Paris avtoşousu 2012

Просмотров: 1543
Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012
  • Paris avtoşousu 2012

Beləliklə, bu möhtəşəm hadisə baş tutdu – dünyanın ən iri avtoşousu keçirildi. Baxmayaraq ki, dünyada bir çox digər avtoşoular da keçirilir (onların bir qismi sizə yaxşı tanışdır, məsələn, Frankfurt, Tokio, Detroyt, ŞanxayCenevrədə keçirilən avtomobil sərgiləri), Paris avtoşousu daha çox tamaşaçı toplayır və bunlar avtomobilləri, həqiqətən, dəyərləndirməyi bacaran insanlardır.

Statistik rəqəmlər göstərir ki, 2010-cu ildə keçirilmiş Paris avtoşousu dünyanın müxtəlif ölkələrində keçirilmiş sonrakı avtoşoulara nisbətən daha çox tamaşaçı toplayıb.
Belə avtoşoular ildə iki dəfə keçirilir – Frankfurtda və Parisdə. Avtomobil həvəskarları Paris sərgisini təkcə ona görə sevmirlər ki, Paris sevgi şəhəridir, həm də ona görə sevirlər ki, burada Fransa istehsalı olan çoxlu sayda sürətli avtomobillər nümayiş etdirilir.
Beləliklə, gəlin istehsalçıların sərgidə təqdim etdikləri yeni avtomobilləri nəzərdən keçirək.

Peugeot Onyx skuter
Sərgiyə ev sahibliyi edən fransızların stendində üçtəkərli Onyx skuterinin orijinal konsepti nümayiş etdirildi. 60 at gücündə olan hibrid güc qurğusu ilə təchiz olunmuş bu nəqliyyat vasitəsi qarışıq rejimdə 100 kilometr məsafəyə 2,0 litr yanacaq sərf edir. Hibrid güc qurğusunun enerji ehtiyatı 30 kilometr məsafəyə bəs edir. Mərkəzi paneli çıxarmaq mümkündür ki, bu da idman konseptini klassik şəhər skuterinə çevirməyə imkan verir.

Peugeot Onyx superkar
Bundan əlavə, Paris sərgisində Onyx adı ilə superkar konsepti də nümayiş etdirildi. Hibrid güc qurğusu quraşdırılmış bu avtomobili, şübhəsiz ki, sərginin ən diqqətçəkən eksponatlarından biri adlandırmaq olar. Monolit karbondan hazırlanmış monokokun ümumi çəkisi cəmi 100 kiloqramdır. Konseptin ümumi çəkisi isə 1100 kiloqram təşkil edir. Güc qurğusunun ümumi potensialı 680 at gücünə bərabərdir. Sürət göstəriciləri barədə hələlik məlumat verilmir. 

Venturi America
Hibrid və elektrik avtomobillərinin yığımını həyata keçirən fransız şirkəti Venturi özünün Venturi America avtomobilini yenidən nümayiş etdirdi. İki il öncə Parisdə debüt etmiş bu elektrokar, demək olar ki, istehsala hazırdır. Elektrik mühərrikinin qüvvəsi 300 at gücünün ekvivalentidir. Batareyası bir dəfə doldurulmaqla avtomobil 300 kilometrə yaxın məsafə qət edə bilər. Maksimal sürət 200 km/saat təşkil edir.

Espera Sbarro
Espera Sbarro dizayn məktəbinin bu orijinal avtomobili qeyri-adiliyi ilə seçilir. Sbarro Eight Concept xarici görünüşünə görə əsl futurist modelidir. 360 at güclü mühərrik ilə təchiz edilən arxa ötürücülü bu avtomobilin hazırlanmasında müasir tələblərə cavab verən yüksək texnologiyalardan istifadə edilib. Bu konseptual modelin gələcəkdə seriyalı istehsala buraxılması inandırıcı görünmür.

Volkswagen Golf
Almanlar sərgidə Golf avtomobilləri ailəsinə mənsub olan iki yeni konsepti təqdim etdilər. Qənaətcil Golf BlueMotion-un yanacaq sərfiyyatı 100 km məsafəyə cəmi 3,2 litr təşkil edir. Bu göstərici ilə konsept bir dəfə doldurulmuş yanacaq çəni ilə 1500 kilometrdən artıq məsafə qət etməyə qadirdir!

