Renault Clio 2013: kompakt fransız hetçbekinin yeni nəsli

Просмотров: 1673
Renault Clio 2013: kompakt fransız hetçbekinin yeni nəsli
  • Renault Clio 2013: kompakt fransız hetçbekinin yeni nəsli
  • Renault Clio 2013: kompakt fransız hetçbekinin yeni nəsli
  • Renault Clio 2013: kompakt fransız hetçbekinin yeni nəsli
  • Renault Clio 2013: kompakt fransız hetçbekinin yeni nəsli
  • Renault Clio 2013: kompakt fransız hetçbekinin yeni nəsli
  • Renault Clio 2013: kompakt fransız hetçbekinin yeni nəsli

Renault şirkəti Clio avtomobilinin yeni nəslini təqdim edir. Bu hetçbek alıcılar arasında böyük populyarlıq qazanıb, dünya ölkələrinin yollarında artıq 11,5 milyon Clio avtomobilləri hərəkət edir. Dördüncü nəsil Renault Clio cazibədar xarici görünüşü, üç effektiv mühərriki, yeni R-Link sistemi və əlavə təkliflərin zəngin siyahısı ilə seçilir.

Clio 2013 müasir innovativ sistemlərlə təchiz olunub. Bundan əlavə, onun fərqləndirici cəhətləri arasında dizayn xüsusi yer tutur. Yeni hetçbek daha emosional görünüş əldə edib. Dördüncü nəslin xarici görünüşünün əsasını rəvan və dinamik kuzov xətləri ilə seçilən məşhur Renault DeZir konsept-karı təşkil edir. Yeni Renault Clio-nun ön tərəfində fransız nəhənginin parlaq emblemi diqqəti cəlb edir. Onun yan tərəflərində faralara doğru isə xromlanmış zolaq nəzərə çarpır, zolağın altında gündüz işıqları yerləşdirilib.

Renault Clio-nun bir qədər aşağı endirilmiş klirensi və iri təkər tağları altındakı güclü təkərləri avtomobilin idman siluetini qabardır. Arxa qapıların tutqacları arxa dayaqlarda məharətlə gizlədilib, nəticədə beşqapılı praktik hetçbek idman kupesini xatırladır və daha iti sürətli görünüş əldə edir. Clio 2013 alıcılara səkkiz rəng variantında təklif olunacaq. Onların arasında əsas rəng DeZir üçün səciyyəvi olan qırmızı rəngdir.

Geniş interyeri yeni Clio-nun diqqətçəkən xarici görünüşünə uyğundur. İnteryer maraqlı, yeni və müasir görkəmi ilə seçilir. Yaraşıqlı üslub komfortluluğa qətiyyən xələl gətirmir. Avtomobilin spidometri informasiyaları asanlıqla anlamağa imkan verir, multimedia sistemi isə mərkəzi konsolda optimal şəkildə qərarlaşıb. Yuxarıda qeyd edilənlərə keyfiyyətli üzlük materiallarını, xromlanmış detalları və salonun rənginin alıcı tərəfindən seçilməsi imkanını əlavə etmək lazımdır. Renault cürbəcür əlavə opsiya variantları təklif etməklə müştərilərə imkan yaradır ki, avtomobilin tərtibatını öz zövqləri əsasında fərqi qaydada seçsinlər.

Yeni R-Link sistemi
İnnovasiyalardan söz düşmüşkən, R-Link sistemi barəsində danışmamaq olmaz. Bu, şirkətin avtomobilləri üçün, o cümlədən Clio üçün nəzərdə tutulan informasiya-əyləncə sistemidir. Bu sistemə 18 santimetr diaqonallı sensor ekran və keyfiyyətli akustika daxildir. Amma ən faydalı funksiya naviqasiyadır. O, küçələrdə avtomobillərin sıxlığını onlayn rejimində izləyir.

Naviqasiya funksiyası nəinki yanacaq baxımından əlverişli olan marşrutu seçməyə kömək edir, həm də sürücünün idarəetmə tərzini yadda saxlayır və bunun əsasında sürücüyə ən qənaətcil hərəkət rejiminin seçilməsi barədə “məsləhətlər” verir (müxtəlif rənglərdə yanıb-sönən sensorların vasitəsilə). Əslində qənaətcilliklə bağlı sürücünün narahat olmasına əsas yoxdur, ona görə ki, Renault Clio 2013 müasir güc aqreqatları ilə təchiz olunur.

Yeni Renault Clio 2013-ün mühərrikləri
Həcmi 900 kub sm təşkil edən yeni benzin mühərriki TCe 90 cəmi üç silindrli olsa da, turbokompressor sayəsində onun gücü iri mühərriklərlə müqayisə oluna bilər. 90 at gücü və 135 Nm fırlanma momenti yeni hetçbek üçün tamamilə kifayətdir. Onun 100 km məsafəyə yanacaq sərfiyyatı orta hesabla 3,6 litr təşkil edir. Yeni Renault Clio-nun digər benzin aqreqatı TCe 120-nin 1,2 litr həcmli, 120 at güclü, 190 Nm isə maksimal fırlanma momenti təşkil edir. Mühərrik altı pilləli avtomat EDC transmissiyası ilə tandemdə işləyir.
Yeni Renault Clio-nun daha qənaətcil versiyası dCi 90 dizel mühərriki ilə təchiz olunmuş versiyadır. 1,5 litr həcmi olan dörd silindrli mühərrikin qüvvəsi 90 at gücü, fırlanma momenti isə 220 Nm-dir. Motor qənaətcilliyə kömək edən start-stop sistemi ilə təchiz olunub. Bundan əlavə, Clio 2013-də yüksək qənaətcilliyi təmin edən ECO mode rejimi nəzərdə tutulub. Müvafiq düyməni bircə dəfə basmaqla avtomobilin məhsuldarlığına xələl gətirmədən yanacaq sərfiyyatını 10% azaltmaq olar.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.