfuzlu mükafatını qazandı. Bu kateqoriyada Passat TSI EcoFuel mühərriki qalib elan olundu. Bazara daxil olduğu 2009-cu ildən bəri model təbii qazla (metanla) işləyən avtomobillər arasında etalona çevrilib. Onun 1,4 litr həcmli TSI mühərriki (110 kVt / 150 at gücündə) həm təbii qazla (metanla), həm də benzinlə işləyə bilir. O, yanacaq sərfinin azlığı və havaya atılan karbon qazının aşağı miqdarı ilə (117 q/km) seçilir. ADAC təmsilçiləri Passat TSI EcoFuel-i hazırlamış mühəndislərin yüksək ustalığını qeyd ediblər. Bu mühərriklə təchiz olunan avtomobil gündəlik praktikliyi, qənaətcilliyi, ekoloji təmizliyi və təhlükəsizliyi ilə seçilir.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.