Volkswagen Golf GTI
İkinci konsept Golf GTI idman konseptidir. O, 2,0 litr həcmli, 220 at güclü mühərriklə  təchiz olunur. Bu konsept 100 km məsafəyə 6 litr yanacaq sər edir ki, bu da əvvəlki versiyanın analoji göstəricisi ilə müqayisədə 20% qənaətcillik deməkdir.

Smart Forstars
Sərgidə yeni Smart Forstars konsepti də nümayiş etdirildi. Bu yeni konsept kino ulduzlarının avtomobili kimi təqdim edilir. Əlbəttə, bu sözləri hərfi mənada başa düşmək lazım deyil. Söhbət ondan gedir ki, bu iki yerlik konsept istənilən şaquli hamar səthi kinoteatra çevirməyə qadirdir. Həmçinin onun iri tutumlu baqaj bölməsini də qeyd etməmək olmaz. Bu konseptual modelin də gələcəkdə seriyalı istehsala buraxılması inandırıcı deyil. Amma bir şey şübhəsizdir ki, istehsalçı onun hazırlanmasında istifadə edilmiş ideyalardan gələcək işlərində istifadə edəcək.

BMW Active Tourer
BMW Parisə özünün ilk ön ötürücülü avtomobilini gətirdi. Bu avtomobilin özəlliyi təkcə onun transmissiyasında və ya hibrid güc qurğusunda deyil. Belə ki, sərgidə alman konserninin gələcəkdə tətbiq edəcəyi dizaynın əsas xüsusiyyətləri bu avtomobilin timsalında nümayiş etdirildi. Həqiqətən, Active Tourer avtomobili yüksək potensiala malikdir və bu faktdır.

Maserati  GranCabrio MC
Maserati (İtaliya) təmsilçiləri Parisə 2013-cü ilin GranCabrio MC modelini gətirdilər. Əlbəttə, bu halda hansısa böyük yenilikdən söhbət gedə bilməz. Bu avtomobil sadəcə GranTurismo modelinin variantlarından biridir. Bununla belə, avtomobildə diqqətçəkən məqamlar da yox deyildi. Sələfi ilə müqayisədə onun ön paneli daha aqressiv görünür. Uzunluq ölçüsü təxminən yarım metr artıb, çəkisi isə 1 sentnerdən də artıq azalıb. Həmçinin yenilənmiş arxa spoyleri qeyd etmək lazımdır. O daha güclü sıxma qüvvəsinə malikdir. Kapotun altında 4,7 litr həcmə və 460 at gücünə malik səkkiz silindrli mühərrik quraşdırılıb. Kabrioletin maksimal sürəti 300 km/saat təşkil edir.


Lamborghini Gallardo LP560-4
İtaliyanı təmsil edən daha bir şirkət – Lamborghini sərgidə restaylinq olunmuş Gallardo 2013 modelini nümayiş etdirdi. İtalyanlar Parisə Gallardo Edizione Tecnica avtomobilini gətirmədilər və əsas diqqətlərini Gallardo LP560-4 modelinin dizaynına yönəltməyi qərara aldılar. Avtomobildə xarici dəyişikliklərdən (yeni havaçəkənlər, şəffaf kapot və s.) savayı, başqa dəyişiklik nəzərə çarpmır. Amma çoxları üçün bu dəyişikliklər də kifayətdir. Bundan başqa, bu modelə quraşdırılacaq Apollo təkər diskləri və şinlər onu analoji modellərdən fərqləndirəcək.

McLaren P1
Paris avtosalonunun ən çox gözlənilən premyeralarından biri McLaren P1 konsepti oldu. Öz seqmentində bu superkarın qabaq şüşəsi ölçüsünə görə ən kiçik olacaq ki, bu da avtomobilin maksimal dayanıqlıq nümayiş etdirməklə inanılmaz sürətə nail olmasına imkan verəcək. Konseptin texniki xarakteristikaları barədə hələlik məlumat verilmir. Təkcə o məlumdur ki, bu model gələn ilin sonunda satışda peyda olacaq.

