Renault Dokker və Dokker Van: yeni minivenlərin sinaq yürüşü

Просмотров: 4866
Renault  Dokker və Dokker Van: yeni minivenlərin sinaq yürüşü
  • Renault  Dokker və Dokker Van: yeni minivenlərin sinaq yürüşü
  • Renault  Dokker və Dokker Van: yeni minivenlərin sinaq yürüşü
  • Renault  Dokker və Dokker Van: yeni minivenlərin sinaq yürüşü

Dekabrın 26-da Bakıda yeni Renault Dokker və Renault Dokker Van minivenlərinin sınaq yürüşü təşkil olunub. Tədbirdə avtomobil sahəsi üzrə Azərbaycanın aparıcı KİV nümayəndələri iştirak edib ki, onlar xüsusi müəyyən edilmiş marşrut boyu şəhər və şəhər ətrafı avtomobil yollarında Renault minivenlərinin texniki və istismar imkanları, həmçinin hərəkət keyfiyyətini sınaqdan keçirə bilib. Tədbir çərçivəsində sınaq yürüşü iştirakçıları Ümid Yeri uşaq sığınacağını ziyarət edib, uşaqların Yeni il baryamını təbrik ediblər.

Sınaq yürüşündən öncə Renault Azerbaijan diler mərkəzində sözügedən minivenlərə dair təqdimat keçirilib, daha sonra sınaq iştirakçıları Ümid Yeri uşaq sığınacağının sakinləri üçün nəzərdə tutlmuş Yeni il hədiyyələrini avtomobillərə yükləyərək, eyni zamanda minivenlərin tutumu və funksionallığını yoxlayıblar. Sınaq yürüşü çərçivəsində avtomobillər Bakının hərəkəti intensiv olan yollarına çıxıb, daha sonra isə şəhər ətrafına üz tutaraq Ümid Yeri uşaq sığınacağına gəlib. Jurnalistlər Ümid Yeri-nin uşaqları ilə tanış olub, onlarla ünsiyyət qurublar və Yeni il bayramlarını təbrik ediblər. Bundan başqa, uşaqlar arasında yol hərəkəti qaydalarına dair viktorina təşkil olunub ki, qaliblərə və ümumiyyətlə bütün uşaqlara hədiyyələr və şirniyyat təqdim olunub.

Uşaq sığınacağından sonra Bakı ətrafında minivenlərin foto və videoçəkilişi təşkil olunub. Sınaq yürüşündə 4 Renault Dokker modeli və 1 kommersiya miniveni olan Renault Dokker Van iştirak edib. Yürüş marşrutu təxminən 100 km təşkil edib.

Yeni Renault Dokker və Renault Dokker Van 2013 – Renault-nun ilk sərnişin və kommersiya minivenləridir ki, Azərbaycanda bu modelləri avtomobil həvəskarları, həmçinin kiçik və orta biznes nümayəndələri çoxdan gözləyirdi. Ümid edirəm ki, Azərbaycanda bu minivenlər yüksək qiymətləndiriləcək və avtomobil bazarında öz seqmentində lider mövqe tuta biləcək”, - deyə Renault avtomobillərinin Azərbaycanda rəsmi təmsilçisi olan Nurgun Motors şirkətinin marketinq meneceri İlkin Qurbanov bildirib.

Renault Dokker 2013 – şəxsi və professional istifadə üçün nəzərdə tutulmuş, əla modulyasiyaya və öz sinfində ən iri yük yerinə (800 litr) malik olan 5 nəfərlik minivendir.

Renault Dokker Van 2013 isə kommersiya seqmentinə aid olan minivenlərdəndir. Praktiklikliyi, istismar xarakteristikası və daxili sahəsi ilə (maksimal yükləmə həcmi 4,0 m³, maksimal yükləmə uzunluğu isə 3,1 m*) bu avtomobil kiçik və orta sahibkarlarda maraq oyadacaq.

Yeni yığcam minivenlər həcmi 1,6 litr (80 an gücü) olan benzin mühərriklərlə təchiz olunub.

Azərbaycanda Renault Dokker 100 000 km məsafə və ya 3 illik zəmanətlə, Renault Dokker Van modeli isə məsafədən asılı olmayaraq 2 illik zəmanətlə təklif olunur.

 

Azərbaycanda Renault Dokker və Renault Dokker Van minivenlərinin qiyməti:

 

Komplektasiya

Ambiance

Model

Renault Dokker

“Renault Dokker Van”

Mühərrik,

sürətötürmə qutusu

1,6  MSQ

1,6  MSQ

Mühərrikin gücü, a.g.

80

80

Qiymət, AZN

14 200

15 400

Şərhlərin sayı: 0

AVATAR
Hələ heç kim şərh verməyib. Birinci siz olun.