Nissan Altima: Nissan lüks sedanının yeni nəsli

Просмотров: 3114
Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli
  • Nissan Altima: Nissan lüks sedanının yeni nəsli

Nyu-Yorkda orta ölçülü Nissan Altima sedanının yeni nəsli təqdim edildi. Yeni avtomobil 2013-cü ilin modeli olsa da, satışların başlanğıc tarixi kimi 2012-ci ilin yayı göstərilir. Yenilənmiş Altima iki mühərrik və səviyyəli təchizatla təklif olunur. Eksteryerdəki və interyerdəki dəyişikliklər o qədər ciddidir ki, əvvəlki versiyalar yeni versiya ilə müqayisəyə gəlmir. Dizayn daha yaraşıqlı və idmansayağı şəkil alıb.

Yeni nəslin xarici görünüşü faktiki olaraq yenidən hazırlanıb. Sedanın görkəmi rəvan və dinamik alınıb. Nissan Altima yeni dizaynlı radiator barmaqlığı, optika və bamper əldə edib, arxa hissədə isə fənərlər dəyişikliyə uğrayıb, SL komplektasiyası üçün işıq-diod texnologiyasından istifadə edilib. Alıcı sedanın kuzovunun rəngini ona təklif olunan səkkiz variantın arasından seçə bilər. Qapıların dəstəkləri və qapı şüşələrinin kənarlarındakı haşiyələr xromla işlənib. 

Avtomobil hazırlanarkən kuzovun əvvəlki proporsiyaları saxlanılıb, yalnız eyni oxda yerləşən təkərlər arasında məsafə 35 mm artıb. Yeni Nissan əvvəlki modifikasiya ilə eyni platformada hazırlanıb. Zahirən yeni Altima fərqli radiator barmaqlığı, yenilənmiş işıqları və fərqli qabaq bamperi ilə seçilir.

Təkmilləşdirilmiş biznes-klass sedanının arxa tərəfindəki dəyişikliklərə gəlincə, burada baqaj bölməsinin yeni damı, işıq-diod optikası və əlbəttə ki, yeni arxa bamper diqqəti cəlb edir. Onlar əvvəlki versiya ilə eyni üslubda hazırlanıb. Sedanın arxa dayağı nahiyəsində Teana modelindəkini xatırladan kiçik pəncərə peyda olub.

Aerodinamik müqavimət əmsalı 0,299-dək azaldılıb. Altima 2013-ün uzunluğu 4860 mm, eni təxminən 183 sm, hündürlüyü 147 sm-dir. Təkər bazasının uzunluğu 277 sm təşkil edir. Minimal komplektasiyada Nissan Altima 16 düymlük polad disklərlə təchiz olunur, onların üzərinə 215/60 R-16 ölçülü şinlər taxılır. Bundan başqa, opsional qaydada 17 düymlük yüngül lehimli disklər də təklif olunur. 6 silindrli mühərriki olan top-versiyalar üçün 18 düymlük yüngül lehimli disklər və 235/45 ölçülü aşağı profilli şinlər nəzərdə tutulub.

Yeni Nissan Altima üçün baza mühərriki qismində 2,5 litr həcmi olan dörd silindrli 16 klapanlı mühərrik nəzərdə tutulub. Onun qüvvəsi 182 at gücü, fırlanma momenti 243 Nm təşkil edir. Bu mühərrikin quraşdırıldığı sedanın 100 km məsafəyə sərf etdiyi yanacaq şəhər rejimində 8,7 litr, şose yolunda 6,2 litr, qarışıq rejimdə isə 7,6 litr təşkil edir.
Yeni Nissan Altima-nın top-versiyasına “V” formasında yerləşdirilmiş altı silindri olan aqreqat quraşdırılır. Bu mühərrikin qüvvəsi 270 at gücü, fırlanma momenti 350 Nm təşkil edir. Onun yanacaq sərfiyyatı heç də çox deyil, 100 km məsafəyə sərf olunan yanacaq şəhərdə 10,7 litr, trasda 7,8 litr, qarışıq rejimdə isə 9,4 litrdir. Yanacağın qənaətlə işlədilməsinə yeni Xtronic variatoru da öz töhfəsini verir.

Altima 2013-ün dəri və ağac materialla işlənmiş təmtəraqlı interyerində ilk növbədə çoxfunksiyalı sükan, metal çərçivəyə alınmış iri mərkəzi konsol və yeni cihazlar paneli diqqəti cəlb edir. Cihazlar paneli naviqasiya məlumatlarını əks etdirən 7,0 düym ölçülü və 3D effektli displeylə təchiz olunub (Advanced Drive-Assist). İnformasiya-əyləncə sistemini sükandakı düymələr və ya səs göstərişləri vasitəsilə idarə etmək olar.

Sedan Bose premium-klass akustika sistemi ilə təchiz olunub. Bundan başqa, Yeni Nissan Altima-da çoxlu təhlükəsizlik yastıqları, nəqliyyat axınına nəzarət sistemi, şinlərdəki təzyiqə nəzarət sistemi və arxa görüntü kamerası quraşdırılıb.

Avtomobil “sıfır qravitasiyalı oturacaqlarla” təchiz olunacaq. Bu oturacaqları hazırlayanların sözlərinə görə, onlar sürücünün və sərnişinin əzələlərinin və onurğa sütununun üzərinə düşən gərginliyi azaldır və qan dövranını yaxşılaşdırır.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.