Renault Design

Просмотров: 799
Renault Design
  • Renault Design
  • Renault Design
  • Renault Design

Oktyabr ayının 29-da Rusiyanın paytaxtı Moskvada Renault şirkətinin dizaynerləri ilə yeniyetmə dizaynerlər və KİV nümayəndələrinin görüşü keçirildi. Renault şirkətinin Azərbaycanda PR tərəfdaşı olan Red Comucation şirkətinin təşkil etdiyi online müsahibədə “Avtomobil.az” jurnalı da iştirak edirdi. Müsahiblərimiz Renault Design studiyasının seriyalı və konseptual avtomobillər üçün xarici dizayn işləri görən Andrey Basmanov, eksteryer dizayneri Anton Şaminkov və AVTOVAZ şirkətinin dizayn direktoru Entoni Qreyddir.

– Cənab dizaynerlər, yaxın on il üçün Renault-nun dizaynını necə təsəvvür edirsiniz?
 
Andrey Basmanov: Siz, yəqin ki, yaxın illər üçün bizim rəhbərimiz Lourens van den Aker tərəfindən irəli sürülmüş Renault-nun dizaynının inkişaf strategiyasını görmüsünüz. Bu, rəngbərəng çiçəkdir, onun ləçəklərində insan həyatının müxtəlif mərhələlərinə aid konsepsiyalar cəmləşib: sevgi, ailə, iş, uşaqlar və s. Düşünürəm ki, bu strategiya ən azı yaxın on il ərzində inkişaf etdiriləcək. Beləliklə, insanın ehtiyaclarının ödənilməsinə yönələn avtomobillər işıq üzü görəcək.

– Renault-nun dizaynının digər istehsalçılar qarşısında üstünlükləri nədən ibarətdir? 

Andrey Basmanov: Renault-nun model sırası genişdir: marka bazarın bütün seqmentlərində təmsil olunub. Artıq bu gün elektrik avtomobillərinin bütöv bir seriyası satılır. Kompaniyanın üstünlüyü məhsulların hazırlanmasına və bazarın öyrənilməsinə qlobal yanaşmasındadır. Renault-nun Hindistan, Braziliya, Rumıniya və Fransada dizayn studiyaları var. Yəni biz avtomobilləri satmağa hazırladığımız potensial bazarların tədqiqi ilə məşğul oluruq və belə qloballaşma konsern üçün müsbət amildir. Beləliklə, biz avtomobillərimizdən istifadə edəcək insanları anlamağa çalışırıq.  

– Uğur qazanmaq üçün avto-dizayner hansı keyfiyyətlərə malik olmalıdır? 

Andrey Basmanov: Biliyə maraq, yeniliyə can atmaq, dünyanı dərk etmək, ətrafdakı insanların həyatını yüngülləşdirməyə çalışmaq və öz peşəsində inkişaf etmək istəyi. Avtomobildən necə istifadə etdiyini, gələcəkdə sənin üçün nəyin maraqlı ola biləcəyini təhlil etməlisən, dünyanı dəyişə biləcək nəsə düşünüb tapmalısan.

Anton Şemenkov: Zənnimcə, mütləq baza olmalıdır: məsələn, rəsm çəkmək və maraqlı yeni ideyalar düşünmək bacarığı – sonradan təcrübə qazandıqca çox vacib amillər – markanın stilistikasının dərki və avtomobil formasının duyumu gəlir. Avtomobili cəlbedici etməyə kömək edən çoxlu sayda nüanslar, üsullar var. Alıcı əvvəlcə bunu hiss etmir və məhz dizaynerin düşündüyü hansısa detalların sayəsində şüuraltı səviyyədə sağdakı avtomobili deyil, soldakını seçir. Həmçinin çoxlu ehtiras lazımdır, çünki dizaynerlər arasında rəqabət kifayət qədər böyükdür və ən yaxşı avtomobil düzəltmək lazım gəlir.

Müsahibəni apardı: Zaur Əzizov

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.