Peugeot Azərbaycana qayıtdı

Просмотров: 1904
Peugeot Azərbaycana qayıtdı
  • Peugeot Azərbaycana qayıtdı
  • Peugeot Azərbaycana qayıtdı
  • Peugeot Azərbaycana qayıtdı

Xeyli müddət əvvəl Azərbaycan bazarını tərk etmiş Peugeot yenidən geri döndü. 
Avtomobil.az-ın  məlumatına görə, ölkəmizdə markanın distribüterliyini üzərinə götürmüş “Auto Azerbaijan” şirkəti ilk Peugeot satış və servis mərkəzini istifadəyə verib.   
      
“Bu gün “Auto Azerbaijan” ailəsi məşhur və qocaman avtomobil brendi olan  Peugeot sayəsində bir az da böyüdü. Şirkət bunun böyük məsuliyyət  olduğunu dərk edərək, bu marka üzrə də işini ən yüksək standartlara əsasən həyata keçirməyi hədəfləyir”, salonun direktoru Emil İsmayılov bildirib.  

Əvvəllər Azərbaycan bazarında “Peugeot”un təmsil olunması yerli alıcıların təfəkküründə bu marka haqqında mənfi streotiplər  yaradıb. Bunlardan biri Peugeot-un ehtiyat hissələrinin az tapılması və bahalı olması ilə bağlıdır. “Auto Azerbaijan” şirkətinin Satış və sifarişlər üzrə koordinatoru Murad Əsədov qeyd edib ki, bu ilin sonuna kimi müştərilərə doğru məlumat verilərək streotipləri aradan qaldırılmasına  çalışılacaq.

“Sırf etibar qazanmaq üçün əvvəllər satılmış  “Peugeot” avtomobillərini qeydiyyata aldıq. Hazırda onların zəmanətini yeniləyirik. Artıq “Peugeot” sahibləri bütün orijinal ehtiyat hissələrini buradan əldə edə bilərlər. Markanın standartlarına əsasən təchiz edilmiş və peşəkar ustaların çalışdığı servis mərkəzində bütün təmir işləri də həyata keçirilir”, - Əsədov vurğulayıb.
Yeni salonda Peugeot ailəsinin geniş model cərgəsi düzülüb. Rəsmi təmsilçi 308, 5083008 modellərini daha çox irəli çəkir.
Bildirilib ki,  qənaətcil 1,6 litrlik, 120 at gücünə malik VTİ mühərriki ilə təchiz edilmiş Peugeot 308 hetçbeki yol tutumu və idarəetmə həzzi baxımından öz liderliyini qoruyub saxlayır. Bu model münasib qiyməti ilə də təmsil olunduğu sinifdə xeyli şanslıdır.  Belə ki, Peugeot 308 modeli 17.900 manatdan başlayan qiymətlərlə alıcılara təklif olunur.

Peugeot biznes sedan sinfində təmsil edən 508 modeli isə üstün avadanlıq təchizatı və innovativ yenilikləri ilə seçilir. Bu modeldə 1,6 litrlik, 156 at gücünə malik THP mühərriki və 6 pilləli sürət qutusu quraşdırılıb. Peugeot 508 modeli şəhər şəraitində 10,5 litr, magistral yollarda hərəkət zamanı isə 5,3 litr yanacaq sərf edir. Avtomobilin qiyməti 27.400 manatdan başlayır.

Tədbirdə qeyd olunub ki, əgər müştərilər sifariş edərlərsə, 508 modelinin dizel mühərrikli versiyası da gətirilə bilər.
3008 modeli  SUV, universal və MPV sinfinin bir sıra əlamətlərini özündə əks etdirir. Bu model də 1,6 litrlik, 156 at gücünə malik THP mühərriki ilə təchiz olunub.

Qeyd edək ki, yerli avtomobil bazarının sərkərdəsi olan “Auto Azerbaijan” şirkəti Peugeot ilə bərabər Hyundai, Jeep, Dodge, Chrysler avtomobil markalarının ölkəmizdə rəsmi distribüteridir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.