Müxtəlif ölkələrin qeyri-adi taksiləri

Просмотров: 1976
Müxtəlif ölkələrin qeyri-adi taksiləri
  • Müxtəlif ölkələrin qeyri-adi taksiləri
  • Müxtəlif ölkələrin qeyri-adi taksiləri
  • Müxtəlif ölkələrin qeyri-adi taksiləri
  • Müxtəlif ölkələrin qeyri-adi taksiləri
  • Müxtəlif ölkələrin qeyri-adi taksiləri

Taksi, sözün əsl mənasında qədim nəqliyyat növüdür. Fərdi daşımalar üçün ilk arabalar hələ Qədim Romada istifadə olunurdu. 
Nə qədər qəribə görünsə də, həmin arabalarda sayğac da vardı. Belə ki, təkərin oxuna içərisində daşlar olan ləyən bərkidilirdi və hərəkət etdikcə daşlar ətrafa tökülürdü. Mənzil başına çatanda ləyəndə nə qədər daş qalırdısa sərnişinin cibi də ona uyğun olaraq boşalırdı. Bu sistem çoxdan tarixə qovuşsa da, planetin müxtəlif guşələrində qeyri-adi taksilərdən hələ də istifadə olunur.

Məsələn, Çilinin paytaxtı Santyaqonun taksi parkında inək üslubunda düzəldilmiş doqquz avtomobil var. Taksinin həm içərisinin, həm də çölünün rəngi ağ-qara xallı inəyin rəngi kimidir, adi siqnalın əvəzinə isə bu avtomobillər inək böyürtüsünün səsini çıxarır.

Londonda 2012-ci ilin Olimpiya oyunlarında konservativ taksilər arasında başqalarından fərqlənən qeyri-adi birisi peyda oldu. İşgüzarlığı ilə seçilən xanım Cennifer Tetteyə məxsus olan bu taksi digərlərindən onunla fərqlənir ki, daşıma xidmətləri göstərmir, amma gecələmək üçün yer kimi istifadə edilə bilər. Arxa oturacaqda yataq yeri salınıb, içəridə daim kondisioner və soyuducu işləyir və bundan əlavə, taksinin sakinlərinə iPad təqdim edilir. Bu London "taksi-otelində" bir gecə qalmağın qiyməti 60 funt sterlinqdir (75 manat).

Yeri gəlmişkən, qeydiyyata alınmış bütün Britaniya taksilərinin siyahısına nəzər salsanız, orada çoxlu sayda superkarların olduğunu görüb heyrətlənəcəksiniz. Bəs niyə onlar London küçələrində görünmür? Bu sualın cavabı sadədir. Londonda taksilərdən, praktiki olaraq, vergi tutulmur, bun görə də superkar sahibləri güclü mühərrikə görə xeyli məbləğ ödəməmək üçün bu kələyə əl atırlar.

Bununla belə, müxtəlif ölkələrdə təmtəraqlı taksilərə rast gəlmək mümkündür. Bunlar həm Porsche 911, həm Lotus Esprit, həm də Bentley Continental GT ola bilər. Rusiya paytaxtında isə bu yaxınlarda Maybach 62 taksisi peyda olub. 190 manat ödəməklə bu taksidə gəzmək olar.

Bir hindli taksi sahibini də diqqətdən qaçırmaq olmaz. Onun taksisinin özəlliyi bundadır ki, bu taksi geriyə hərəkət edir. Bir dəfə onun Tata avtomobilində sürət qutusunun rıçaqı pərçimləndi, amma bu, onun həmin gün işə çıxmasına mane olmadı. Elə bu gün də onun taksisində geriyə doğru hərəkət etmək üçün yerli sakinlər və turistlər növbəyə düzülürlər.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.