Nissan-dan yeni avtomobil: Nissan Invitation

Просмотров: 1593
Nissan-dan yeni avtomobil: Nissan Invitation
  • Nissan-dan yeni avtomobil: Nissan Invitation
  • Nissan-dan yeni avtomobil: Nissan Invitation
  • Nissan-dan yeni avtomobil: Nissan Invitation
  • Nissan-dan yeni avtomobil: Nissan Invitation
  • Nissan-dan yeni avtomobil: Nissan Invitation
  • Nissan-dan yeni avtomobil: Nissan Invitation
  • Nissan-dan yeni avtomobil: Nissan Invitation

2013-cü ilədək Nissan-nın Avropa modelləri sırasına kompakt ölçülü B-class avtomobili əlavə olunacaq. Bu avtomobilin timsalında yapon şirkəti ekoloji standartlar və təhlükəsizliyin təminatı sahəsində yeni ideyaları gerçəkləşdirmək niyyətindədir. Nissan Invitation adı verilmiş seriyalı modelin prototipinin dünya premyerası Cenevrə avtosalonu çərçivəsində baş tutacaq.

İlk fotoşəkillər əsasında demək olar ki, Invitation konsepti MDB-də geniş populyarlığa malik olan kompakt Nissan Note modelinin xələfidir. Yapon avtomobil istehsalçısının konseptual modelinin Nissan Note avtomobillərindən fərqi ilk növbədə yaraşıqlı dinamik xarici görünüşdədir. Xüsusən geniş havaçəkən, ön bamperə inteqrasiya olunmuş işıq-diod lampalarının zolağı, yan tərəflərdə nəfis elementlər, relyefli təkər tağları, radiator barmaqlıqlarını əhatələyən effektli, aqressiv faralar, habelə arxa diffuzor və səsboğucu sisteminin iki borusu diqqəti cəlb edir.

Yeni avtomobilin məziyyətləri sırasına salonu da aid etmək lazımdır. Burada praktikilik, yapon mühəndislərin detallara xüsusi diqqət yetirməsi, yüksək keyfiyyət, müasir və hərtərəfli düşünülmüş texnoloji həll variantları nəzərə çarpır. Məsələn, istehlakçılara firma istehsalı olan AVM (Around View Monitor) dairəvi görmə sistemi təklif olunacaq. Bu sistem bu yaxınlarda kompakt Nissan Qashqai krossoverində debüt edib.

Yeni sistem arxa tərəfi göstərən bayır güzgülərdə, radiator barmaqlığında və baqaj bölməsinin qapısında  yerləşdirilmiş dörd kameranın vasitəsilə bayırdakı görüntüləri avtomobilin salonundakı sensor displeyə ötürür. Bu sistemin sayəsində sürücü avtomobilin ətrafını “quş uçuşu hündürlüyündən” 360 dərəcədə görmək imkanına malik olur. Bundan başqa, hər bir kameranın qeydə aldığı görüntülər eyni vaxtda displeyə ötürülə, habelə maneədən yan keçmək üçün düzgün trayektoriya displeydə əks oluna bilər.

Avtomobilə hansı güc aqreqatlarının quraşdırılacağı barədə dəqiq məlumat yoxdur. İstisna deyil ki, ona 1,2 litr həcmə və 98 at gücünə malik olan mexaniki kompressorlu 3 silindrli DIG-S mühərrik quraşdırılacaq. Böyük ehtimalla, bu modifikasiya yeganə olmayacaq.

Avtomobilin xarici görünüşü belə düşünməyə əsas verir ki, istehsalçı həmçinin gücləndirilmiş versiya da təklif edəcək. Əldə edilmiş məlumatlara əsasən, atmosferə buraxılan karbon qazının miqdarı 100 q/km-dən az olacaq.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.