Porsche Panamera Sport Turismo
Porsche təmsilçiləri yeni Panamera Sport Turismo konseptini nümayiş etdirdilər. Arxa ötürücülü bu hibrid sportkar Porsche və onun pərəstişkarları üçün bir növ gələcək perspektivlərin təcəssümüdür. Mütəxəssislər avtomobili hazırlayarkən onun ümumi dizaynına və hibrid sisteminə xüsusi diqqət yetiriblər. Hərçənd, xırdalıqlar da diqqətdən yayınmayıb: işıq-diod faraları, karbon spoyler, güzgülərin əvəzinə kameralar və s. Hibrid güc qurğusu sayəsində avtomobil 6 saniyəyə 100 km/saat sürət yığa bilir. Benzin mühərriki yalnız akkumulyator boşaldıqda və ya avtomobilin sürəti 130 km/saatı keçdikdə işə düşür.

Bentley Continental GT3
Daha bir konsepti sərgidə Bentley nümayiş etdirdi. Sonralar Bentley Continental GT modelinə çevrilmiş konseptin təqdimatından on il ötür. Budur, kompaniya yeni konseptini nümayiş etdirir. Bu, idman kupesi Continental GT3-dür. Konseptin texniki xarakteristikaları hələlik açıqlanmır. Görünür, bunun üçün bir müddət gözləmək lazım gələcək.

Lexus LF-CC
Bu avtomobili təqdim etməklə Lexus-un təmsilçiləri həm gələcək IS 2014 avtomobilinin ilkin dizaynını nümayiş etdirmiş oldular, həm də təsdiq etdilər ki, yeni kupe variantı istehsala buraxılacaq. Bundan başqa, Toyota-nın icraçı direktoru Akio istehsalda daha çox idmansayağı konstruksiyalara və emosional dizaynlara yer veriləcəyi barədə şirkətin vədini bir daha təsdiq etdi. Avtomobil yeni hibrid güc qurğusu ilə təchiz olunacaq. Həmçinin yeni IS seriyası üçün də nəzərdə tutulmuş bu güc qurğusu LF-CC-in öz sinfində ən effektiv avtomobil olmasını təmin edəcək.

2013 Nissan Juke Nismo
Bu, Nissan-nın Juke Nismo sportkarlar seriyasından ilk modeldir. 2011-ci ildə Tokio motor-şousunda Juke Nismo ideyası gülüşlə qarşılandı, amma şirkət təmsilçiləri təqdimatdan dərhal sonra bu avtomobili istehsala buraxmaq qərarında israrlı idilər. Juke Nismo-nun kapotunun altında 1,6 litr həcmli mühərrik quraşdırılacaq. Birbaşa yanacaqçiləmə sistemi ilə təchiz olunacaq dörd silindrli mühərrikin gücü turbokompressorlar sayəsində artmış olacaq. Bu modeldəki yeniliklər barədə başqa məlumat verilmir. Bununla belə, Nissan markalı avtomobillərin pərəstişkarları yeni avtomobilin idman asqısı, daha möhkəm amortizatorlar və daha sərt yaylarla, habelə modernləşdirilmiş sükanla təchiz olunacağını gözləyirlər.

2013 Audi RS 5 Cabrio
Audi RS 5 kupesi bu yaxınlarda satışa daxil olub. Bir çox avtomobil həvəskarları onun sükanı arxasına keçmək imkanına hələ də malik olmadıqları bir vaxtda bu kupeyə Audi RS 5 kabrioleti də əlavə olunacaq. Audi RS 5 Cabrio ilk dəfə Paris avtoşousunda nümayiş etdiriləcək. Yeni avtomobil kuzovunun eleqantlığı ilə seçilir. Şübhəsiz ki, o, gələn il üçün buraxılması planlaşdırılan analoji modellər arasında alıcıların ən çox arzu etdiyi üstü qatlanan avtomobil olacaq. Kupe versiyası kimi, o da 4,2 litr həcmə və 450 at gücünə malik V8 mühərriki ilə təchiz olunacaq. Qeyd edək ki, Audi RS 5 Cabrio modeli 5 saniyədən də az müddətdə 100 km/saat sürət yığmağa qadirdir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.