Mitsubishi Outlander 2013: rəsmi premyera

Просмотров: 3450
Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera
  • Mitsubishi Outlander 2013: rəsmi premyera

2001-ci ildən 1 milyona yaxın nüsxəsi satılmış Mitsubishi Outlander krossoverlərinin iki nəsli bu avtomobilin üçüncü nəslini buraxmağın zəruri olduğunu sübuta yetirdi. Yeni avtomobilin debütü Cenevrə avtosalonunda baş tutdu. O artıq bu yay satışda peyda olacaq.

Yapon avtomobil sənayesinin yeni məhsullarını izləyənlər üçün Outlander-in yeni dizaynı sürpriz olmayacaq, belə ki, öncə vəd edildiyi kimi, yeni nəslin prototipi ilk dəfə ötən il Tokio motor-şousunda nümayiş etdirilmiş Mitsubishi Concept PX-MiEV modelidir. Konsept ilə seriyalı variantı müqayisə etsək, görərik ki, fərq o qədər çox deyil. Bunun səbəbi odur ki, payızda həmin motor-şouda ziyarətçilər sözügedən konsepti böyük ruh yüksəkliyi ilə qəbul etdilər və marketinq araşdırmalarının  nəticələri də uğurlu oldu. Yeni avtomobilin artıq bu ilin yayında satışda peyda olacağı gözlənilir.

Dizaynerlər bu ofrouderin üzərində işləyərkən onun təhlükəsizliyini, istifadəsinin sadəliyini və yüksək keçid qabiliyyətini vurğulamağa çalışıblar. Krossoverin səlis cizgilərə malik kuzovu, yaraşıqlı müasir optikası, yenidən işlənmiş bamperləri və yüngül xəlitəli təkər diskləri var. Ölçülərinə görə yeni avtomobil sələfindən seçilmir, belə ki, onun uzunluğu 4655 mm, eni 1800 mm, hündürlüyü 1680 mm, təklər bazası 2670 mm təşkil edir.

Əvvəlkitək interyeri təmtəraqlı adlandırmaq olmaz. Bununla belə, o, sadə şəkildə və zövqlə hazırlanıb. Daha keyfiyyətli plastik material parça və ya nisbətən bahalı versiyalarda dəri və alüminium detallarla uzlaşır. Outlander-in üçüncü nəsli beş və ya yeddi sərnişini daşıya bilər. Standart komplektasiyaya yolda müasir sürücü üçün zəruri olan hər şey, o cümlədən klimat-kontrol, audiosistem və naviqasiya sistemi daxildir.

Avropa bazarında yeni Mitsubishi Outlander iki versiya – benzin və dizel versiyası ilə təmsil olunacaq. Həcmi 2,0 litr olan MIVEC benzin motorunun gücü 150 at gücü, fırlanma momenti 195 Nm təşkil edir, həcmi 2,2 litr olan dizel aqreqatının analoji göstəriciləri isə 150 at gücü və 380 Nm-dir. Hər iki modifikasiyanı həm ön ötürücü, həm də tam ötürücü ilə sifariş etmək olar (tam ötürücü opsional qaydada təklif olunur). Benzin mühərrikli versiyalara 5 pilləli mexaniki transmissiya və ya variator, dizel mühərrikli versiyalara isə 6 pilləli mexaniki və ya avtomat transmissiya (avtomatik start-stop sistemi ilə) quraşdırılır.
Bir müddət sonra avtomobilin hibrid versiyası da buraxılacaq. Ona 2,0 litr həcmli benzin mühərriki və iki elektrik mühərriki quraşdırılacaq. Elektrik mühərrikləri ilə avtomobil 800 kilometrdən artıq məsafə qət edə biləcək. Hibridin atmosferə buraxdığı karbon qazının miqdarı 50 q/km təşkil edəcək.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.