Mitsubishi Pajero IO

Просмотров: 16174
Mitsubishi Pajero IO
  • Mitsubishi Pajero IO
  • Mitsubishi Pajero IO
  • Mitsubishi Pajero IO
  • Mitsubishi Pajero IO
  • Mitsubishi Pajero IO

Mitsubishi Pajero IO tam ötürücülü kompakt krossoverdir, Mitsubishi Motors tərəfindən 1998-ci ildən istehsal olunub. O həm şəhər kənarına yollanarkən, həm də dar şəhər yolları şəraitində manevr üçün rahatdır.

1998-ci ildə Yaponiyada kiçik Pajero IO krossoveri buraxıldı. Onun dizaynını Mitsubishi şirkətinin sifarişi ilə İtaliyanın kuzov atelyesi Pininfarina hazırlamışdı. Bir ildən sonra bir qədər modernləşdirilmiş avtomobili İtaliyada Industrie Pininfarina zavodunda Pajero Pinin adı ilə yığmağa başladılar. (“Pinin” italyanca “balaca”, “bəstəboy” deməkdir, “Pininfarina” atelyesinin yaradıcısı Covanni Farinanı uşaqlıqda belə çağırırdılar). 2000-ci ilin payızında üçqapılı modifikasiyaya təkər bazası 17 sm uzadılmış beşqapılı versiya əlavə olundu ki, bu da alıcıların nəzərində modelin dəyərini xeyli qaldırdı (genişlik, xeyli baqaj yerləşdirmək imkanı və s. ilə əlaqədar olaraq). Amma bütün bunlar hələ başlanğıc idi...

Bəs bu avtomobil necə ərsəyə gəldi? Ötən əsrin sonunda aydın oldu ki, sadə idarəetməni, sedan komfortunu və nahamar yerlərlə effektiv hərəkət etmə qabiliyyətini özündə birləşdirən yeni kompakt modellər tələb olunur. Bu model kompakt ölçüləri, salonunun praktikliyi və asfaltdan kənarda hərəkət zamanı komfortu ilə seçilir. Mini-ofrouder öz tarixi vətənində dərhal populyarlıq qazandı, sonra isə Cenevrə avtosalonunda dünya avtomobil ictimaiyyəti onunla yaxından tanış oldu. Həmin avtosalonda nümayiş etdirilən model konstruksiyasına görə -nun analoqu olan Pajero Pinin modeli idi.

Böyük Pajero ofrouderlərinin “kiçik qardaşı” Pajero modellərinin üslubunu bütünlüklə, amma bir qədər kiçik ölçülərdə mühafizə edib. Ön və arxa bamperlərin forması bir qədər dəyişdirilib. Pajero -nun kifayət qədər yaxşı və düşünülmüş interyeri var. İlk baxışdan belə fikirləşmək olar ki, bu kiçik avtomobilin salonu, yəqin ki, darısqal və narahat olar. Amma belə deyil. Avtomobil geniş və rahatdır. Belə ki, onun ölçülərinin kiçikliyi sürücünün yerinin erqonomikasına və avtomobilin avadanlıqlarına təsir göstərməyib. Əlbəttə, avtomobil çoxlu sərnişinlərin daşınması üçün nəzərdə tutulmayıb, amma kiçik ailə üçün tamamilə kifayət edər. Arxada uşaqları yerləşdirmək olar, yaxud kresloları qatlasan, baqajı arxaya qoymaq olar. Hər bir arxa oturacağın kürək hissəsinin maillik bucağını tənzimləmək mümkündür. O qədər də böyük olmayan baqaj yerinin əlavə orqanayzer-zirzəmisi var. Ümumiyyətlə, Pajero -nun salonunda kiçik cibliklərin və yeşiklərin sayı çoxdur.

Mitsubishi Pajero IO avtomobilinə iki növ mühərrik quraşdırılır: birbaşa yanacaqçiləmə sistemi ilə təchiz olunan 136 at güclü, 2.0 litr həcmli GDI seriyalı 4G94 və adi yanacaqbölüşdürmə sistemi ilə təchiz olunan, 116 at güclü, 1.8 litr həcmli ECI-Multi seriyalı 4G93 mühərrikləri. Birinci mühərrik avtomat transmissiya ilə yanaşı, mexaniki transmissiya ilə də tandem təşkil edə bilər. İkinci mühərrik isə yalnız 4 pilləli avtomat transmissiya ilə tandemdə işləyir.

Yeri gəlmişkən, GDI seriyalı mühərriklər qənaətcil olmaqla, ətraf mühit üçün daha təhlükəsizdir.

IO avtomobilinə iki növ transmissiya quraşdırılır: ya Fulltime 4WD (Super Select sistemi ilə), ya da Easy-Select sistemi (tam ötürücü ilə, bloklanan differensial və demultiplikatorla).

Pajero IO kiçik olsa da, ofrouder xüsusiyyətlərinə malikdir, bu isə avtomobilin çətin keçilən yerləri rahat dəf etməsinə imkan yaradır. Elastik asqı, avtomobilin uzunluğu və təkər bazasının uğurlu nisbəti narahat yerlərlə komfortlu hərəkəti təmin edir və kiçikliyinə baxmayaraq, Pajero IO-nun böyük Mitsubishi Pajero modellərindən geri qalmadığını əyani surətdə təsdiqləyir.

Beləliklə, Mitsubishi Pajero IO yüksək keçid qabiliyyətinə malik olan kiçik qabaritli avtomobildir və öz sinfinə aid olan avtomobilləri bir çox parametrlərinə görə üstələyir.

Mitsubishi Pajero Pinin Yaponiyanın Mitsubishi şirkətinin məhsuludur. 15 iyun 1998-ci ildən üçqapılı kuzovla, 24 avqust 1998-ci ildən isə beşqapılı kuzovla buraxılır. Bəzi ölkələrdə Pajero iO, Montero iO, Shogun Pinin, Pinin adları ilə tanınır. 2002-ci ildən lisenziya ilə Braziliyada Pajero TR4  adı ilə istehsal olunur.
 

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 1

AVATAR
AVATAR
Bayram
axwaminiz xeyir , men mawinin monitorunda saati deise bilmirem . ve ancaq naviqator yaponiya xeritesinde qalib eger mumkunse komey ede bilersiniz mene, nece deise bilerem saati ve xeriteni