Müğənni Elnarə Xəlilova ilə...

Просмотров: 3791
 Müğənni Elnarə Xəlilova ilə...
  •  Müğənni Elnarə Xəlilova ilə...
  •  Müğənni Elnarə Xəlilova ilə...
  •  Müğənni Elnarə Xəlilova ilə...
  •  Müğənni Elnarə Xəlilova ilə...
  •  Müğənni Elnarə Xəlilova ilə...
  •  Müğənni Elnarə Xəlilova ilə...

İşlərinin çoxluğu, operativliyin təmini, məşhurluq ictimai şəxslərin fərdi avtomobilinin olmasına sövq edən obyektiv səbəblərdəndir.

Söz yox ki, avtomobilin olması özü bir aləmdir. Hər avtomobil sahibinin öz tarixçəsi var. “Avtomobil.az” olaraq sizləri "Ulduz" rubrikamız vasitəsilə tanınmış insanların avtomobil tarixi ilə tanış edirik. Rubrikamızın budəfəki qonağı şou-biznesin çoxuşaqlı anası kimi tanınan, müğənni, aktrisa Elnarə Xəlilovadır.

Sürücülük vəsiqəmi özüm almışam
Avtomobili öyrənməyim çox tez başa gəldi. İlk dəfə şəxsi sürücüm mənə avtomobil idarə etməyi öyrədib. 2001-ci ildə cəmi 3 gün təlim maşını sürdükdən sonra təlimçi qayıdıb dedi ki, "bacı, sən hazır şofersən, get vəsiqəni al"(gülür). Özüm imtahan verərək, sürücülük vəsiqəmi əldə etdim.

Ən sevdiyim avtomobilləri hələ ala bilməmişəm
Hazırda "Hundai Santa Fe" avtomobili idarə edən Elnarə xanımın ən sevdiyi avtomobil brendləri Lambarghini, Mazeratti, Ferrari-dir.

Mənim üçün avtomobilin dəyəri
Bir çoxları üçün avtomobilin maddi və mənəvi dəyəri çox yüksəkdir. Yaşadığı müddətdə daim avtomobil üçün çalışan xeyli insan tanıyıram. Lakin məncə, avtomobilə qarşı olan maraq fanatiklik dərəcəsində olmamalıdır. Şəxsən mənim üçün avtomobil yalnız nəqliyyat vasitəsi rolunu daşıyır.

Avtobus sürücüləri adamı boğaza yığır
Avtomobil idarə edərkən ən sevmədiyim məqam avtobus sürücülərinin özbaşınalığı, kobud şəkildə qaydaları pozmasıdır. Hətta işıqfora da məhəl qoymurlar. Əgər işıqforda qırmızı işıq görsənirsə, hətta onların keçmə ehtimalı da var və çox vaxt da bu olur. Nəzərə almırlar ki, onlar nəinki öz canlarına, digərlərinin də həyatına bais ola bilərlər.

Sürəti sevirəm
Sürət - bu söz tabuları aşmaq kimi bir ifadədir. Lakin sonluğun faciəvi yekunlaşma ehtimalının yüksək faiz təşkil etməsi bu istəyə təbii şəkildə son qoyur. Ən azından öz ailənin, sevdiklərinin xətrinə çalışıb sürət həddini aşmamaq lazımdır.

Avtomobilin idarəsini yalnız doğmalarıma həvalə edirəm
"İllərdir  mənim növbədən kənar sürücüm həyat yoldaşımdır. Heç maaş da vermirəm", -deyən Elnarə xanım gülür. Əsasən avtomobilin idarəsini həyat yoldaşına həvalə edən Elnarə  xanım nadir hallarda digərlərinə güvənir. "Əgər ehtiyac olarsa, yalnız avtomobil idarəsini yaxşı bacaran doğmalarıma inana bilərəm".

Unudulmaz Murov səfəri
"Bu zamana qədər avtomobillə çıxdığım ən yaddaqalan, adrenalin dolu səfərim Murova olub. Demək olar ki, hər 5 dəqiqədən bir kəlmeyi-şəhadətimi deyirdim. Murovun ən yüksək zirvələrində olan hərbi hissəyə gedirdik. Yoldaşım da yanımda idi, lakin o zaman evli deyildik. Bu hadisə təxminən 7-8 il əvvəl olub. Çox dəhşətli mənzərə idi. Yol o qədər ensiz idi ki, yalnız bir avtomobil idarə etmək mümkün idi. Yolun kənarı uçurumla əhatələnmişdi. Buz bağlamış yolda hər an qəza etmə ehtimalı vardı və o qəzanı yaşadıq. Hamı avtomobili tərk etdi, mənlə Rövşəndən (həyat yoldaşı) başqa. Avtomobil aşsa da düşmək istəmirdim. Yoldaşım birtəhər məni razı saldı, avtomobili tərk etdik. Sonra digər yoldaşların da köməyi ilə maşını təzədən yola çıxartdıq. Şükürlər olsun ki, bir gizir qarşımıza çıxdı. Və zirvəyə qədər bizi apardı. Heç demə, buzlu yolda minimum 80 km/saat sürətlə hərəkət etmək gərək imiş. Əgər ehtiyat edərək az sürətlə, əyləcə basaraq getsən, mütləq avtomobilin aşma ehtimalı olar. Ora qalxmağımız bir tarix olduğu kimi, enməyimiz də bir o qədər həyəcan dolu anlarla xatirəmdə qaldı".

Müğənni xanımın sürücülərimizə tövsiyələri də oldu
Sürücülərimiz çalışıb, maksimum dərəcədə ehtiyatlı olsunlar. Çünki hər bir sürücü dərk etməlidir ki, o nəinki, öz həyatına cavabdehdir, həmçinin digər insanların da taleyini düşünməlidir. Və ən başlıcası, avtomobil idarə edən kəs mütləqdir ki, mədəniyyətli olsun, etik qaydalara riayət etsin. Çünki elə olur ki, cəmi bir dəqiqə irəli keçmək üçün ölüm-dirim mübarizəsinə çıxırlar. Biri var "xam sürücü", biri də var mədəniyyətsiz sürücü. Gərək avtomobil idarəçisi bu məqamlara diqqət ayırsın, güzgülərlə işləsin, kiminsə əsəblərini korlamaq lazım deyil. "Sürücülük və sürət həddini" aşmamaq lazımdır. Allah hər kəsi xətadan-bəladan hifz etsin.

Müsahibəyə və səmimi münasibətinizə görə öz təşəkkürümüzü bildiririk.

Fəridə Abdıyeva

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 2

AVATAR
AVATAR
Efqan
fanatiniz efqan
AVATAR
Efqan
elnare xanim supersiz masininizda superdi