Renault Maxity LCV

Просмотров: 1404
Renault Maxity LCV

Renault Maxity LCV, xüsusi olaraq, şəhər şəraitində məhsulların daşınması üçün hazırlanıb. Bu yüngül və kompakt yük avtomobili 2,8-4,5 ton çəkili versiyalarda təklif olunur. 2007-ci ildə satışda peyda olduğu andan bu avtomobil peşəkarlar tərəfindən heyranlıqla qarşılandı. Yaşayış məntəqələrində əməliyyatlar üçün onun maksimal kommersiya imkanları və minimal ölçüləri peşəkarların ürəyincə oldu.

Digər Renault avtomobilləri kimi, bu yük avtomobilinə də Avropada 1500-dən artıq servis stansiyalarında xidmət göstərilir. İstehsalçı tərəfindən alıcılara geniş Expandys qarantiyası verilir. Maxity müştərilərin ən çox dəyər verdikləri keyfiyyətləri özündə birləşdirir. Avtomobilin dizaynı, mühərrik üzərindəki kabinəsi (Avropa avtomobil markalarında olduğu kimi) və kompakt ölçüləri onu yaşayış məntəqələrinin və şəhər mərkəzlərinin istənilən yerlərində hərəkət etməyə qadir olan avtomobil keyfiyyətləri ilə təmin edir.

Meqapolislərin mərkəzi hissələrində manevrlər zamanı bu nəqliyyat vasitəsinin üstünlüklərini nəzərə alaraq, onu refrijerator və zibildaşıma qurğuları və digər bu kimi qurğularla təchiz edirlər. Kompakt ölçülü, qənaətcil və etibarlı Maxity LCV-nin eni 1,87 metrdir, qısaldılmış ümumi uzunluğu onun super manevrliliyini təmin edir. Onun kiçik dönmə radiusu (4,8 metr) bu kateqoriyada ən yaxşı göstəricilərdəndir.

Avtomobilin 1820 kiloqramadək faydalı yük həcmi (3,5 ton çəkili versiya üçün), eləcə də müxtəlif növ şassiləri onun şəhər təyinatlı müxtəlif növ məqsədlər üçün uyğunlaşdırılmasına imkan  verir. Bu, ona müxtəlif növ avadanlıqların asanlıqla quraşdırılmasına və eyni zamanda, onun şəhər küçələrində kompaktlığını və manevr qabiliyyətini saxlamasına şərait yaradır. Bundan başqa, dəfələrlə sınaqdan çıxmış mühərriklər Maxity yük avtomobillərinin xüsusilə etibarlı olmasını təmin edir.  

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.