Prezidentlərin avtomobilləri

Просмотров: 3551
Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri
  • Prezidentlərin avtomobilləri

Dövlət başçısının avtoparkı onun istər ölkə daxilində, istərsə də ölkə xaricində imicini formalaşdıran başlıca amillərdən biridir. Bir qayda olaraq, bu avtomobillər yerli markaların ən yaxşı modelləridir, amma istisna hallar da olur (yəni xarici markalara üstünlük verənlər də olur). Beləliklə, müxtəlif ölkələrin birinci şəxslərinin hansı avtomobillərdə hərəkət etdiyinə qısaca nəzər salaq.

Rusiya Prezidenti Vladimir Putin "böyük səkkizlik" ölkələrinin dövlət başçıları arasında yeganə şəxsdir ki, xarici markalı avtomobilə üstünlük verir. Onun xidməti avtomobili Mercedes-Benz S600 Guard Pullman hər cür silah növünə qarşı son dərəcə müasir müdafiə sistemi ilə təchiz olunub, avtomobilin salonu isə mahiyyət etibarilə kiçik, amma təmtəraqlı ofisdir. Deyilənlərə görə, Qorki avtomobil zavodunda Prezident üçün Pullman-ı əvəz edəcək yerli avtomobilin hazırlanması üzrə qızğın iş gedir.

Kennedi güllələndikdən sonra amerikanlar prezident avtomobilinin təhlükəsizliyinə xüsusi diqqət yetirməyə başladılar. Bu gün Barak Obama zirehli Cadillac One avtomobilində hərəkət edir. Təhlükəsizlik sistemi elə mükəmməl işlənib ki, hətta salonda zərurət yarandıqda qanköçürmə üçün paket də nəzərdə tutulub.

Çin Xalq Respublikasının sədri də yerli istehsalçının avtomobilində hərəkət edir. Onun FAW Hong Qui HQE avtomobilinin çəkisi 4,5 tondur, bu avtomobilin konstruksiyası barədə məlumatlar isə dövlət sirri hesab olunur. Avtomobilin dizaynına gəlincə, çinlilər yenə də özlərinin plagiatlıq ənənələrinə sadiq qalıblar. Belə ki, FAW Hong Qui HQE-nin dizaynı Rolls-Royce Phantom modelinin dizaynını xatırladır. 

2012-ci ildə Fransanın yeni prezidenti Fransua Olland köhnə ənənəni bərpa edərək Citroen DS avtomobilinə keçdi. Vaxtilə Şarl de Qollun özü bu modelə üstünlük verirdi.
Britaniya kraliçası II Yelizaveta son vaxtlar ictimaiyyət arasına təmtəraqlı Bentley Arnage Red Label avtomobilində çıxır. Bu avtomobil cəmi bir nüsxədə hazırlanıb və xüsusi olaraq kraliça üçün nəzərdə tutulub. Britaniyanın Baş naziri Devid Kemeronun seçiminə gəlincə, o, Jaguar XJ Sentinel V8 modelinə üstünlük verir.

İspaniya kralı Xuan Karlos ağır qəzadan sonra digərlərindən seçilməməyə və Audi RS6-da hərəkət etməyə üstünlük verir. Bununla belə, onun avtoparkına hər bir kolleksiyaçı həsəd apara bilər. Belə ki, Xuan Karlosun qarajında 1939-cu ilin istehsalı olan 6 təkərli Mercedes-Benz G4, habelə Maybach 67S kimi modellər var.

Uruqvay Prezidenti Xose Muxika, yəqin ki, dünyanın ən kasıb prezidentdir. O hər ay öz ehtiyaclarına 800 dollardan artıq pul sərf etmir, məvacibinin qalan hissəsini isə xeyriyyəçiliyə sərf edir. O, 1987-ci ildə buraxılmış 1800 dollar dəyərində açıq mavi rəngli Volkswagen Beetle avtomobilində hərəkət edir.

© 2013 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.