Məşhur Brabus tüninq atelyesi Mercedes-Benz ML 63 AMG-ni təkmilləşdirdi

Просмотров: 1561
Məşhur Brabus tüninq atelyesi Mercedes-Benz ML 63 AMG-ni təkmilləşdirdi
  • Məşhur Brabus tüninq atelyesi Mercedes-Benz ML 63 AMG-ni təkmilləşdirdi
  • Məşhur Brabus tüninq atelyesi Mercedes-Benz ML 63 AMG-ni təkmilləşdirdi
  • Məşhur Brabus tüninq atelyesi Mercedes-Benz ML 63 AMG-ni təkmilləşdirdi
  • Məşhur Brabus tüninq atelyesi Mercedes-Benz ML 63 AMG-ni təkmilləşdirdi
  • Məşhur Brabus tüninq atelyesi Mercedes-Benz ML 63 AMG-ni təkmilləşdirdi
  • Məşhur Brabus tüninq atelyesi Mercedes-Benz ML 63 AMG-ni təkmilləşdirdi

Almaniyanın Brabus tüninq atelyesinin mütəxəssisləri Essen avtosalonunda Mercedes-Benz ML 63 AMG modeli üçün yeni işlərini təqdim etdilər. Yüksək məhsuldarlıq nümayiş etdirən bu model dünyada ən təmtəraqlı və sürətli avtomobillərdən biri sayılır. Bununla belə, Brabus atelyesi onu daha da yaxşılaşdırmağı qərara aldı.
Məşhur tüninq atelyesinin hazırladığı təkmilləşdirmə paketinə bunlar daxildir: mühərrikin təkmilləşdirilməsi və gücünün artırılması, idmansayağı səsboğucu sisteminin yaxşılaşdırılması və təmtəraqlı təkər disklərinin təklif olunması.

Eksteryer
Ofrouderin eksteryerindəki dəyişikliklərə gəlincə, ilk növbədə karbon lifindən hazırlanmış yeni ön və arxa spoylerləri qeyd etmək lazımdır. Onlar yer səthinə doğru sıxma gücünü artırır və avtomobilin ön və arxa tərəflərinin dayanıqlığını artırır. Həmçinin kiçik aerodinamik üst konstruksiyanı da qeyd etmək lazımdır. 

Tünerlərin yerinə yetirdiyi təkmilləşdirmə işlərindən sonra ofrouderin standart asqısı tənzimlənən AIRMATIC modulu ilə təchiz olunub ki, bu da sürücünün zərurət olduqda avtomobilin ağırlıq mərkəzini aşağı endirməsinə imkan verir. Bu, yüksək sürətlə hərəkət zamanı avtomobilin idarə olunmasının asanlaşmasına kömək edəcək.

Eksteryerdəki dəyişiklikləri yüngül xəlitəli təkər diskləri tamamlayır. Mühəndislər diametri 23 düymədək olan disklərin beş yeni dəstini hazırlayıblar. Bundan başqa, Brabus atelyesi texnoloji tərəfdaşları Continental, Pirelli və Yokohama tərəfindən onun üçün təchiz olunan yüksək məhsuldarlığa malik yeni şinləri təklif edir.

Salon
Modelin təbii dəri və alkantara ilə işlənmiş interyeri hər bir alıcının zövqünə və maliyyə imkanlarına uyğun olaraq fərdiləşdirilə bilər.
İnteryerin tərtibatından istifadə olunmuş ağac və kömür lifi materialları istənilən rəngdə və səthləri müxtəlif formalarda olmaqla təklif olunur. Maksimal göstəricisi 360 km/saat olan spidometr də atelyenin təkmilləşdirmə proqramının tərkib hissəsidir.

Texnika
ML-in kapotunun altında quraşdırılmış 5,5 litr həcmə malik olan V8 biturbomotoru kifayət qədər yüksək məhsuldarlığa malikdir. Onun potensialı 518 at gücünə, maksimal fırlanma momenti 699 Nm-ə bərabərdir. Amma Brabus mütəxəssisləri bunu yetərli hesab etməyərək mühərrik üzərində təkmilləşdirmə işləri aparıblar. Bu işlərdən sonra mühərrik 611 at gücünə malikdir, maksimal fırlanma momenti isə 820 Nm təşkil edir. Belə göstəricilərlə avtomobil 100 km/saat sürət yığmağa sərf edilən müddət baxımından (4,5 saniyə) M-class ofrouderinin üçüncü nəslini asanlıqla üstələməyə qadirdir.

Maksimal sürət həddi elektronika vasitəsilə 300 km/saat sürət göstəricisi ilə məhdudlaşdırılıb. Brabus təmsilçiləri Mercedes-in AMG Performance atelyesinin opsional paketi ilə təchiz olunmuş model üçün də bu təkmilləşdirmə işlərini yerinə yetirməyə hazırdırlar. Bu opsional paketin sayəsində ofrouderin gücləndirilmiş mühərrikinin qüvvəsi 550 vahid, maksimal fırlanma momenti isə 758 Nm təşkil edir. Tünerlərin təkmilləşdirmə işlərindən sonra isə bu göstəricilər, müvafiq olaraq, 611 at gücünə və 819 Nm-ə bərabərdir.

Mühərrikin standart gücünü xeyli artırmaq üçün atelyenin mütəxəssisləri avtomobilin idmansayağı səsboğucu sistemini Brabus-un öz istehsalı olan paslanmayan poladdan düzəldilmiş borularla təchiz etməyi və daxiliyanma mühərrikinin elektron idarəetmə sistemində xüsusi Brabus PowerXtra modulundan istifadə etməyi qərara alıblar.
Mercedes-Benz ML 63 AMG üçün tüninq paketinin qiyməti barədə hələlik atelyedən hansısa  məlumat verilməyib.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.  

Şərhlərin sayı: 0

AVATAR
Hələ heç kim şərh verməyib. Birinci siz olun.