Michelin-dən havasız Tweel təkərləri

Просмотров: 2413
Michelin-dən havasız Tweel təkərləri
  • Michelin-dən havasız Tweel təkərləri
  • Michelin-dən havasız Tweel təkərləri
  • Michelin-dən havasız Tweel təkərləri

Havasız Tweel təkərlərinin premyerasından yeddi il sonra Michelin bu məhsulun kommersiya satışlarına başladı. Belə ki, şirkət Şimali Amerika bazarı üçün buraxdığı frontal yükvuran avtomobilləri bu şinlərlə təchiz edir.

Kompaniyanın press-relizində deyilir ki, 12N16.5 X-Tweel SSL versiyası universal şinlərdir və konkret olaraq tikinti sahəsində, ərazilərin abadlaşdırılmasında, tullantıların daşınaraq aparılmasında və kənd təsərrüfatında istifadə olunan frontal yükvuran avtomobillərin çoxuna quraşdırıla bilər.

Yeni məhsul barədə danışarkən Michelin Tweel Technologies bölməsinin rəhbəri Tim Fulton bunları bildirib: "Bu, Michelin üçün çox əhəmiyyətli məqamdır. Bizim şirkət  Tweel konsepsiyasını təqdim etməklə bütün dünyanın diqqətini özünə cəlb edib və indi tikinti işləri, ərazilərin abadlaşdırılması ilə məşğul olanlar, yaxud yükvuran avtomobillərdən digər sahələrdə istifadə edənlər bu innovativ texnologiyadan gündəlik işlərində istifadə etmək və bu həll variantının üstünlüklərini şəxsən hiss etmək imkanı əldə edəcəklər".

Tweelpnevmatik şinlərə, ənənəvi disklərə və bütün zəruri klapanlara olan ehtiyacı aradan qaldırmağa qadir olan və vahid bir tam təşkil edən təkərdir. Bütövlükdə Tweel standart radial pnevmatik şinin 23 komponentini əvəz edə bilər. Onun konstruksiyası sərt və möhkəm təkər torundan (təkər toru poliuretandan hazırlanmış deformasiya oluna bilən elastik millər vasitəsilə təkərin xarici çevrəsinə (çənbərinə) birləşdirilib) və təkərin çənbəri üzərindəki rezin lentdən ibarətdir. Çənbərin özü iki təbəqəli poladdan ibarətdir, onların arasında isə rezin təbəqə var. Belə konstruksiya müxtəlif yüklərin ağırlığına yaxşı davam gətirməyə imkan verir. Belə ki, iş prosesində yuxarı təbəqə uzanır, aşağı təbəqə isə sıxılır.

Michelin-nin təmsilçiləri qeyd edirlər ki, frontal yükvuran avtomobillərin pnevmatik şinləri, bir qayda olaraq, ayda bir neçə dəfə sıradan çıxır. Boşdayanma müddətini qısaltmaq üçün bu avtomobillərin bir çox operatorları şinləri köpüklə doldurur və ya təkərlərə bütöv tökmə şinlər quraşdırırlar ki, bu da dartı qüvvəsinə, idarəetməyə və komfortluluğa mənfi təsir göstərir.

İstehsalçı şirkət əmin edir ki, Michelin X-Tweel SSL standart yığma təkərlərdən iki dəfə ucuz olacaq, amma əsas qənaət ondan ibarət olacaq ki, alıcılar təmirlərin, boşdayanma saatlarının sayını və avadanlıqlara çəkilən xərcləri azaltmağa, məhsuldarlığı yüksəltməyə nail olacaq və işləri vaxtında yerinə yetirməmək riskindən yaxa qurtaracaqlar.

Michelin X-Tweel SSL şinlərinin üstünlükləri onların universallığında, nasosdan istifadəyə ehtiyacın aradan qaldırılmasında və şinlərdəki təzyiqə nəzarət edilməməsindədir. Bundan başqa, belə təkərlər zədələrə daha az məruz qalır, istismar müddəti daha uzun olur, dartı qüvvəsinin artmasına və idarəetmənin yaxşılaşmasına şərait yaradır, habelə operatorun işinin komfortluluq səviyyəsini artırır. İstehsalçının bildirdiyinə görə, eyni qalınlıqda protektoru olan pnevmatik şinlərlə müqayisədə yeni şinlərin istismar müddəti iki-üç dəfə çoxdur.

Michelinilk dəfə 2005-ci ildə Şimali Amerika beynəlxalq avtosalonunda Tweel şinlərini təqdim edərkən bu məhsulun bir neçə versiyasını, o cümlədən milin avtomobilləri üçün nəzərdə tutulan versiyanı nümayiş etdirmişdi. Hələlik Michelin-nin verdiyi məlumata görə, yaxın perspektivdə Tweel şinləri yalnız yükvuran avtomobillər üçün buraxılacaq.

© 2013 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.