Nissan Juke - Test-drive

Просмотров: 2649
Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive
  • Nissan Juke - Test-drive

İstəsək də, istəməsək də, bu dünyada hər şey barədə hərənin öz rəyi var. Məsələn, Nissan Juke barəsində sual versək, insanlar öz fikrini deyəcək, hərçənd ki, onların çoxu onun salonunda əyləşməyib, onların arasında sürücü oturacağında əyləşənlərin sayı isə daha azdır. İnsanların təbiəti belədir. Mən də onlardan fərqlənmirəm. Juke avtomobilini görən kimi məndə onun haqqında o qədər də yüksək rəy yaranmadı (dizayn, keçid qabiliyyəti, geniş məkan, dinamika). Amma xarici görünüş əsasında avtomobil haqqında rəyin formalaşması başqa şeydir, onu idarə etdikdən sonra yaranan rəy isə başqa. Testdən sonra Juke mənim nəzərimdə yüksəldi.

Məni daha çox mühərriklə variatorun tandeminin necə işləməsi maraqlandırırdı. Qeyd etməliyəm ki, Nissan-ın variatoru əla işləyir. İstehsalçılar adətən variatoru əllə idarəetmə rejimi, bəzən də sükanın altında sürət pillələrini dəyişmə imkanları ilə təchiz edirlər. Juke modelində belə şey yoxdur. Qənaətcillik və ya yaxşı sürətyığma problemləri burada birdən-birə üç müxtəlif üsullarla həll olunur.

Birincisi, “dinamik nəzarət” rejimlərindən birini (“ekonom”, “normal” və “sport”) seçmək olar. Əgər hərəkət sürətini və qaz pedalına basma dərəcəsini dəyişməz halda saxlasaq, “ekonom” rejimindən “normal” rejiminə keçid mühərrikin fırlanma dövrələrini təxminən 1000 vahid artırmış olacaq, “normal” rejimindən “sport” rejiminə keçid isə bu göstəricini təxminən 1500 vahid artıracaq. Yəni klavişləri adicə basmaqla avtomobili ya dinamik, ya da qənaətcil hala gətirmək olar.

İkinci üsul intuitiv olaraq ən asan başa düşülən üsuldur: o, qaz pedalının basılması ilə əlaqədardır. Pedalı qəflətən basarkən mühərrikin fırlanma dövrələrinin sayı sürətlə artır, əgər pedalı “müqavimət nöqtəsindən” aşağı sıxsaq, daha yaxşı sürətyığma göstəricisinə nail ola bilərik. Yeri gəlmişkən, qazın bərk basılması “ekonom” rejimində də işə yaxşı yarayır.

Üçüncü üsul isə ən sadə və tətbiqetmə baxımından ən sürətli üsuldur: variatorun dəstəyində “sport” düyməsi var. Qeyd edək ki, ən yüksək sürətyığma göstəricisinə nail olmaq üçün paneldə “sport” rejimini işə salmaq, variatorun dəstəyində “sport” düyməsini basmaq və qaz pedalını döşəməyə qədər kəskin şəkildə basmaq lazımdır. Əlbəttə, bu əməliyyatlar sayəsində Juke soprtkara çevrilməyəcək, amma trasda bu üsulla qarşıdakı avtomobili ötmək xeyli asan olacaq. Bu, sınaqdan keçirilib. Lakin avtomobilin ən komfortlu, rahat hərəkəti o zaman alınır ki, avtomobildən qədərindən artıq şey tələb etməyəsən, sadəcə, sabit sürətlə irəliləyəsən. Hər halda mənim fikrimcə, Juke adi şəhər avtomobilidir.

Nissan-ın yaxşı mənada hüdudları aşan cəsarəti məni heyran edir. Praktiki olaraq, konseptual avtomobili bazara buraxmaq bahalı işdir. Əminəm ki, bu avtomobilə heç kəs biganə qalmayacaq. O, avtomobil həvəskarlarını iki qismə ayıracaq: bir qismi onu qətiyyən bəyənməyəcək, digər qismi isə, əksinə, onu son dərəcə bəyənəcək. Bəli, zəif hisslər və emosiyalar bu avtomobil üçün deyil, onun səviyyəsi maksimal mövqe tələb edir. Onu təsvir etmək üçün istedad gərəkdir, buna görə də burada onun təsvirini verməyəcəyəm. Ən yaxşı yol avtosalona gəlib onu görməkdir.

Haradasa oxumuşam ki, Nissan Juke avtomobilində ortada oturacaqların arasındakı konsol motosikletin benzin çənini xatırladır. Bu, həqiqətən, belədir, üstəlik, o, parıldayana qədər cilalanıb. Bu, avtomobilin salonuna keçərkən gözümə sataşan ilk detal oldu. Avtomobili salonun ətrafında sürürəm. Yolun ilk metrlərində ön sərnişinin oturacağında asqının sərtliyini hiss etmək olur. Bunu sükan idarəetməsindən də hiss etmək mümkündür. Asqının yetərincə sərt olmadıqda 180 millimetrlik klirenslə yaxşı idarəetməyə nail olmaq real deyil. Hiss olunur ki, avtomobil yaxşı yol örtüyü üçün nəzərdə tutulub, amma o, bizim yol şəraitində də salondakılara xüsusi narahatlıq yaratmır.

Salon çoxsaylı dizayn variantları ilə diqqəti cəlb edir və qeyd etmək lazımdır ki, salonda olmaq çox xoşdur. Dəri oturacaqların qırmızı tikişli sırıqları nəyə desən dəyər, həmçinin qapıların qeyri-adi formalı dəstəklərini çox bəyəndim. Sutkanın qaranlıq saatlarında cihazların işıqlandırılması və mühərrikin yuxarıda qeyd edilən rejimləri xüsusilə rahatlıq yaradır. Onlar ilk baxışdan göründüyü qədər sadə deyil, burada çoxlu maraqlı və cəlbedici funksiyalar var. Kresloların profili yaxşı təyin olunub, belə ki, onlar oturacaqda əyləşən insanın bədənini rahat saxlayır. Təəssüf ki, sükan çarxı yalnız maillik bucağına görə tənzimlənir, bununla belə, mən sükanın arxasında yerimi rahatlaya bildim. Əla “cip” güzgüləri və ön yarımdairədə görmə imkanları heç bir irad doğurmur. Avtomobil, həqiqətən, idmansayağı davrana bilir və sükan çarxının hərəkətlərinə yaxşı reaksiya verir. Gur şəhər axınında özünü rahat hiss edirsən, həqiqətən, layiqli avtomobildir.

Mən Nissan Juke avtomobilinə kənardan, təxminən 30 metr məsafədən baxdım. Məhz bu nöqtədən onun çox maraqlı görünüşü var. Arxa qapılar (daha dəqiq desək, onların dəstəkləri) kupeyə bənzəyir, dar pəncərələr, əyilmiş formalı dam örtüyü, iri kapot hissəsi – bütün bunlarda nəsə gizli bir aqressivlik duyulur və məhz, bu keyfiyyət diqqəti özünə cəlb edir. Mən çoxdandır ki, digər sürücülərin diqqətini bu qədər cəlb edən avtomobil görməmişdim. Hər bir işıqforun yanında, hər bir döngədə görürdüm ki, yaxınlıqdakı sürücülərdən kimsə pəncərə şüşəsini aşağı salıb idarə etdiyim avtomobilə baxır, hətta mənə sual vermək istəyənlər də vardı. Görünür, Nissan yenə də hədəfi düz nişan alıb və yəqin ki, Juke modelinin satışı sürətlə gedəcək.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.