“Qarant Sığorta” avtomobilləri yarı qiymətə sığortalamağa başlayıb

Просмотров: 1981
“Qarant Sığorta” avtomobilləri yarı qiymətə sığortalamağa başlayıb

Vaqif  Həsənov: “Qarant Sığorta” şirkətinin əsas məramı hər kəsin sığorta şirkətinə çevrilməsidir”.

“QARANT AVTO” məhsulunu yaratmazdan öncə biz sorğu keçirdik və tədqiqatlar apardıq. Onların nəticəsində birmənalı cavab bəlli oldu – Azərbaycan vətəndaşları öz avtomobillərini sığortalamaq istəyirlər. Bir sıra hallarda müştərilər maşınları ona görə sığortalamırlar ki, onlar sığortanın kifayət qədər böyük məbləğini dərhal ödəmək məcburiyyətindədirlər.

Bunu anlayaraq, fikrimcə, biz elə bir məhsul yaratmışıq ki, o, cəmiyyətdə böyük əks-sədaya səbəb olacaq və geniş şəkildə istifadə olunacaqdır. “Qarant Sığorta” şirkətinin əsas məramı hər kəsin sığorta şirkətinə çevrilməsidir. “QARANT AVTO” kimi unikal məhsulların üzə çıxması məhz həmin məqsədlərə xidmət edir”. Bu sözləri “Qarant Sığorta” şirkətinin İdarə Heyətinin sədri cənab Vaqif Həsənov “QARANT AVTO” məhsulunun təqdimatına həsr olunmuş mətbuat konfransında bildirmişdir.

Mətbuat konfransında yeni məhsul haqqında jurnalistlərə ətraflı məlumat verildi. Bildirildi ki, “QARANT AVTO” məhsulunun mənası ondan ibarətdir ki, hər kəs öz avtomobilini bütün risklərdən yarı qiymətə sığortalaya bilər. Sığortalama zamanı müştəri sığorta haqqının yalnız 50%-ni ödəyir. Qalan hissə isə sığorta halı üzrə ilk sığorta ödənişi zamanı ödənilir. Əgər qəza sığorta ödənişinə düşmürsə, bu zaman həmin hissə ödənilməyəcəkdir.

Qeyd edək ki, “Qarant Sığorta” şirkəti yeni avtomobillər üçün 3,5 % sığorta haqqı alır. İşlənmiş avtomobillər üçün sığorta haqqı isə avtomobilin ilindən, modelindən və s. asılı olaraq hesablanır.

“Qarant Sığorta” şirkətində öz avtomobilini sığortalayanlar yol-nəqliyyat hadisəsi nəticəsində avtomobil qiymətinin və ya onun təmir xərclərinin ödənilməsi, oğurluq, qarət, yanğın, şimşək, partlayış, təbii fəlakət, üçüncü şəxslərin bilərəkdən qeyri-qanuni hərəkətləri və s. kimi üstünlüklər əldə edir.

Xatırladaq ki, “Qarant Sığorta” şirkəti 2007-ci il noyabrın 27-də fəaliyyətə başlamışdır. Şirkətin təsisçisi ölkənin ən iri holdinqlərindən biri hesab edilən “ZQAN Holdinq”dir. Şirkətin nizamnamə kapitalı 4 milyon manat təşkil edir.

Şirkət həm fərdi, həm də korporativ müştərilərə 18 könüllü və 4 icbari sığorta növü üzrə xidmət təklif edir. “Qarant Sığorta” bütün növ sığortalar üzrə proqramları tərtib edib və daimi qaydada onları təkmilləşdirir.




Seymur Yunusov


© 2009 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.