Renault TWINGO: 20 illik cavanlıq

Просмотров: 2793
Renault TWINGO: 20 illik cavanlıq
  • Renault TWINGO: 20 illik cavanlıq
  • Renault TWINGO: 20 illik cavanlıq

Renault Twingo – mövcud olmayan avtomobil  – bu il öz 20 yaşını qeyd edir. Özünün cəsarətli dizaynı, innovasiyalı konsepsiyası və oynaq xasiyyəti sayəsində bu avtomobil bazara ilk dəfə çıxan kimi dünyada simpatiya qazana bilib və nəticədə, dünya üzrə 2 mln-dan artıq avtomobil realizə edilib.

 

HEYSİYYƏTLİ LAYİHƏ
Renault şirkəti 1989-cu ildə yığcam, əlverişli, qənaətli və rahat bir avtomobilin hazırlamasını qarşısına məqsəd kimi qoymuşdur. Bir şərtlə – bu avtomobil “Clio” modelinin birbaşa rəqibi olmamalı idi. “Twingo”nun işə salınması üzrə işçi qrupun məqsədi münasib qiymətli, cəlbedici və inqilabi bir yığcam avtomobilin hazırlamaq olub. Yeganə düzgün qərar tamamilə yeni yanaşmanın qəbulu oldu ki, bu yanaşmanın əsas ideyası avtomobilistlərin həyatını daha asan etməkdən ibarət idi... Artıq olan şeyləri aradan qaldıraraq, onları unikal innovasiyalarla əvəzləmək, məsələn, yerini dəyişə bilən arxa oturacaq.


SADƏ XƏTT
Rəqiblər tərəfindən təklif olunan müxtəlif model xətlərindən fərqli olaraq, “Twingo” unikal idi. Belə ki, bu model mühərrikin həcmi 1,2 litr (55 at gücü) təşkil edən yeganə versiyada və elektrik şüşəqaldıran və açıq yaşıl rəngli sükanaltı dəyişdirici açarla təchiz olunmuş bir komplektasiyada təklif olunurdu. “Twingo” bazara çıxarkən 4 rəngdə təklif olunub: Göy Ultramarin, Qırmızı Mərcan, Yaşıl Koriandr və Hind Sarı. Eyni zamanda, iki opsiya seçmək mümkün idi: brezentdən olan yığılan dam örtüyü və iqlim-kontrol.


XARİCDƏN YIĞCAM, DAXİLDƏN GENİŞ VƏ FUNKSİONAL
“Twingo” salonla mühərrik bölməsinin effektiv bölüşdürə bilən birhəcmli kuzova malik idi. İnnovativ və tərpənə bilən arxa oturacaqlar sayəsində “Twingo” bzarara çıxan zaman yığcam avtomobillər sırasında salonun hündürlüyü və dizlər səviyyəsində məkanın eninə görə ən yaxşı avtomobil hesab olunub. Bütün 4 oturacağı bir səvviyədə yığmaq mümkün idi və nəticədə improvizasiya olunmuş ikinəfərlik çarpayı düzəltmək olurdu – bu, sözügedən avtomobillər seqmentində unikal bir təklif idi ki, “Twingo” universal və düşünülmüş dizayna malik olduğunu bir daha vurğulayırdı.


“HƏYAT TƏRZİNİZİ “TWINGO” İLƏ BİRGƏ İCAD EDİN!”
Bu reklam şüarı “Twingo”nun bazara çıxmasını müşayiət edib. “Tvist”, “svinq” və “tanqo” sözlərindən əmələ gələn “Twingo” adı bu avtomobilin qeyri-adi, dinamik və cəlbedici dizaynını özündə əks etdirirdi. “Renault” şirkəti “Twingo” ilə avtomobilə tamamilə yeni baxış təklif edib. O, qərəzlə statuslu avtomobillərə qarşı duraraq, yeni tipli alıcılara yönəldilmişdir: başqalarına təsir bağışlamaq üçün deyil, “Twingo”nu özləri üçün alan insanlara.

UNİKAL FƏRDİYYƏT

“Twingo” avtomobili “Renault Espace” modelinin balacalaşdırılmış versiyası deyildi. Bu avtomobil eksteryer xətlərinin axarlı əyriliyi ilə özünə məxsus fərdiyyətə malik idi. Torpedonun konstruksiyası əla görüntünü təmin etməklə yanaşı, sadəlik, funksionallıq (mərkəzi konsolla birgə) və kloun burnuna bənzər qəza siqnalizasiya dəyişdirici açar hesabına oynaqlığı özündə cəmləşdirirdi.

 

ƏSAS TARİXLƏR

  • 1993-cü ilin mart ayı: bir neçə ay əvvəl Paris avtomobil sərgisində nümayış olunan “Twingo”nun kommersiya istehsalı;
  • 1994-cü il: şəhər yollarında rahat hərəkət edən “Twingo” Avstraliya səhralarında 240 000 km qət etdikdən sonra özünün etibarlılığını nümayiş etdirir; 
  • 1994-cü il: mexaniki sürətötürmə qutusu ilə, lakin muftasız “Twingo Easy” modelinin istehsalı;
  • 1996-cı il: Üçpilləli avtomatik sürətötürmə qutusu ilə təchiz olunmuş “Twingo Benetton” və “Twingo Matic” məhdud seriyaların istehsalı; mühərrikin gücü 5 at gücü artırılaraq 60-a çatdırılıb;
  • 1998-ci il: şassi, oturacaqlar, torpedo, işıq və bamperin modernləşdirilməsi ilə “Twingo”nun ilk miqyaslı restaylingi; “Elite” məhdud seriyanın istehsalı;
  • 1999-cu il: “Initiale Paris” modelinin top versiyasının istehsalı;
  • 2000-ci il: 16 klapanlı, 75 at gücünə malik olan və robotlaşdırılmış “Quickshift” sürətötürmə qutusunun təqdimatı;
  • 2005-ci il: “Kiss Cool” məhdud seriyanın istehsalı;
  • 2007-ci ilin iyunun 28-i: Avropada son “Twingo 1” avtomobilinin istehsalı, istehsalın 14 ili ərzində 2 075 300 avtomobil satılıb – avtomobil sənayesində olduqca uzunmüddətli dövr;
  • 2012-ci il: Kolumbiyada “Twingo”nun istehsalı 2012-ci ilədək davam edib. 1995-ci ildən 2012-ci ilədək Kolumbiya bazarında 100 mindən artıq “Twingo” realizə olunub. “Twingo Tatoo” versiyası “Twingo 1”in son məhdud versiyası olub.

Şərhlərin sayı: 0

AVATAR
Hələ heç kim şərh verməyib. Birinci siz olun.