Porsche 911 Carrera S: Gemballa tərəfindən tüninq olunmuş avtomobil

Просмотров: 1320
Porsche 911 Carrera S: Gemballa tərəfindən tüninq olunmuş avtomobil
  • Porsche 911 Carrera S: Gemballa tərəfindən tüninq olunmuş avtomobil
  • Porsche 911 Carrera S: Gemballa tərəfindən tüninq olunmuş avtomobil
  • Porsche 911 Carrera S: Gemballa tərəfindən tüninq olunmuş avtomobil
  • Porsche 911 Carrera S: Gemballa tərəfindən tüninq olunmuş avtomobil
  • Porsche 911 Carrera S: Gemballa tərəfindən tüninq olunmuş avtomobil

Porsche markası Almaniyanın tüninq atelyesi Gemballa-nın profilidir. Belə ki, bu atelye Porsche superkarlarının tüninqi üzrə ixtisaslaşıb və bu işdə kifayət qədər uğura nail olub. 2010-cu ildə şirkətin təsisçisi və sahibi Uve Gemballanın qətlindən sonra müflisləşmə prosedurundan keçən atelye son dövrlərdə heç də yaxşı vaxtlarını yaşamırdı. Amma indi çətinliklər arxada qalıb və kompaniyanın ustaları diqqətlərini bilavasitə avtomobil işinə yönəldə bilərlər. 2012-ci ilin sentyabrında Gemballa atelyesi tüninq etdiyi Porsche 911 Carrera S Cabriolet-i təqdim etdi.

Superkar orijinal aerodinamik Gemballa GT asqısı ilə təchiz olunub. Bundan başqa, üç iri havaçəkənlə və spoylerlə birlikdə cəlbedici yeni ön bamperi qeyd etmək lazımdır, o, Porsche 911 Carrera-nın xarici görünüşünü uğurla tamamlayır. Bu effektiv bamperin digər vəzifəsi yüksək sürətlə hərəkət zamanı yetərli sıxma gücünü təmin etməkdir.

Porsche 911 Carrera-nın ön spoylerinin xətləri kabrioletin yan ətəklərinin dizaynında davam etdirilir. Tüninq firması iri arxa bamperin və səsboğucu sistemin altı borusunun vasitəsilə superkarı vizual olaraq genişləndirib, vertikal reflektorlar isə üçölçülü effekt yaratmağa xidmət edir.

Gemballa təmsilçiləri qeyd edirlər ki, Porsche 911 Carrera S kabrioleti üçün üst konstruksiya elementləri hazırlanarkən bütün ölçülər yüksək dəqiqliyə malik lazerlərdən istifadə edilməklə hesablanıb, yüngül karbondan hazırlanmış detallar isə avtomobilin gövdəsinə kuzovdakı bərkitmə nöqtələri vasitəsilə bərkidilir. Zərurət yarandıqda və ya avtomobilin sahibi onu satmaq istədikdə sonradan quraşdırılmış "kənar" detalları standart detallarla əvəz etmək olar. Gemballa GT bodi-kitinin qiyməti 19.860 avrodur. 

Kuzov üçün detallardan əlavə, Gemballa atelyesi Porsche 911 Carrera S Cabriolet-ə həmçinin 21 düymlük GForged-one yüngül lehimli disklərini quraşdırıb. Onlar avtomobilin 20 düymlük standart disklərindən daha yüngüldür. Disklər iki rəng variantında təklif olunur: brilyant və bürünc. Ön tərəfdə 245/30 ZR21, arxada isə 305/25 ZR21 ölçülü şinləri olan təkərlər alıcıya 9.895 avroya başa gələcək.

Tüninq ustaları avtomobilin onsuz da kifayət qədər güclü olan 400 at gücünə malik mühərrikini gücləndirməməyi qərara alıblar və avtomobilə altı borulu səsboğucu sistemi, idman asqıları və Brembo tərəfindən xüsusi olaraq Gemballa atelyesi üçün hazırlanan əyləc sistemi quraşdırmaqla kifayətləniblər.

Gemballa tərəfindən tüninq olunmuş Porsche 911 Carrera S-in xarakteristikaları:
•    Mühərrikin həcmi: 3.800 sm3;
•    Mühərrikin gücü: 400 at gücü (1 dəqiqədə 7400 fırlanma dövrəsi ilə);
•    Fırlanma momenti: 440 Nm (1 dəqiqədə 5600 fırlanma dövrəsi ilə);
•    Maksimal sürət: 301 km/saat (PDK ilə 299 km/saat);
•    100 km/saat sürət yığmağa sərf olunan vaxt: 4,7 saniyə (PDK ilə 4,5 saniyə);
•    80 km/saatdan 120 km/saatadək sürət yığmağa sərf olunan vaxt: 6,2 saniyə.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.