Orta tonnajlı yük avtomobili Hyundai HD-120

Просмотров: 6300
Orta tonnajlı yük avtomobili Hyundai HD-120
  • Orta tonnajlı yük avtomobili Hyundai HD-120
  • Orta tonnajlı yük avtomobili Hyundai HD-120
  • Orta tonnajlı yük avtomobili Hyundai HD-120
  • Orta tonnajlı yük avtomobili Hyundai HD-120
  • Orta tonnajlı yük avtomobili Hyundai HD-120
  • Orta tonnajlı yük avtomobili Hyundai HD-120

Orta tonnajlı şəhər yük avtomobilləri sektorunda Koreyanın Hyundai konserni yeddi tonluq HD-120 modelini təqdim edir. Bu yük avtomobilinin hazırlanmasında Mitsubishi Fuso Bus & Truck firmasının mütəxəssisləri iştirak ediblər və beləliklə də, Hyundai HD-120 yapon etibarlılığı əldə edib.

Hyundai HD-120-nin şassisi üç variantda təklif olunur: Short, Long (Short-dan 850 mm uzun) və Extra Long (Long-dan 850 mm uzun). Hyundai-ın bütün digər texnikaları kimi bu avtomobil də MDB ölkələrinin istismar şəraitinə və yanacağa tam uyğunlaşdırılıb. Servis xidməti baxımından tələbkar deyil. Nadir hallarda xarab olur və xidmətin qiyməti münasibdir.

Hyundai HD-120 modelinə 6,6 litr həcmə və 225 at gücünə malik mühərrik quraşdırılır. 80 km/saatdan 100 km/saatadək sürətlə hərəkət zamanı “boş” (“yüksüz”) rejimində yanacaq sərfi 100 km məsafəyə 17 litr təşkil edir. Bundan əlavə, yüklənmiş halda trasda 89-90 km/saat sürətlə hərəkət zamanı yanacaq sərfi 20-21 litr təşkil edir, 60-70 km/saat sürətlə hərəkət zamanı isə 18-19 litr təşkil edir ki, bu da məqbul göstərici hesab edilə bilər. Mühərrik avtomobilin öhdəsindən yaxşı gələ bilir. Hətta yüklənmiş vəziyyətdə HD-120 beşinci sürətdə dik yerlərə rahat çıxa bilir. Mühərrik beş pilləli mexaniki transmissiya ilə tandemdə işləyir. Güc aqreqatlarının istismarının statistikası müsbətdir. Qış mövsümündə istismarla bağlı hər hansı xüsusi iradlar yoxdur.

Hyundai HD-120-nin kabinəsində lüzumsuz dəbdəbə yoxdur, əvəzində kifayət qədər komfortluluq və erqonomiklik var. Burada sürücü üçün yaxşı şərait yaradılıb. Kabinə üçyerlikdir, orta oturacaq qatlanır. Yataq yeri də var, amma gövdəli sürücülər üçün yataq rəfinin eni bir qədər çox olmalıdır. Sükan sütununu tənzimləmək mümkündür, sükan hidrogücləndirici ilə təchiz olunub. Kabinədə rəqəmli saatlar və iki dinamikli maqnitola quraşdırılıb. Ön panelin hazırlandığı material qismən ağac materialı təəssüratını yaradır ki, bu da interyeri daha yaxşı göstərir.

Ön və arxa tərəfdə ressorlu asqılar köndələn dayanıqlığın stabilizatorları ilə təchiz olunub ki, bu da döngələri inamla dəf etməyə imkan verir.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.