Porsche Cayenne Turbo S 2013

Просмотров: 4404
Porsche Cayenne Turbo S 2013
  • Porsche Cayenne Turbo S 2013
  • Porsche Cayenne Turbo S 2013
  • Porsche Cayenne Turbo S 2013
  • Porsche Cayenne Turbo S 2013

Almaniyanın avtomobil istehsalçısı Porsche Cayenne Turbo S modelini təqdim edir. Avtomobilin adına əlavə olunmuş "S" hərfi yeni Porsche Cayenne modelinin daxilində və xaricində təkmilləşdirmə işlərinin aparıldığını bildirir. Onun mühərrikinin gücü artırılaraq 50 at gücünə çatdırılıb. Məlumata görə, yeni Porsche Cayenne Turbo S modeli 2013-cü ilin yanvarında satışda peyda olacaq.

Avtomobilin eksteryerinə gəlincə, mühəndislər onu yeni havaçəkən, faraların tonlaşdırılmış korpusları, habelə parlaq qara rəngli arxa görüntü güzgüləri ilə təchiz ediblər. Bundan başqa, Turbo S-ə 21 düymlük təkər diskləri quraşdırılıb. Disklərin üzərində eksklüziv olaraq yeni model üçün nəzərdə tutulmuş rəngli Porsche nişanları var.

İnteryer
Mühəndislər xüsusi olaraq Porsche Cayenne Turbo S modelinin salonunu kontrastlı tikişləri olan ikirəngli dəri üzlüklə təchiz ediblər. İnteryerdə həmçinin karbon materialından hazırlanmış elementlər diqqəti cəlb edir. Onları cihazlar panelində, eləcə də qapıların panellərində və mərkəzi konsolda görmək olar. Avtomobilin interyeri qara, ağ, sarımtıl və qəhvəyi rəng çalarlarında təklif olunur.

Mühərrik
Yenilənmiş Porsche Cayenne Turbo S 2013 modelinin 4,8 litr həcmli mühərriki turbokompressorla və proqramında dəyişikliklər edilmiş idarəetmə bloku ilə təchiz olunur. Nəticədə yeni avtomobilin potensialına 50 at gücü, maksimal fırlanma momentinə isə 50 Nm əlavə edilmiş olur. Bu təkmilləşdirmə işlərindən sonra onun qüvvəsi 550 at gücü, maksimal fırlanma momenti isə 750 Nm təşkil edir.

İndi Cayenne Turbo S cəmi 4,5 saniyəyə 100 km/saat sürət yığa bilir ki, bununla da əvvəlki modelin analoji göstəricisini 0,2 saniyə üstələmiş olur. O, maksimal sürət göstəricisi baxımından əvvəlki modeli 5 km/saat üstələyir (278 km/saata qarşı 283 km/saat).

Şirkətin təqdim etdiyi texniki məlumatlara əsasən, mühərrikin gücünün artırılması onun qənaətcilliyinə təsir göstərməyib. Belə ki, qarışıq hərəkət rejimində avtomobilin 100 km məsafəyə yanacaq sərfiyyatı 11,5 litr təşkil edir.
Qeyd edək ki, istehsalçı bundan əvvəlki Cayenne Turbo modelinin sahiblərinə mühərrikin məhsuldarlığını artıran əlavə paket təklif edir. Bu paketin sayəsində əvvəlki versiyanın gücünə 40 at gücü, maksimal fırlanma momentinə isə 50 Nm əlavə olunacaq. Nəticədə onun qüvvəsi 540 at gücü, maksimal fırlanma momenti isə 750 Nm təşkil edəcək.

Komplektasiya
Turbo S-in baza komplektasiyasına daxil olan detalların sayəsində avtomobil hərəkət keyfiyyətlərinə görə bir çox idman avtomobillərini üstələyir. Burada aktiv stabilləşdirmə sistemlərini, amortizatorları idarə edən elektron sistemi, öz-özünü bloklayan differensialı, habelə aşağıdakıları qeyd etmək lazımdır:

•    PASM (pnevmatik asqı); 
•   Dynamic Control (PDCC) sistemi (bu sistem döngələrdə yanlara meyllənmə bucağını faktiki olaraq sıfıra endirir, avtomobilin manevrliliyini və komfortluluğunu artırır);
•  Porsche Torque Vectoring Plus (PTV Plus) sistemi (bu sistem arxa differensialın bloklanmasını idarə edən sistemlə birgə işləyir və istənilən şəraitdə mühərrikin dartı qüvvəsini artırır);
•    Sport Chrono paketi.

Yeni avtomobil 2013-cü ilin yanvarında satışda peyda olacaq.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.